𑁨𑁯. 𑀫𑀺𑀘𑁆𑀙𑀸𑀚𑀻𑀯𑀯𑀺𑀯𑀚𑁆𑀚𑀦𑀸𑀦𑀺𑀤𑁆𑀤𑁂𑀲𑁄

𑀫𑀺𑀘𑁆𑀙𑀸𑀚𑀻𑀯𑀯𑀺𑀯𑀚𑁆𑀚𑀦𑀸𑀢𑀺 𑁋

𑁨𑁦𑁯. 𑀤𑀸𑀭𑀼𑀁 𑀯𑁂𑀴𑀼𑀁 𑀨𑀮𑀁 𑀧𑀼𑀧𑁆𑀨𑀁, 𑀘𑀼𑀡𑁆𑀡𑀁 𑀦𑁆𑀳𑀸𑀦𑀫𑀼𑀔𑁄𑀤𑀓𑀁;

𑀫𑀢𑁆𑀢𑀺𑀓𑀸𑀤𑀦𑁆𑀢𑀓𑀝𑁆𑀞𑀸𑀤𑀺𑀁, 𑀦 𑀤𑀤𑁂 𑀓𑀼𑀮𑀲𑀗𑁆𑀕𑀳𑀸.

𑁨𑁧𑁦. 𑀧𑀸𑀭𑀺𑀪𑀝𑀓𑀢𑀸𑀫𑀼𑀕𑁆𑀕-𑀲𑀽𑀧𑁆𑀬𑀢𑀸𑀯𑀢𑁆𑀣𑀼𑀯𑀺𑀚𑁆𑀚𑀬𑀸;

𑀧𑀳𑁂𑀡𑀤𑀽𑀢𑀓𑀫𑁆𑀫𑁂𑀦, 𑀚𑀗𑁆𑀖𑀧𑁂𑀲𑀦𑀺𑀬𑁂𑀦 𑀯𑀸.

𑁨𑁧𑁧. 𑀅𑀦𑀼𑀧𑁆𑀧𑀤𑀸𑀦𑀧𑁆𑀧𑀝𑀺𑀧𑀺𑀡𑁆𑀟-𑀯𑁂𑀚𑁆𑀚𑀓𑀫𑁆𑀫𑁂𑀦 𑀯𑀸 𑀧𑀦;

𑀦𑀸𑀜𑁆𑀜𑁂𑀦 𑀯𑀸𑀧𑀺 𑀲𑀫𑁆𑀩𑀼𑀤𑁆𑀥𑀧𑁆𑀧𑀝𑀺𑀓𑀼𑀝𑁆𑀞𑁂𑀦 𑀚𑀻𑀯𑀬𑁂.

𑁨𑁧𑁨. 𑀯𑀺𑀜𑁆𑀜𑀢𑁆𑀢𑀺𑀦𑁂𑀲𑀦𑀸𑀪𑀽𑀢𑀼𑀮𑁆𑀮𑀧𑀦𑀸𑀓𑀼𑀳𑀦𑀸𑀤𑀺𑀳𑀺;

𑀓𑀼𑀮𑀤𑀽𑀲𑀸𑀤𑀺𑀦𑀼𑀧𑁆𑀧𑀦𑁆𑀦𑀧𑀘𑁆𑀘𑀬𑁂 𑀧𑀭𑀺𑀯𑀚𑁆𑀚𑀬𑁂𑀢𑀺.