𑁫. 𑀉𑀤𑀓𑀲𑀼𑀤𑁆𑀥𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀆𑀤𑀸𑀢𑀩𑁆𑀩𑀦𑁆𑀢𑀺 𑀧𑀯𑁂𑀲𑁂𑀢𑀩𑁆𑀩𑀁. 𑀅𑀕𑁆𑀕𑀧𑀩𑁆𑀩𑀦𑁆𑀢𑀺 𑀓𑁂𑀲𑀕𑁆𑀕𑀫𑀢𑁆𑀢𑀫𑁆𑀧𑀺 𑀅𑀕𑁆𑀕𑀧𑀩𑁆𑀩𑀁. 𑀢𑀢𑀺𑀬𑀁 𑀧𑀩𑁆𑀩𑀁 𑀧𑀯𑁂𑀲𑁂𑀢𑀻𑀢𑀺 𑀓𑁂𑀲𑀕𑁆𑀕𑀫𑀢𑁆𑀢𑀫𑁆𑀧𑀺 𑀢𑀢𑀺𑀬𑀁 𑀧𑀩𑁆𑀩𑀁 𑀧𑀯𑁂𑀲𑁂𑀢𑀺. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀲𑀫𑀦𑁆𑀢𑀧𑀸𑀲𑀸𑀤𑀺𑀓𑀸𑀬𑀁 (𑀧𑀸𑀘𑀺. 𑀅𑀝𑁆𑀞. 𑁮𑁧𑁨) ‘‘𑀕𑀫𑁆𑀪𑀻𑀭𑀢𑁄 𑀤𑁆𑀯𑀺𑀦𑁆𑀦𑀁 𑀧𑀩𑁆𑀩𑀸𑀦𑀁 𑀉𑀧𑀭𑀺 𑀓𑁂𑀲𑀕𑁆𑀕𑀫𑀢𑁆𑀢𑀫𑁆𑀧𑀺 𑀧𑀯𑁂𑀲𑁂𑀦𑁆𑀢𑀺𑀬𑀸 𑀧𑀸𑀘𑀺𑀢𑁆𑀢𑀺𑀬’’𑀦𑁆𑀢𑀺.

𑀅𑀢𑀺𑀕𑀫𑁆𑀪𑀻𑀭𑀁 𑀉𑀤𑀓𑀲𑀼𑀤𑁆𑀥𑀺𑀓𑀁 𑀆𑀤𑀺𑀬𑀦𑀯𑀢𑁆𑀣𑀼𑀲𑁆𑀫𑀺𑀦𑁆𑀢𑀺 𑀅𑀢𑀺𑀅𑀦𑁆𑀢𑁄 𑀧𑀯𑁂𑀲𑁂𑀢𑁆𑀯𑀸 𑀉𑀤𑀓𑀥𑁄𑀯𑀦𑀓𑀭𑀡𑀯𑀢𑁆𑀣𑀼𑀲𑁆𑀫𑀺𑀁. 𑀉𑀤𑀓𑀲𑀼𑀤𑁆𑀥𑀺𑀧𑀘𑁆𑀘𑀬𑁂𑀦 (𑀲𑀸𑀭𑀢𑁆𑀣. 𑀝𑀻. 𑀧𑀸𑀘𑀺𑀢𑁆𑀢𑀺𑀬 𑁩.𑁮𑁧𑁨) 𑀧𑀦 𑀲𑀢𑀺𑀧𑀺 𑀨𑀲𑁆𑀲𑀲𑁆𑀲𑀸𑀤𑀺𑀬𑀦𑁂 𑀬𑀣𑀸𑀯𑀼𑀢𑁆𑀢𑀧𑀭𑀺𑀘𑁆𑀙𑁂𑀤𑁂 𑀅𑀦𑀸𑀧𑀢𑁆𑀢𑀺.

𑀉𑀤𑀓𑀲𑀼𑀤𑁆𑀥𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.