𑁧𑁭. 𑀆𑀧𑀼𑀘𑁆𑀙𑀓𑀭𑀡𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸

𑁧𑁬𑁧. 𑀣𑁂𑀭𑁂𑀦𑀸𑀢𑀺 𑀲𑀗𑁆𑀖𑀢𑁆𑀣𑁂𑀭𑁂𑀦.

𑁧𑁬𑁨. 𑀢𑀢𑁆𑀣 𑀢𑀢𑁆𑀣 𑀲𑀦𑁆𑀦𑀺𑀧𑀢𑀺𑀢𑀸𑀦𑀁 𑀲𑀩𑁆𑀩𑁂𑀲𑀁 𑀯𑀼𑀟𑁆𑀠𑁄 𑀯𑀼𑀟𑁆𑀠𑀢𑀭𑁄, 𑀢𑀲𑁆𑀫𑀺𑀁 𑀯𑀼𑀟𑁆𑀠𑀢𑀭𑀸𑀕𑀫𑁂 𑀧𑀼𑀦 𑀆𑀧𑀼𑀘𑁆𑀙𑀦𑀁 𑀦𑀢𑁆𑀣𑀺. 𑀪𑀢𑁆𑀢𑀕𑁆𑀕𑁂 𑀘𑀸𑀦𑀼𑀫𑁄𑀤𑀢𑁄𑀢𑀺 𑀏𑀢𑁆𑀣 𑀤𑀸𑀦𑀧𑀢𑀺𑀦𑀸 𑀬𑀸𑀘𑀺𑀢𑁂𑀦 𑀤𑀳𑀭𑁂𑀦 𑀯𑀼𑀟𑁆𑀠𑁂𑀦 𑀅𑀦𑀸𑀧𑀼𑀘𑁆𑀙𑀺𑀢𑁆𑀯𑀸 𑀓𑀣𑁂𑀢𑀼𑀁 𑀯𑀝𑁆𑀝𑀢𑀻𑀢𑀺 𑀯𑀤𑀦𑁆𑀢𑀺.

𑁧𑁬𑁩. 𑀏𑀓𑀯𑀺𑀳𑀸𑀭𑀓𑁂𑀢𑀺 𑀏𑀓𑁄𑀯𑀭𑀓𑁂 𑀯𑀼𑀟𑁆𑀠𑁂𑀦 𑀯𑀲𑀦𑁆𑀢𑁄 𑀅𑀦𑀸𑀧𑀼𑀘𑁆𑀙𑀸 𑀦 𑀲𑀚𑁆𑀛𑀸𑀬𑁂𑀬𑁆𑀬𑀸𑀢𑀺 𑀅𑀢𑁆𑀣𑁄. 𑀉𑀤𑁆𑀤𑁂𑀲𑀁 𑀧𑀭𑀺𑀧𑀼𑀘𑁆𑀙𑀜𑁆𑀘 𑀦𑁄 𑀤𑀤𑁂𑀢𑀺 𑀉𑀤𑁆𑀤𑁂𑀲𑀁 𑀯𑀸 𑀧𑀭𑀺𑀧𑀼𑀘𑁆𑀙𑀁 𑀯𑀸 𑀦𑁄 𑀤𑀤𑁂𑀬𑁆𑀬.

𑁧𑁬𑁪. 𑀦 𑀯𑀺𑀯𑀭𑁂𑀬𑁆𑀬 𑀦 𑀣𑀓𑁂𑀬𑁆𑀬 𑀘𑀸𑀢𑀺 𑀲𑀫𑁆𑀩𑀦𑁆𑀥𑁄. 𑀤𑁆𑀯𑀸𑀭𑀁 𑀦𑀸𑀫 𑀫𑀳𑀸𑀯𑀴𑀜𑁆𑀚𑀁, 𑀢𑀢𑁆𑀣 𑀆𑀧𑀼𑀘𑁆𑀙𑀦𑀓𑀺𑀘𑁆𑀘𑀁 𑀦𑀢𑁆𑀣𑀺.

𑁧𑁬𑁫. 𑀯𑀼𑀟𑁆𑀠𑁂𑀦 𑀘𑀗𑁆𑀓𑀫𑁂 𑀘𑀗𑁆𑀓𑀫𑀦𑁆𑀢𑁄𑀧𑀺 𑀬𑁂𑀦 𑀯𑀼𑀟𑁆𑀠𑁄, 𑀢𑁂𑀦 𑀧𑀭𑀺𑀯𑀢𑁆𑀢𑀬𑁂𑀢𑀺 𑀲𑀫𑁆𑀩𑀦𑁆𑀥𑁄. 𑀆𑀧𑀼𑀘𑁆𑀙𑀓𑀭𑀡𑀯𑀺𑀦𑀺𑀘𑁆𑀙𑀬𑁄.

𑀆𑀧𑀼𑀘𑁆𑀙𑀓𑀭𑀡𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.