𑁯. 𑀦𑀯𑀫𑀲𑀺𑀓𑁆𑀔𑀸𑀧𑀤𑀁

𑁧𑁧𑁫𑁮. 𑀦𑀯𑀫𑁂 𑀅𑀦𑁆𑀢𑁄𑀢𑀺 𑀅𑀩𑁆𑀪𑀦𑁆𑀢𑀭𑁂. 𑀇𑀫𑀺𑀦𑀸 𑀆𑀢𑁆𑀬𑀽𑀧𑀲𑀕𑁆𑀕𑀲𑁆𑀲𑀢𑁆𑀣𑀁 𑀤𑀲𑁆𑀲𑁂𑀢𑀺. ‘‘𑀲𑁄𑀓’’𑀦𑁆𑀢𑀺𑀆𑀤𑀺𑀦𑀸 𑀅𑀦𑁆𑀢𑁄 𑀯𑀸𑀲𑁂𑀢𑀺 𑀧𑀯𑁂𑀲𑁂𑀢𑀻𑀢𑀺 𑀆𑀯𑀸𑀲𑀸. 𑀲𑁄𑀓𑀁 𑀆𑀯𑀸𑀲𑀸 𑀲𑁄𑀓𑀸𑀯𑀸𑀲𑀸𑀢𑀺 𑀯𑀘𑀦𑀢𑁆𑀣𑀁 𑀤𑀲𑁆𑀲𑁂𑀢𑀺. 𑀖𑀭𑀁 𑀖𑀭𑀲𑀸𑀫𑀺𑀓𑀸 𑀆𑀯𑀺𑀲𑀦𑁆𑀢𑀺 𑀯𑀺𑀬, 𑀏𑀯𑀁 𑀅𑀬𑀫𑁆𑀧𑀺 𑀲𑁄𑀓𑀁 𑀆𑀯𑀺𑀲𑀢𑀻𑀢𑀺 𑀬𑁄𑀚𑀦𑀸. 𑀇𑀢𑀻𑀢𑀺 𑀏𑀯𑀁. 𑀬𑀦𑁆𑀢𑀺 𑀲𑁄𑀓𑀁. 𑀲𑁆𑀯𑀸𑀲𑁆𑀲𑀸𑀢𑀺 𑀲𑁄 𑀅𑀲𑁆𑀲𑀸. 𑀲𑁄𑀢𑀺 𑀲𑁄𑀓𑁄. 𑀅𑀲𑁆𑀲𑀸𑀢𑀺 𑀲𑀺𑀓𑁆𑀔𑀫𑀸𑀦𑀸𑀬. 𑀆𑀯𑀸𑀲𑁄𑀢𑀺 𑀆𑀯𑀸𑀲𑁄𑀓𑀸𑀲𑁄. ‘‘𑀏𑀤𑀺𑀲𑀸 𑀅𑀬’’𑀦𑁆𑀢𑀺 𑀇𑀫𑀺𑀦𑀸 ‘‘𑀅𑀚𑀸𑀦𑀦𑁆𑀢𑀻’’𑀢𑀺 𑀏𑀢𑁆𑀣 𑀅𑀚𑀸𑀦𑀦𑀸𑀓𑀸𑀭𑀁 𑀤𑀲𑁆𑀲𑁂𑀢𑀻𑀢𑀺. 𑀦𑀯𑀫𑀁.