𑁨. 𑀅𑀦𑁆𑀢𑀭𑀸𑀪𑀯𑀓𑀣𑀸𑀯𑀡𑁆𑀡𑀦𑀸

𑁫𑁦𑁫. 𑀅𑀢𑀺𑀤𑀽𑀭𑀲𑁆𑀲 𑀅𑀦𑁆𑀢𑀭𑀺𑀢𑀲𑁆𑀲 𑀧𑀢𑁆𑀢𑀩𑁆𑀩𑀲𑁆𑀲 𑀤𑁂𑀲𑀲𑁆𑀲 𑀤𑀲𑁆𑀲𑀦𑀢𑁄 𑀤𑀺𑀩𑁆𑀩𑀘𑀓𑁆𑀔𑀼𑀓𑁄 𑀯𑀺𑀬. 𑀆𑀓𑀸𑀲𑁂𑀦 𑀧𑀣𑀯𑀦𑁆𑀢𑀭𑀝𑁆𑀞𑀸𑀦𑀸𑀦𑀺 𑀪𑀺𑀦𑁆𑀤𑀺𑀢𑁆𑀯𑀸 𑀕𑀫𑀦𑀢𑁄 𑀇𑀤𑁆𑀥𑀺𑀫𑀸 𑀯𑀺𑀬. 𑀦 𑀲𑀳𑀥𑀫𑁆𑀫𑁂𑀦𑀸𑀢𑀺 𑀬𑀤𑀺 𑀲𑁄 𑀪𑀯𑀸𑀦𑀁 𑀅𑀦𑁆𑀢𑀭𑀸 𑀦 𑀲𑀺𑀬𑀸, 𑀦 𑀦𑀸𑀫 𑀅𑀦𑁆𑀢𑀭𑀸𑀪𑀯𑁄𑀢𑀺 𑀧𑀝𑀺𑀓𑁆𑀔𑁂𑀧𑁂 𑀓𑀭𑀡𑀁 𑀦𑀢𑁆𑀣𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑁫𑁦𑁬. 𑀢𑀢𑁆𑀣 𑀚𑀸𑀢𑀺𑀚𑀭𑀸𑀫𑀭𑀡𑀸𑀦𑀺 𑀘𑁂𑀯 𑀘𑀼𑀢𑀺𑀧𑀝𑀺𑀲𑀦𑁆𑀥𑀺𑀧𑀭𑀫𑁆𑀧𑀭𑀜𑁆𑀘 𑀅𑀦𑀺𑀘𑁆𑀙𑀦𑁆𑀢𑁄𑀢𑀺 𑀏𑀢𑁂𑀦 𑀘𑀼𑀢𑀺𑀅𑀦𑀦𑁆𑀢𑀭𑀁 𑀅𑀦𑁆𑀢𑀭𑀸𑀪𑀯𑀁 𑀔𑀦𑁆𑀥𑀸𑀢𑀺, 𑀯𑀢𑁆𑀢𑀫𑀸𑀦𑀸 𑀚𑀸𑀢𑀻𑀢𑀺, 𑀫𑀸𑀢𑀼𑀓𑀼𑀘𑁆𑀙𑀺𑀫𑁂𑀯 𑀧𑀯𑀺𑀝𑁆𑀞𑀸 𑀅𑀦𑁆𑀢𑀭𑀥𑀸𑀬𑀫𑀸𑀦𑀸 𑀫𑀭𑀡𑀦𑁆𑀢𑀺 𑀦 𑀇𑀘𑁆𑀙𑀢𑀺.

𑁫𑁦𑁭. 𑀬𑀣𑀸 𑀓𑀸𑀫𑀪𑀯𑀸𑀤𑀻𑀲𑀼 𑀢𑀢𑁆𑀣 𑀢𑀢𑁆𑀣𑁂𑀯 𑀧𑀼𑀦𑀧𑁆𑀧𑀼𑀦𑀁 𑀘𑀯𑀺𑀢𑁆𑀯𑀸 𑀉𑀧𑀧𑀢𑁆𑀢𑀺𑀯𑀲𑁂𑀦 𑀘𑀼𑀢𑀺𑀧𑀝𑀺𑀲𑀦𑁆𑀥𑀺𑀧𑀭𑀫𑁆𑀧𑀭𑀸 𑀳𑁄𑀢𑀺, 𑀏𑀯𑀁 𑀢𑀁 𑀢𑀢𑁆𑀣 𑀦 𑀇𑀘𑁆𑀙𑀢𑀻𑀢𑀺 𑀤𑀲𑁆𑀲𑁂𑀢𑀺.

𑀅𑀦𑁆𑀢𑀭𑀸𑀪𑀯𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.