𑁧. 𑀭𑀸𑀚𑀸𑀕𑀸𑀭𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀓𑀻𑀴𑀦𑀘𑀺𑀢𑁆𑀢𑀲𑀸𑀮𑀦𑁆𑀢𑀺 𑀦 𑀭𑀜𑁆𑀜𑁄𑀯 𑀓𑀻𑀴𑀦𑀘𑀺𑀢𑁆𑀢𑀲𑀸𑀮𑀁, 𑀅𑀣 𑀔𑁄 𑀬𑁂𑀲𑀁 𑀓𑁂𑀲𑀜𑁆𑀘𑀺 𑀫𑀦𑀼𑀲𑁆𑀲𑀸𑀦𑀁 𑀓𑀻𑀴𑀦𑀢𑁆𑀣𑀁 𑀬𑀢𑁆𑀣 𑀓𑀢𑁆𑀣𑀘𑀺 𑀓𑀢𑀲𑀸𑀮𑀁. 𑀏𑀲 𑀦𑀬𑁄 ‘‘𑀓𑀻𑀴𑀦𑀉𑀧𑀯𑀦’’𑀦𑁆𑀢𑀺𑀆𑀤𑀻𑀲𑀼𑀧𑀺. 𑀬𑀣𑀸𑀳 ‘‘𑀭𑀸𑀚𑀸𑀕𑀸𑀭𑀁 𑀦𑀸𑀫 𑀬𑀢𑁆𑀣 𑀓𑀢𑁆𑀣𑀘𑀺 𑀭𑀜𑁆𑀜𑁄 𑀓𑀻𑀴𑀺𑀢𑀼𑀁 𑀭𑀫𑀺𑀢𑀼𑀁 𑀓𑀢𑀁 𑀳𑁄𑀢𑀻’’𑀢𑀺𑀆𑀤𑀺𑀓𑁄 (𑀧𑀸𑀘𑀺. 𑁯𑁭𑁯) 𑀯𑀺𑀢𑁆𑀣𑀸𑀭𑁄. 𑀢𑀢𑁆𑀣 𑀓𑀻𑀴𑀦𑀉𑀧𑀯𑀦𑀦𑁆𑀢𑀺 𑀓𑀻𑀴𑀦𑀢𑁆𑀣𑀁 𑀅𑀦𑁆𑀢𑁄𑀦𑀕𑀭𑁂 𑀓𑀢𑀁 𑀆𑀭𑀸𑀫𑀁. 𑀓𑀻𑀴𑀦𑀼𑀬𑁆𑀬𑀸𑀦𑀦𑁆𑀢𑀺 𑀢𑀣𑁂𑀯 𑀩𑀳𑀺𑀦𑀕𑀭𑁂 𑀓𑀢𑀁 𑀉𑀬𑁆𑀬𑀸𑀦𑀁.

𑀭𑀸𑀚𑀸𑀕𑀸𑀭𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.