𑁯. 𑀦𑀯𑀫𑀲𑀗𑁆𑀖𑀸𑀤𑀺𑀲𑁂𑀲𑀲𑀺𑀓𑁆𑀔𑀸𑀧𑀤𑀁

𑁭𑁨𑁩. 𑀦𑀯𑀫𑁂 𑀲𑀁𑀲𑀝𑁆𑀞𑀲𑀤𑁆𑀤𑁄 𑀫𑀺𑀲𑁆𑀲𑀧𑀭𑀺𑀬𑀸𑀬𑁄𑀢𑀺 𑀆𑀳 ‘‘𑀫𑀺𑀲𑁆𑀲𑀻𑀪𑀽𑀢𑀸’’𑀢𑀺. ‘‘𑀅𑀦𑀦𑀼𑀮𑁄𑀫𑁂𑀦𑀸’’𑀢𑀺𑀇𑀫𑀺𑀦𑀸 ‘‘𑀅𑀦𑀦𑀼𑀮𑁄𑀫𑀺𑀓𑁂𑀦𑀸’’𑀢𑀺 𑀏𑀢𑁆𑀣 𑀇𑀓𑀲𑀤𑁆𑀤𑁄 𑀲𑁆𑀯𑀢𑁆𑀣𑁄𑀢𑀺 𑀤𑀲𑁆𑀲𑁂𑀢𑀺. 𑀓𑁄𑀝𑁆𑀝𑀦𑀜𑁆𑀘 𑀧𑀘𑀦𑀜𑁆𑀘 𑀕𑀦𑁆𑀥𑀧𑀺𑀲𑀦𑀜𑁆𑀘 𑀫𑀸𑀮𑀸𑀕𑀦𑁆𑀣𑀦𑀜𑁆𑀘. 𑀆𑀤𑀺𑀲𑀤𑁆𑀤𑁂𑀦 𑀅𑀜𑁆𑀜𑁂𑀧𑀺 𑀅𑀦𑀦𑀼𑀮𑁄𑀫𑀺𑀓𑁂 𑀓𑀸𑀬𑀺𑀓𑁂 𑀲𑀗𑁆𑀕𑀡𑁆𑀳𑀸𑀢𑀺. 𑀲𑀸𑀲𑀦𑀸𑀳𑀭𑀡𑀜𑁆𑀘 𑀧𑀝𑀺𑀲𑀸𑀲𑀦𑀳𑀭𑀡𑀜𑁆𑀘 𑀲𑀜𑁆𑀘𑀭𑀺𑀢𑁆𑀢𑀜𑁆𑀘. 𑀆𑀤𑀺𑀲𑀤𑁆𑀤𑁂𑀦 𑀅𑀜𑁆𑀜𑁂𑀧𑀺 𑀅𑀦𑀦𑀼𑀮𑁄𑀫𑀺𑀓𑁂 𑀯𑀸𑀘𑀲𑀺𑀓𑁂 𑀲𑀗𑁆𑀕𑀡𑁆𑀳𑀸𑀢𑀺. 𑀏𑀢𑀸𑀲𑀦𑁆𑀢𑀺 𑀪𑀺𑀓𑁆𑀔𑀼𑀦𑀻𑀦𑀁. 𑀲𑀺𑀮𑁄𑀓𑁄𑀢𑀺 𑀬𑀲𑁄𑀢𑀺. 𑀦𑀯𑀫𑀁.