𑁨. 𑀤𑀼𑀢𑀺𑀬𑀧𑀸𑀭𑀸𑀚𑀺𑀓𑀲𑀺𑀓𑁆𑀔𑀸𑀧𑀤𑀁

𑁬𑁬𑁪. 𑀤𑀼𑀢𑀺𑀬𑁂 𑀓𑀘𑁆𑀘𑀺 𑀦𑁄 𑀲𑀸𑀢𑀺 𑀏𑀢𑁆𑀣 𑀦𑁄𑀲𑀤𑁆𑀤𑁄 𑀦𑀼𑀲𑀤𑁆𑀤𑀢𑁆𑀣𑁄𑀢𑀺 𑀆𑀳 ‘‘𑀓𑀘𑁆𑀘𑀺 𑀦𑀼 𑀲𑀸’’𑀢𑀺. 𑀧𑀭𑀺𑀯𑀸𑀭𑀯𑀺𑀧𑀢𑁆𑀢𑀻𑀢𑀺 𑀧𑀭𑀺𑀚𑀦𑀲𑁆𑀲 𑀯𑀺𑀦𑀸𑀲𑀦𑀁. ‘‘𑀅𑀓𑀺𑀢𑁆𑀢𑀻’’𑀢𑀺 𑀏𑀢𑁆𑀣 𑀲𑀫𑁆𑀫𑀼𑀔𑀸 𑀦𑀺𑀦𑁆𑀤𑀁 𑀕𑀳𑁂𑀢𑁆𑀯𑀸 ‘‘𑀅𑀬𑀲𑁄’’𑀢𑀺𑀇𑀫𑀺𑀦𑀸 𑀧𑀭𑀫𑁆𑀫𑀼𑀔𑀸 𑀦𑀺𑀦𑁆𑀤𑀸 𑀕𑀳𑁂𑀢𑀩𑁆𑀩𑀸𑀢𑀺 𑀤𑀲𑁆𑀲𑁂𑀢𑀼𑀁 𑀯𑀼𑀢𑁆𑀢𑀁 ‘‘𑀧𑀭𑀫𑁆𑀫𑀼𑀔𑀕𑀭𑀳𑀸 𑀯𑀸’’𑀢𑀺.

𑁬𑁬𑁬. ‘‘𑀬𑀸 𑀧𑀸𑀭𑀸𑀚𑀺𑀓𑀁 𑀆𑀧𑀦𑁆𑀦𑀸’’𑀢𑀺𑀇𑀫𑀺𑀦𑀸 ‘‘𑀲𑀸 𑀯𑀸’’𑀢𑀺 𑀏𑀢𑁆𑀣 𑀢𑀲𑀤𑁆𑀤𑀲𑁆𑀲 𑀯𑀺𑀲𑀬𑀁 𑀤𑀲𑁆𑀲𑁂𑀢𑀺. 𑀘𑀢𑀼𑀦𑁆𑀦𑀦𑁆𑀢𑀺 𑀦𑀺𑀤𑁆𑀥𑀸𑀭𑀡𑀢𑁆𑀣𑁂 𑀘𑁂𑀢𑀁 𑀲𑀸𑀫𑀺𑀯𑀘𑀦𑀁, 𑀘𑀢𑀽𑀲𑀽𑀢𑀺 𑀅𑀢𑁆𑀣𑁄. 𑀧𑀘𑁆𑀙𑀸𑀢𑀺 𑀲𑀩𑁆𑀩𑀧𑀸𑀭𑀸𑀚𑀺𑀓𑀸𑀦𑀁 𑀧𑀘𑁆𑀙𑀸. 𑀇𑀫𑀲𑁆𑀫𑀺𑀁 𑀑𑀓𑀸𑀲𑁂𑀢𑀺 𑀧𑀞𑀫𑀢𑀢𑀺𑀬𑀧𑀸𑀭𑀸𑀚𑀺𑀓𑀸𑀦𑀫𑀦𑁆𑀢𑀭𑁂 𑀞𑀸𑀦𑁂. 𑀞𑀧𑀺𑀢𑀦𑁆𑀢𑀺 𑀲𑀗𑁆𑀕𑀻𑀢𑀺𑀓𑀸𑀭𑁂𑀳𑀺 𑀦𑀺𑀓𑁆𑀔𑀺𑀢𑁆𑀢𑀁. 𑀏𑀢𑁆𑀣𑀸𑀢𑀺 𑀇𑀫𑀲𑁆𑀫𑀺𑀁 𑀲𑀺𑀓𑁆𑀔𑀸𑀧𑀤𑁂. 𑀢𑀢𑁆𑀭𑀸𑀢𑀺 𑀤𑀼𑀝𑁆𑀞𑀼𑀮𑁆𑀮𑀲𑀺𑀓𑁆𑀔𑀸𑀧𑀤𑁂𑀢𑀺. 𑀤𑀼𑀢𑀺𑀬𑀁.