𑁧𑁪. 𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑀯𑀡𑁆𑀡𑀦𑀸

𑁧𑁯𑁩. 𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑀸𑀤𑀺𑀯𑀲𑁂𑀦 𑀅𑀭𑀳𑀢𑁆𑀢𑀲𑀸𑀥𑀦𑀸𑀢𑀺 𑀏𑀢𑁆𑀣 ‘‘𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀇𑀤𑁆𑀥𑀺𑀁 𑀯𑀺𑀓𑀼𑀩𑁆𑀩𑀢𑀻’’𑀢𑀺 𑀅𑀪𑀺𑀜𑁆𑀜𑀸𑀅𑀦𑀼𑀬𑁄𑀕𑁄 𑀘 ‘‘𑀳𑀜𑁆𑀘𑀺 𑀅𑀢𑁆𑀣𑀺 𑀓𑁄𑀘𑀺 𑀇𑀤𑁆𑀥𑀺𑀁 𑀯𑀺𑀓𑀼𑀩𑁆𑀩𑀢𑀻’’𑀢𑀺 𑀞𑀧𑀦𑀸 𑀘 ‘‘𑀢𑁂𑀦 𑀯𑀢 𑀭𑁂’’𑀢𑀺𑀆𑀤𑀺 𑀧𑀸𑀧𑀦𑀸 𑀘 𑀆𑀤𑀺𑀲𑀤𑁆𑀤𑀲𑀗𑁆𑀕𑀳𑀺𑀢𑁄 𑀅𑀢𑁆𑀣𑁄𑀯 𑀤𑀝𑁆𑀞𑀩𑁆𑀩𑁄. 𑀆𑀲𑀯𑀓𑁆𑀔𑀬𑀜𑀸𑀡𑀁 𑀧𑀦𑁂𑀢𑁆𑀣 𑀅𑀪𑀺𑀜𑁆𑀜𑀸 𑀯𑀼𑀢𑁆𑀢𑀸𑀢𑀺 𑀢𑀤𑀪𑀺𑀜𑁆𑀜𑀸𑀯𑀢𑁄 𑀅𑀭𑀳𑀢𑁄 𑀲𑀸𑀥𑀦𑀁 ‘‘𑀅𑀭𑀳𑀢𑁆𑀢𑀲𑀸𑀥𑀦𑀸’’𑀢𑀺 𑀆𑀳. 𑀅𑀭𑀳𑀢𑁄 𑀳𑀺 𑀲𑀸𑀥𑀦𑀸 𑀢𑀩𑁆𑀪𑀸𑀯𑀲𑁆𑀲 𑀘 𑀲𑀸𑀥𑀦𑀸 𑀳𑁄𑀢𑀺𑀬𑁂𑀯𑀸𑀢𑀺.

𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.