𑁫. 𑀅𑀦𑀸𑀧𑀼𑀘𑁆𑀙𑀸𑀧𑀓𑁆𑀓𑀫𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀆𑀲𑀻𑀤𑀦𑁆𑀢𑀺 𑀏𑀢𑁆𑀣𑀸𑀢𑀺 𑀆𑀲𑀦𑀦𑁆𑀢𑀺 𑀆𑀳 ‘‘𑀧𑀮𑁆𑀮𑀗𑁆𑀓𑀲𑁆𑀲𑁄𑀓𑀸𑀲𑀪𑀽𑀢𑁂’’𑀢𑀺, 𑀊𑀭𑀼𑀩𑀤𑁆𑀥𑀸𑀲𑀦𑀲𑁆𑀲 𑀑𑀓𑀸𑀲𑁂𑀢𑀺 𑀅𑀢𑁆𑀣𑁄. 𑀅𑀦𑁄𑀯𑀲𑁆𑀲𑀓𑀦𑁆𑀢𑀺 𑀦𑀺𑀩𑁆𑀩𑀓𑁄𑀓𑀸𑀲𑀁. 𑀅𑀚𑁆𑀛𑁄𑀓𑀸𑀲𑁂 𑀉𑀧𑀘𑀸𑀭𑀦𑁆𑀢𑀺 𑀅𑀚𑁆𑀛𑁄𑀓𑀸𑀲𑁂 𑀦𑀺𑀲𑀻𑀤𑀺𑀢𑁆𑀯𑀸 𑀤𑁆𑀯𑀸𑀤𑀲𑀳𑀢𑁆𑀣𑀧𑁆𑀧𑀫𑀸𑀡𑀁 𑀧𑀤𑁂𑀲𑀁. 𑀕𑀺𑀮𑀸𑀦𑀸𑀬𑀸𑀢𑀺 𑀬𑀸 𑀢𑀸𑀤𑀺𑀲𑁂𑀦 𑀕𑁂𑀮𑀜𑁆𑀜𑁂𑀦 𑀆𑀧𑀼𑀘𑁆𑀙𑀺𑀢𑀼𑀁 𑀦 𑀲𑀓𑁆𑀓𑁄𑀢𑀺. 𑀆𑀧𑀤𑀸𑀲𑀽𑀢𑀺 𑀖𑀭𑁂 𑀅𑀕𑁆𑀕𑀺 𑀯𑀸 𑀉𑀝𑁆𑀞𑀺𑀢𑁄 𑀳𑁄𑀢𑀺, 𑀘𑁄𑀭𑁄 𑀯𑀸, 𑀏𑀯𑀭𑀽𑀧𑁂 𑀉𑀧𑀤𑁆𑀤𑀯𑁂 𑀅𑀦𑀸𑀧𑀼𑀘𑁆𑀙𑀸 𑀧𑀓𑁆𑀓𑀫𑀢𑀺, 𑀅𑀦𑀸𑀧𑀢𑁆𑀢𑀺.

𑀅𑀦𑀸𑀧𑀼𑀘𑁆𑀙𑀸𑀧𑀓𑁆𑀓𑀫𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.