𑁯. 𑀅𑀧𑀭𑀺𑀦𑀺𑀧𑁆𑀨𑀦𑁆𑀦𑀓𑀣𑀸𑀯𑀡𑁆𑀡𑀦𑀸

𑁯𑁧𑁭-𑁯𑁧𑁮. 𑀦 𑀅𑀦𑀺𑀘𑁆𑀘𑀸𑀤𑀺𑀪𑀸𑀯𑀦𑁆𑀢𑀺 𑀏𑀢𑁆𑀣 𑀅𑀦𑀺𑀘𑁆𑀘𑀸𑀤𑀺𑀓𑁄 𑀪𑀸𑀯𑁄 𑀏𑀢𑀲𑁆𑀲𑀸𑀢𑀺 𑀅𑀦𑀺𑀘𑁆𑀘𑀸𑀤𑀺𑀪𑀸𑀯𑀦𑁆𑀢𑀺 𑀭𑀽𑀧𑀁 𑀯𑀼𑀢𑁆𑀢𑀁. ‘‘𑀦 𑀓𑁂𑀯𑀮𑀜𑁆𑀳𑀺 𑀧𑀞𑀫𑀲𑀘𑁆𑀘𑀫𑁂𑀯 𑀤𑀼𑀓𑁆𑀔’’𑀦𑁆𑀢𑀺 𑀯𑀤𑀦𑁆𑀢𑁂𑀦 ‘‘𑀤𑀼𑀓𑁆𑀔𑀜𑁆𑀜𑁂𑀯 𑀧𑀭𑀺𑀦𑀺𑀧𑁆𑀨𑀦𑁆𑀦’’𑀦𑁆𑀢𑀺 𑀤𑀼𑀓𑁆𑀔𑀲𑀘𑁆𑀘𑀁 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀓𑀢𑀸𑀢𑀺 𑀤𑀲𑁆𑀲𑀺𑀢𑀁 𑀳𑁄𑀢𑀺. 𑀏𑀯𑀁 𑀲𑀢𑀺 𑀢𑁂𑀦 ‘‘𑀘𑀓𑁆𑀔𑀸𑀬𑀢𑀦𑀁 𑀅𑀧𑀭𑀺𑀦𑀺𑀧𑁆𑀨𑀦𑁆𑀦’’𑀦𑁆𑀢𑀺𑀆𑀤𑀺 𑀦 𑀯𑀢𑁆𑀢𑀩𑁆𑀩𑀁 𑀲𑀺𑀬𑀸. 𑀦 𑀳𑀺 𑀘𑀓𑁆𑀔𑀸𑀬𑀢𑀦𑀸𑀤𑀻𑀦𑀺 𑀅𑀦𑀼𑀧𑀸𑀤𑀺𑀦𑁆𑀦𑀸𑀦𑀺 𑀮𑁄𑀓𑀼𑀢𑁆𑀢𑀭𑀸𑀦𑀺 𑀯𑀸. 𑀢𑀦𑁆𑀢𑀺 ‘‘𑀤𑀼𑀓𑁆𑀔𑀜𑁆𑀜𑁂𑀯 𑀧𑀭𑀺𑀦𑀺𑀧𑁆𑀨𑀦𑁆𑀦𑀁, 𑀦 𑀧𑀦 𑀭𑀽𑀧’’𑀦𑁆𑀢𑀺 𑀏𑀢𑀁 𑀭𑀽𑀧𑀲𑁆𑀲 𑀘 𑀤𑀼𑀓𑁆𑀔𑀢𑁆𑀢𑀸 𑀦𑁄 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂𑀢𑀺 𑀅𑀢𑁆𑀣𑁄.

𑀅𑀧𑀭𑀺𑀦𑀺𑀧𑁆𑀨𑀦𑁆𑀦𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀢𑁂𑀯𑀻𑀲𑀢𑀺𑀫𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀓𑀣𑀸𑀯𑀢𑁆𑀣𑀼𑀧𑀓𑀭𑀡-𑀫𑀽𑀮𑀝𑀻𑀓𑀸 𑀲𑀫𑀢𑁆𑀢𑀸.

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲