𑁪. 𑀅𑀦𑀸𑀤𑀭𑀺𑀬𑀲𑀺𑀓𑁆𑀔𑀸𑀧𑀤𑀁

𑁩𑁪𑁨. 𑀘𑀢𑀼𑀢𑁆𑀣𑁂 𑀥𑀫𑁆𑀫𑁄 𑀦𑀸𑀫 𑀢𑀦𑁆𑀢𑀺𑀬𑁂𑀯𑀸𑀢𑀺 𑀆𑀳 ‘‘𑀢𑀦𑁆𑀢𑀻’’𑀢𑀺. 𑀧𑀯𑁂𑀡𑀻𑀢𑀺 𑀢𑀲𑁆𑀲𑁂𑀯 𑀯𑁂𑀯𑀘𑀦𑀁. ‘‘𑀢𑀁 𑀯𑀸 𑀦 𑀲𑀺𑀓𑁆𑀔𑀺𑀢𑀼𑀓𑀸𑀫𑁄’’𑀢𑀺 𑀏𑀢𑁆𑀣 𑀢𑀁𑀲𑀤𑁆𑀤𑀲𑁆𑀲 𑀅𑀢𑁆𑀣𑀫𑀸𑀯𑀺𑀓𑀸𑀢𑀼𑀁 𑀯𑀼𑀢𑁆𑀢𑀁 ‘‘𑀬𑁂𑀦 𑀧𑀜𑁆𑀜𑀢𑁆𑀢𑁂𑀦𑀸’’𑀢𑀺. 𑀯𑀺𑀦𑀬𑁂 𑀅𑀧𑀜𑁆𑀜𑀢𑁆𑀢𑀁 𑀲𑀦𑁆𑀥𑀸𑀬 𑀯𑀼𑀢𑁆𑀢𑀁 ‘‘𑀅𑀧𑀜𑁆𑀜𑀢𑁆𑀢𑁂𑀦𑀸’’𑀢𑀺 𑀆𑀳 ‘‘𑀲𑀼𑀢𑁆𑀢𑁂 𑀯𑀸 𑀅𑀪𑀺𑀥𑀫𑁆𑀫𑁂 𑀯𑀸 𑀆𑀕𑀢𑁂𑀦𑀸’’𑀢𑀺.

𑁩𑁪𑁪. 𑀧𑀯𑁂𑀡𑀺𑀬𑀸𑀢𑀺 𑀉𑀧𑀸𑀮𑀺𑀆𑀤𑀺𑀓𑀸𑀬 𑀆𑀘𑀭𑀺𑀬𑀧𑀭𑀫𑁆𑀧𑀭𑀲𑀗𑁆𑀔𑀸𑀢𑀸𑀬 𑀢𑀦𑁆𑀢𑀺𑀬𑀸. 𑀓𑀼𑀭𑀼𑀦𑁆𑀤𑀺𑀬𑀁 𑀯𑀼𑀢𑁆𑀢𑀦𑁆𑀢𑀺 𑀲𑀫𑁆𑀩𑀦𑁆𑀥𑁄. 𑀫𑀳𑀸𑀧𑀘𑁆𑀘𑀭𑀺𑀬𑀁 𑀯𑀼𑀢𑁆𑀢𑀦𑁆𑀢𑀺 𑀲𑀫𑁆𑀩𑀦𑁆𑀥𑁄. 𑀢𑀁 𑀲𑀩𑁆𑀩𑀦𑁆𑀢𑀺 𑀓𑀼𑀭𑀼𑀦𑁆𑀤𑀺𑀯𑀸𑀤𑀫𑀳𑀸𑀧𑀘𑁆𑀘𑀭𑀺𑀯𑀸𑀤𑀲𑀗𑁆𑀔𑀸𑀢𑀁 𑀲𑀩𑁆𑀩𑀁 𑀢𑀁 𑀯𑀘𑀦𑀁. 𑀧𑀯𑁂𑀡𑀺𑀬𑀸 𑀆𑀕𑀢𑁂𑀢𑀺 𑀧𑀯𑁂𑀡𑀺𑀬𑀸 𑀆𑀕𑀢𑀲𑀗𑁆𑀔𑀸𑀢𑁂 𑀫𑀳𑀸𑀅𑀝𑁆𑀞𑀓𑀣𑀸𑀯𑀸𑀤𑁂𑀢𑀺. 𑀘𑀢𑀼𑀢𑁆𑀣𑀁.

𑁩𑁪𑁫. 𑀧𑀜𑁆𑀘𑀫𑁂 𑀫𑀦𑀼𑀲𑁆𑀲𑀯𑀺𑀕𑁆𑀕𑀳𑁂𑀢𑀺 𑀫𑀦𑀼𑀲𑁆𑀲𑀯𑀺𑀕𑁆𑀕𑀳𑀧𑀸𑀭𑀸𑀚𑀺𑀓𑁂𑀢𑀺. 𑀧𑀜𑁆𑀘𑀫𑀁.