𑁭-𑁧𑁦. 𑀧𑀝𑀺𑀩𑀸𑀳𑀦𑀸𑀤𑀺𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀆𑀦𑀺𑀲𑀁𑀲𑀁 𑀤𑀲𑁆𑀲𑁂𑀢𑁆𑀯𑀸 𑀧𑀝𑀺𑀩𑀸𑀳𑀦𑁆𑀢𑀺𑀬𑀸𑀢𑀺 ‘‘𑀏𑀓𑀺𑀲𑁆𑀲𑀸 𑀏𑀓𑀁 𑀲𑀸𑀝𑀓𑀁 𑀦𑀧𑁆𑀧𑀳𑁄𑀢𑀺, 𑀆𑀕𑀫𑁂𑀣 𑀢𑀸𑀯, 𑀓𑀢𑀺𑀧𑀸𑀳𑁂𑀦 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀢𑀢𑁄 𑀪𑀸𑀚𑁂𑀲𑁆𑀲𑀸𑀫𑀸’’𑀢𑀺 (𑀧𑀸𑀘𑀺. 𑀅𑀝𑁆𑀞. 𑁯𑁧𑁫) 𑀏𑀯𑀁 𑀆𑀦𑀺𑀲𑀁𑀲𑀁 𑀤𑀲𑁆𑀲𑁂𑀢𑁆𑀯𑀸 𑀧𑀝𑀺𑀩𑀸𑀳𑀦𑁆𑀢𑀺𑀬𑀸 𑀅𑀦𑀸𑀧𑀢𑁆𑀢𑀺.

𑀅𑀝𑁆𑀞𑀫𑀦𑀯𑀫𑀸𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯.

𑀲𑁂𑀲𑀦𑁆𑀢𑀺 ‘‘𑀥𑀫𑁆𑀫𑀺𑀓𑁂 𑀯𑁂𑀫𑀢𑀺𑀓𑀸𑀬𑀸’’𑀢𑀺𑀆𑀤𑀺𑀓𑀁 𑀅𑀯𑀲𑁂𑀲𑀁. 𑀢𑀢𑁆𑀣 𑀆𑀦𑀺𑀲𑀁𑀲𑀁 𑀤𑀲𑁆𑀲𑁂𑀢𑁆𑀯𑀸 𑀧𑀝𑀺𑀩𑀸𑀳𑀦𑁆𑀢𑀺𑀬𑀸𑀢𑀺 ‘‘𑀪𑀺𑀓𑁆𑀔𑀼𑀦𑀺𑀲𑀗𑁆𑀖𑁄 𑀚𑀺𑀡𑁆𑀡𑀘𑀻𑀯𑀭𑁄, 𑀓𑀣𑀺𑀦𑀸𑀦𑀺𑀲𑀁𑀲𑀫𑀽𑀮𑀓𑁄 𑀫𑀳𑀸𑀮𑀸𑀪𑁄’’𑀢𑀺 (𑀧𑀸𑀘𑀺. 𑀅𑀝𑁆𑀞. 𑁯𑁩𑁧) 𑀏𑀯𑀭𑀽𑀧𑀁 𑀆𑀦𑀺𑀲𑀁𑀲𑀁 𑀤𑀲𑁆𑀲𑁂𑀢𑁆𑀯𑀸 𑀧𑀝𑀺𑀩𑀸𑀳𑀦𑁆𑀢𑀺𑀬𑀸 𑀅𑀦𑀸𑀧𑀢𑁆𑀢𑀺.

𑀧𑀝𑀺𑀩𑀸𑀳𑀦𑀸𑀤𑀺𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀦𑀕𑁆𑀕𑀯𑀕𑁆𑀕𑁄 𑀢𑀢𑀺𑀬𑁄.