𑁨. 𑀅𑀪𑀺𑀥𑀫𑁆𑀫𑀪𑀸𑀚𑀦𑀻𑀬𑀯𑀡𑁆𑀡𑀦𑀸

𑁪𑁪𑁪. 𑀲𑀸𑀥𑀺𑀧𑀢𑀺𑀯𑀸𑀭𑀸𑀦𑀺 𑀅𑀝𑁆𑀞𑀲𑀢𑀸𑀦𑀺, 𑀢𑁂𑀲𑀼 𑀧𑀘𑁆𑀘𑁂𑀓𑀁 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀦 𑀲𑀫𑁆𑀪𑀯𑀦𑁆𑀢𑀻𑀢𑀺 𑀆𑀳 ‘‘𑀲𑀸𑀥𑀺𑀧𑀢𑀺𑀯𑀸𑀭𑀸𑀦𑀁 𑀧𑀭𑀺𑀧𑀼𑀡𑁆𑀡𑀸𑀦𑀁 𑀅𑀪𑀸𑀯𑀸’’𑀢𑀺. 𑀢𑀢𑁆𑀣 𑀓𑀸𑀭𑀡𑀫𑀸𑀳 ‘‘𑀦 𑀳𑀺 𑀅𑀥𑀺𑀧𑀢𑀻𑀦𑀁 𑀅𑀥𑀺𑀧𑀢𑀬𑁄 𑀯𑀺𑀚𑁆𑀚𑀦𑁆𑀢𑀻’’𑀢𑀺. 𑀬𑀤𑀺 𑀳𑀺 𑀅𑀥𑀺𑀧𑀢𑀻 𑀲𑀺𑀬𑀼𑀁 𑀲𑀸𑀥𑀺𑀧𑀢𑀻𑀢𑀺 𑀇𑀤𑁆𑀥𑀺𑀧𑀸𑀤𑀪𑁂𑀤𑁂𑀦 𑀤𑁆𑀯𑀢𑁆𑀢𑀺𑀁𑀲 𑀦𑀬𑀲𑀢𑀸𑀦𑀺, 𑀲𑀼𑀤𑁆𑀥𑀺𑀓𑀸𑀦𑀺 𑀅𑀝𑁆𑀞𑀸𑀢𑀺 𑀘𑀢𑁆𑀢𑀸𑀭𑀺 𑀦𑀬𑀲𑀳𑀲𑁆𑀲𑀸𑀦𑀺 𑀪𑀯𑁂𑀬𑁆𑀬𑀼𑀁, 𑀢𑀁 𑀧𑀦 𑀦𑀢𑁆𑀣𑀻𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀬𑀢𑁆𑀢𑀓𑀸 𑀧𑀦 𑀦𑀬𑀸 𑀇𑀥 𑀮𑀩𑁆𑀪𑀦𑁆𑀢𑀺, 𑀢𑀁 𑀤𑀲𑁆𑀲𑁂𑀢𑀼𑀁 ‘‘𑀏𑀓𑁂𑀓𑀲𑁆𑀫𑀺𑀁 𑀧𑀦𑀸’’𑀢𑀺𑀆𑀤𑀺 𑀯𑀼𑀢𑁆𑀢𑀁. 𑀲𑀼𑀤𑁆𑀥𑀺𑀓𑀸𑀦𑀺 𑀅𑀝𑁆𑀞 𑀦𑀬𑀲𑀢𑀸𑀦𑀺 𑀲𑀸𑀥𑀺𑀧𑀢𑀺𑀓𑀸𑀦𑀺𑀧𑀺 𑀅𑀝𑁆𑀞𑁂𑀯𑀸𑀢𑀺 𑀘𑀢𑀼𑀦𑁆𑀦𑀁 𑀫𑀕𑁆𑀕𑀸𑀦𑀁 𑀯𑀲𑁂𑀦 𑀲𑁄𑀴𑀲 𑀦𑀬𑀲𑀢𑀸𑀦𑀺.

𑀅𑀪𑀺𑀥𑀫𑁆𑀫𑀪𑀸𑀚𑀦𑀻𑀬𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.