𑁧. 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀓𑀯𑀡𑁆𑀡𑀦𑀸

𑁧𑁧. 𑀲𑀩𑁆𑀩𑀢𑁆𑀣𑀸𑀢𑀺 𑀲𑀩𑁆𑀩𑀲𑁆𑀫𑀺𑀁 𑀲𑀭𑀻𑀭𑁂𑀢𑀺 𑀅𑀬𑀫𑀢𑁆𑀣𑁄𑀢𑀺 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀲𑀭𑀻𑀭𑀁 𑀲𑀦𑁆𑀥𑀸𑀬𑀸’’𑀢𑀺. 𑀢𑀢𑁆𑀣𑀸𑀢𑀺 𑀢𑀲𑁆𑀫𑀺𑀁 𑀲𑀁𑀔𑀺𑀢𑁆𑀢𑀧𑀸𑀞𑁂. 𑀬𑀲𑁆𑀫𑀸 𑀲𑀭𑀻𑀭𑀁 𑀲𑀦𑁆𑀥𑀸𑀬 ‘‘𑀲𑀩𑁆𑀩𑀢𑁆𑀣 𑀦 𑀉𑀧𑀮𑀩𑁆𑀪𑀢𑀻’’𑀢𑀺 𑀯𑀼𑀢𑁆𑀢𑁂 𑀲𑀭𑀻𑀭𑀢𑁄 𑀩𑀳𑀺 𑀉𑀧𑀮𑀩𑁆𑀪𑀢𑀻𑀢𑀺 𑀆𑀧𑀚𑁆𑀚𑀢𑀺, 𑀢𑀲𑁆𑀫𑀸 𑀧𑀘𑁆𑀘𑀦𑀻𑀓𑁂 𑀧𑀝𑀺𑀓𑁆𑀔𑁂𑀧𑁄 𑀲𑀓𑀯𑀸𑀤𑀺𑀲𑁆𑀲𑀸𑀢𑀺 𑀏𑀢𑁂𑀦 𑀦 𑀓𑁂𑀦𑀘𑀺 𑀲𑀪𑀸𑀯𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺 𑀅𑀬𑀫𑀢𑁆𑀣𑁄 𑀯𑀼𑀢𑁆𑀢𑁄 𑀳𑁄𑀢𑀺. 𑀦 𑀳𑀺 𑀓𑁂𑀦𑀘𑀺 𑀲𑀪𑀸𑀯𑁂𑀦 𑀉𑀧𑀮𑀩𑁆𑀪𑀫𑀸𑀦𑀲𑁆𑀲 𑀲𑀭𑀻𑀭𑀢𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀧𑀮𑀤𑁆𑀥𑀺𑀑𑀓𑀸𑀲𑁄 𑀅𑀢𑁆𑀣𑀻𑀢𑀺.