𑁯. 𑀢𑀺𑀭𑀘𑁆𑀙𑀸𑀦𑀯𑀺𑀚𑁆𑀚𑀸𑀧𑀭𑀺𑀬𑀸𑀧𑀼𑀡𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀳𑀢𑁆𑀣𑀺𑀆𑀤𑀻𑀲𑀼𑀧𑀺 (𑀲𑀸𑀭𑀢𑁆𑀣. 𑀝𑀻. 𑀧𑀸𑀘𑀺𑀢𑁆𑀢𑀺𑀬 𑁩.𑁧𑁦𑁧𑁫) 𑀲𑀺𑀧𑁆𑀧𑀲𑀤𑁆𑀤𑁄 𑀧𑀘𑁆𑀘𑁂𑀓𑀁 𑀬𑁄𑀚𑁂𑀢𑀩𑁆𑀩𑁄, 𑀢𑀣𑀸 𑀆𑀣𑀩𑁆𑀩𑀡𑀸𑀤𑀻𑀲𑀼 𑀫𑀦𑁆𑀢𑀲𑀤𑁆𑀤𑁄. 𑀢𑀢𑁆𑀣 𑀣𑀭𑀽𑀢𑀺 𑀔𑀕𑁆𑀕𑀫𑀼𑀝𑁆𑀞𑀺. 𑀆𑀣𑀩𑁆𑀩𑀡𑀫𑀦𑁆𑀢𑁄 𑀦𑀸𑀫 𑀆𑀣𑀩𑁆𑀩𑀡𑀯𑁂𑀤𑀯𑀺𑀳𑀺𑀢𑁄 𑀧𑀭𑀽𑀧𑀖𑀸𑀢𑀓𑀭𑁄 𑀫𑀦𑁆𑀢𑁄. 𑀔𑀺𑀮𑀦𑀫𑀦𑁆𑀢𑁄 𑀦𑀸𑀫 𑀤𑀸𑀭𑀼𑀲𑀸𑀭𑀔𑀺𑀮𑀁 𑀫𑀦𑁆𑀢𑁂𑀢𑁆𑀯𑀸 𑀧𑀣𑀯𑀺𑀬𑀁 𑀧𑀯𑁂𑀲𑁂𑀢𑁆𑀯𑀸 𑀫𑀸𑀭𑀡𑀫𑀦𑁆𑀢𑁄. 𑀅𑀕𑀤𑀧𑁆𑀧𑀬𑁄𑀕𑁄 𑀦𑀸𑀫 𑀯𑀺𑀲𑀬𑁄𑀚𑀦𑀁.

𑀢𑀺𑀭𑀘𑁆𑀙𑀸𑀦𑀯𑀺𑀚𑁆𑀚𑀸𑀧𑀭𑀺𑀬𑀸𑀧𑀼𑀡𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.