𑁨. 𑀤𑀼𑀢𑀺𑀬𑀲𑀺𑀓𑁆𑀔𑀸𑀧𑀤𑀁

𑁭𑁯𑁯. 𑀤𑀼𑀢𑀺𑀬𑁂 𑀲𑀁𑀤𑀲𑁆𑀲𑀦𑀁 𑀩𑀸𑀥𑀢𑀺 𑀦𑀺𑀲𑁂𑀥𑁂𑀢𑀺 𑀅𑀲𑁆𑀫𑀺𑀁 𑀞𑀸𑀦𑁂𑀢𑀺 𑀲𑀫𑁆𑀩𑀸𑀥𑀦𑁆𑀢𑀺 𑀯𑀘𑀦𑀢𑁆𑀣𑁂𑀦 𑀧𑀝𑀺𑀘𑁆𑀙𑀦𑁆𑀦𑁄𑀓𑀸𑀲𑁄 𑀲𑀫𑁆𑀩𑀸𑀥𑁄 𑀦𑀸𑀫𑀸𑀢𑀺 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀧𑀝𑀺𑀘𑁆𑀙𑀦𑁆𑀦𑁄𑀓𑀸𑀲𑁂’’𑀢𑀺. 𑀉𑀪𑁄 𑀉𑀧𑀓𑀘𑁆𑀙𑀓𑀸𑀢𑀺 𑀤𑁆𑀯𑁂 𑀩𑀸𑀳𑀼𑀫𑀽𑀮𑀸. 𑀢𑁂 𑀳𑀺 𑀉𑀧𑀭𑀺 𑀬𑀁𑀓𑀺𑀜𑁆𑀘𑀺 𑀯𑀢𑁆𑀣𑀼𑀁 𑀓𑀘𑀢𑀺 𑀩𑀦𑁆𑀥𑀢𑀺 𑀏𑀢𑁆𑀣𑀸𑀢𑀺 𑀉𑀧𑀓𑀘𑁆𑀙𑀓𑀸𑀢𑀺 𑀯𑀼𑀘𑁆𑀘𑀦𑁆𑀢𑀺. 𑀫𑀼𑀢𑁆𑀢𑀓𑀭𑀡𑀦𑁆𑀢𑀺 𑀧𑀲𑁆𑀲𑀸𑀯𑀫𑀕𑁆𑀕𑁄. 𑀲𑁄 𑀳𑀺 𑀫𑀼𑀢𑁆𑀢𑀁 𑀓𑀭𑁄𑀢𑀺 𑀅𑀦𑁂𑀦𑀸𑀢𑀺 𑀫𑀼𑀢𑁆𑀢𑀓𑀭𑀡𑀦𑁆𑀢𑀺 𑀯𑀼𑀘𑁆𑀘𑀢𑀺. 𑀮𑁄𑀫𑁄 𑀓𑀢𑁆𑀢𑀻𑀬𑀢𑀺 𑀙𑀺𑀦𑁆𑀤𑀻𑀬𑀢𑀺 𑀇𑀫𑀸𑀬𑀸𑀢𑀺 𑀓𑀢𑁆𑀢𑀭𑀺, 𑀢𑀸𑀬 𑀯𑀸, 𑀲𑀼𑀝𑁆𑀞𑀼 𑀤𑀴𑁆𑀳𑀁 𑀮𑁄𑀫𑀁 𑀟𑀁𑀲𑀢𑀻𑀢𑀺 𑀲𑀡𑁆𑀟𑀸𑀲𑁄, 𑀲𑁄𑀬𑁂𑀯 𑀲𑀡𑁆𑀟𑀸𑀲𑀓𑁄, 𑀢𑁂𑀦 𑀯𑀸, 𑀔𑀼𑀭𑀢𑀺 𑀮𑁄𑀫𑀁 𑀙𑀺𑀦𑁆𑀤𑀢𑀻𑀢𑀺 𑀔𑀼𑀭𑁄, 𑀢𑁂𑀦 𑀯𑀸 𑀲𑀁𑀳𑀭𑀸𑀧𑁂𑀦𑁆𑀢𑀺𑀬𑀸𑀢𑀺 𑀲𑀫𑁆𑀩𑀦𑁆𑀥𑁄. 𑀲𑀁𑀳𑀭𑀸𑀧𑁂𑀦𑁆𑀢𑀺𑀬𑀸𑀢𑀺 𑀅𑀧𑀦𑁂𑀦𑁆𑀢𑀺𑀬𑀸𑀢𑀺. 𑀤𑀼𑀢𑀺𑀬𑀁.