𑁯. 𑀦𑀯𑀓𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸

𑁯𑁬𑁦-𑁯𑁬𑁩. 𑀤𑀲𑀫𑀲𑁆𑀲𑀸𑀢𑀺 𑀅𑀝𑁆𑀞𑀸𑀦𑀖𑀸𑀢𑀲𑁆𑀲.

𑀅𑀚𑁆𑀛𑀢𑁆𑀢𑀦𑁆𑀢𑀺 𑀕𑁄𑀘𑀭𑀚𑁆𑀛𑀢𑁆𑀢𑀁 𑀅𑀥𑀺𑀧𑁆𑀧𑁂𑀢𑀁. 𑀏𑀢𑀲𑁆𑀲 𑀕𑀸𑀣𑀸𑀯𑀘𑀦𑀲𑁆𑀲. 𑀦𑀺𑀝𑁆𑀞𑀧𑁂𑀢𑁆𑀯𑀸𑀢𑀺 𑀅𑀪𑀺𑀦𑀺𑀯𑀺𑀲𑁆𑀲.

𑁯𑁬𑁪. 𑀅𑀜𑁆𑀜𑁂𑀲𑀁 𑀨𑀲𑁆𑀲𑀸𑀤𑀻𑀦𑀁 𑀲𑀗𑁆𑀔𑀢𑀪𑀸𑀯𑁂 𑀬𑀣𑀸𑀲𑀓𑀁𑀧𑀘𑁆𑀘𑀬𑁂𑀳𑀺. 𑀬𑁂𑀦𑀸𑀓𑀸𑀭𑁂𑀦 𑀫𑀸𑀦𑀲𑁆𑀲 𑀲𑀸𑀢𑀺𑀲𑀬𑀸 𑀧𑀯𑀢𑁆𑀢𑀺, 𑀢𑀁 𑀤𑀲𑁆𑀲𑁂𑀢𑀼𑀁 ‘‘𑀅𑀳𑀦𑁆𑀢𑀺, 𑀅𑀲𑁆𑀫𑀻𑀢𑀺 𑀘𑀸’’𑀢𑀺 𑀯𑀼𑀢𑁆𑀢𑀁. 𑀅𑀢𑁆𑀢𑀦𑁄𑀢𑀺 𑀤𑀺𑀝𑁆𑀞𑀺𑀕𑀢𑀧𑀭𑀺𑀓𑀧𑁆𑀧𑀺𑀢𑀲𑁆𑀲 𑀅𑀢𑁆𑀢𑀦𑁄. 𑀬𑀣𑀸 𑀫𑀸𑀦𑀲𑁆𑀲 𑀲𑀫𑁆𑀧𑀕𑁆𑀕𑀳𑀯𑀲𑁂𑀦, 𑀏𑀯𑀁 𑀢𑀡𑁆𑀳𑀸𑀬 𑀫𑀫𑀢𑁆𑀢𑀯𑀲𑁂𑀦, 𑀤𑀺𑀝𑁆𑀞𑀺𑀬𑀸 𑀦𑀺𑀘𑁆𑀘𑀸𑀤𑀺𑀯𑀲𑁂𑀦 𑀧𑀯𑀢𑁆𑀢𑀺 𑀯𑀺𑀲𑁂𑀲𑀯𑀢𑀻 𑀲𑀫𑀸𑀦𑁂𑀧𑀺 𑀅𑀦𑀸𑀕𑀢𑀓𑀸𑀮𑀸𑀫𑀲𑀦𑁂𑀢𑀺 𑀆𑀳 ‘‘𑀪𑀯𑀺𑀲𑁆𑀲𑀦𑁆𑀢𑀻…𑀧𑁂… 𑀯𑀼𑀢𑁆𑀢𑁄’’𑀢𑀺. ‘‘𑀅𑀳𑀫𑀲𑁆𑀫𑀻’’𑀢𑀺 𑀧𑀦 𑀧𑀯𑀢𑁆𑀢𑀫𑀸𑀦𑀲𑁆𑀲𑁂𑀯 𑀪𑀯𑀢𑀻𑀢𑀺 𑀲𑀩𑁆𑀩𑀧𑀤𑀲𑀸𑀥𑀸𑀭𑀡𑀲𑁆𑀲 𑀫𑀸𑀦𑀲𑁆𑀲𑁂𑀯 𑀯𑀲𑁂𑀦 𑀇𑀜𑁆𑀚𑀺𑀢𑀸𑀤𑀺𑀢𑀸 𑀅𑀝𑁆𑀞𑀓𑀣𑀸𑀬𑀁 𑀯𑀼𑀢𑁆𑀢𑀸.

𑀦𑀯𑀓𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.