𑁯. 𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀓𑀣𑀸𑀯𑀡𑁆𑀡𑀦𑀸

𑁩𑁭𑁭. 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀬𑀣𑀸𑀓𑀫𑁆𑀫𑀽𑀧𑀕𑁂 𑀲𑀢𑁆𑀢𑁂 𑀧𑀚𑀸𑀦𑀸𑀢𑀻𑀢𑀺 𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀲𑁆𑀲 𑀉𑀧𑀦𑀺𑀲𑁆𑀲𑀬𑁂 𑀤𑀺𑀩𑁆𑀩𑀘𑀓𑁆𑀔𑀼𑀫𑁆𑀳𑀺 𑀓𑀭𑀡𑀦𑀺𑀤𑁆𑀤𑁂𑀲𑁄 𑀓𑀢𑁄, 𑀦 𑀬𑀣𑀸𑀓𑀫𑁆𑀫𑀽𑀧𑀕𑀢𑀚𑀸𑀦𑀦𑀓𑀺𑀘𑁆𑀘𑀓𑁂. 𑀢𑀁𑀓𑀺𑀘𑁆𑀘𑀓𑁂𑀬𑁂𑀯 𑀧𑀦 𑀧𑀭𑁄 𑀓𑀭𑀡𑀦𑀺𑀤𑁆𑀤𑁂𑀲𑀁 𑀫𑀜𑁆𑀜𑀢𑀻𑀢𑀺 𑀆𑀳 ‘‘𑀅𑀬𑁄𑀦𑀺𑀲𑁄 𑀕𑀳𑁂𑀢𑁆𑀯𑀸’’𑀢𑀺. 𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀫𑁂𑀯 𑀤𑀺𑀩𑁆𑀩𑀘𑀓𑁆𑀔𑀼𑀦𑁆𑀢𑀺 𑀮𑀤𑁆𑀥𑀻𑀢𑀺 𑀇𑀫𑀺𑀦𑀸 𑀯𑀘𑀦𑁂𑀦 𑀤𑀺𑀩𑁆𑀩𑀘𑀓𑁆𑀔𑀼𑀫𑁂𑀯 𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀦𑁆𑀢𑀺 𑀏𑀯𑀁 𑀪𑀯𑀺𑀢𑀩𑁆𑀩𑀁. 𑀏𑀯-𑀲𑀤𑁆𑀤𑁄 𑀘 𑀅𑀝𑁆𑀞𑀸𑀦𑁂 𑀞𑀺𑀢𑁄 𑀤𑀺𑀩𑁆𑀩𑀘𑀓𑁆𑀔𑀼𑀲𑀤𑁆𑀤𑀲𑁆𑀲 𑀧𑀭𑀢𑁄 𑀬𑁄𑀚𑁂𑀢𑀩𑁆𑀩𑁄. 𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀲𑁆𑀲 𑀳𑀺 𑀲𑁄 𑀤𑀺𑀩𑁆𑀩𑀘𑀓𑁆𑀔𑀼𑀢𑁄 𑀅𑀢𑁆𑀣𑀦𑁆𑀢𑀭𑀪𑀸𑀯𑀁 𑀦𑀺𑀯𑀸𑀭𑁂𑀢𑀺. 𑀦 𑀳𑀺 𑀤𑀺𑀩𑁆𑀩𑀘𑀓𑁆𑀔𑀼𑀲𑁆𑀲 𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀢𑁄𑀢𑀺.

𑀬𑀣𑀸𑀓𑀫𑁆𑀫𑀽𑀧𑀕𑀢𑀜𑀸𑀡𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.