𑁬. 𑀣𑁂𑀬𑁆𑀬𑀲𑀢𑁆𑀣𑀲𑀺𑀓𑁆𑀔𑀸𑀧𑀤𑀁

𑁪𑁦𑁭. 𑀙𑀝𑁆𑀞𑁂 ‘‘𑀧𑀝𑀺𑀬𑀸𑀮𑁄𑀓’’𑀦𑁆𑀢𑀺 𑀏𑀢𑁆𑀣 𑀆𑀮𑁄𑀓𑀲𑀤𑁆𑀤𑁂𑀦 𑀲𑀽𑀭𑀺𑀬𑁄 𑀯𑀼𑀢𑁆𑀢𑁄 𑀉𑀧𑀘𑀸𑀭𑁂𑀦. 𑀲𑀽𑀭𑀺𑀬𑁄 𑀳𑀺 𑀧𑀼𑀭𑀢𑁆𑀣𑀺𑀫𑀤𑀺𑀲𑀢𑁄 𑀉𑀕𑁆𑀕𑀦𑁆𑀢𑁆𑀯𑀸 𑀧𑀘𑁆𑀙𑀺𑀫𑀤𑀺𑀲𑀁 𑀕𑀢𑁄, 𑀢𑀲𑁆𑀫𑀸 𑀲𑀽𑀭𑀺𑀬𑀲𑀗𑁆𑀔𑀸𑀢𑀲𑁆𑀲 𑀆𑀮𑁄𑀓𑀲𑁆𑀲 𑀧𑀝𑀺𑀫𑀼𑀔𑀁 ‘‘𑀧𑀝𑀺𑀬𑀸𑀮𑁄𑀓’’𑀦𑁆𑀢𑀺 𑀯𑀼𑀢𑁆𑀢𑁂 𑀧𑀘𑁆𑀙𑀺𑀫𑀤𑀺𑀲𑀸𑀬𑁂𑀯 𑀕𑀳𑁂𑀢𑀩𑁆𑀩𑀸𑀢𑀺 𑀆𑀳 ‘‘𑀧𑀘𑁆𑀙𑀺𑀫𑀁 𑀤𑀺𑀲𑀦𑁆𑀢𑀺 𑀅𑀢𑁆𑀣𑁄’’𑀢𑀺. 𑀓𑀫𑁆𑀫𑀺𑀓𑀸𑀢𑀺 𑀓𑀫𑁆𑀫𑁂 𑀬𑀼𑀢𑁆𑀢𑀸 𑀧𑀬𑀼𑀢𑁆𑀢𑀸.

𑁪𑁦𑁯. 𑀭𑀸𑀚𑀸𑀦𑀦𑁆𑀢𑀺 𑀏𑀢𑁆𑀣 𑀭𑀜𑁆𑀜𑁄 𑀲𑀦𑁆𑀢𑀓𑀁 ‘‘𑀭𑀸𑀚𑀸’’𑀢𑀺 𑀯𑀼𑀘𑁆𑀘𑀢𑀺 𑀉𑀧𑀘𑀸𑀭𑁂𑀦, 𑀅𑀣 𑀯𑀸 𑀭𑀜𑁆𑀜𑁄 𑀏𑀲𑁄 ‘‘𑀭𑀸𑀚𑀸’’𑀢𑀺 𑀓𑀢𑁆𑀯𑀸 𑀭𑀜𑁆𑀜𑁄 𑀲𑀦𑁆𑀢𑀓𑀁 ‘‘𑀭𑀸𑀚𑀸’’𑀢𑀺 𑀯𑀼𑀘𑁆𑀘𑀢𑀺. 𑀣𑁂𑀬𑁆𑀬𑀦𑁆𑀢𑀺 𑀣𑁂𑀦𑁂𑀢𑁆𑀯𑀸 ‘‘𑀲𑀓𑁆𑀓𑀘𑁆𑀘’’𑀦𑁆𑀢𑀺𑀆𑀤𑀻𑀲𑀼 (𑀧𑀸𑀘𑀺. 𑁬𑁦𑁬) 𑀯𑀺𑀬 𑀦𑀺𑀕𑁆𑀕𑀳𑀻𑀢𑀸𑀕𑀫𑁄 𑀳𑁄𑀢𑀺. 𑀭𑀸𑀚𑀸𑀦𑀁, 𑀭𑀜𑁆𑀜𑁄 𑀲𑀦𑁆𑀢𑀓𑀁 𑀯𑀸 𑀣𑁂𑀬𑁆𑀬𑀁 𑀣𑁂𑀦𑁂𑀢𑁆𑀯𑀸 𑀕𑀘𑁆𑀙𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀇𑀢𑀺 𑀇𑀫𑀫𑀢𑁆𑀣𑀁 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀭𑀸𑀚𑀸𑀦𑀁 𑀯𑀸 𑀣𑁂𑀦𑁂𑀢𑁆𑀯𑀸’’𑀢𑀺𑀆𑀤𑀺.

𑁪𑁧𑁧. 𑀘𑀢𑀽𑀲𑀼 𑀯𑀺𑀲𑀗𑁆𑀓𑁂𑀢𑁂𑀲𑀼 𑀤𑁆𑀯𑀻𑀳𑀺 𑀅𑀦𑀸𑀧𑀢𑁆𑀢𑀺, 𑀤𑁆𑀯𑀻𑀳𑀺 𑀆𑀧𑀢𑁆𑀢𑀺𑀬𑁂𑀯𑀸𑀢𑀺. 𑀙𑀝𑁆𑀞𑀁.