𑁭. 𑀅𑀘𑁆𑀘𑀦𑁆𑀢𑀦𑀺𑀬𑀸𑀫𑀓𑀣𑀸𑀯𑀡𑁆𑀡𑀦𑀸

𑁮𑁪𑁭. ‘‘𑀲𑀓𑀺𑀁 𑀦𑀺𑀫𑀼𑀕𑁆𑀕𑁄 𑀦𑀺𑀫𑀼𑀕𑁆𑀕𑁄𑀯 𑀳𑁄𑀢𑀻’’𑀢𑀺 𑀲𑀼𑀢𑁆𑀢𑀁 𑀦𑀺𑀲𑁆𑀲𑀸𑀬𑀸𑀢𑀺 𑀢𑀸𑀬 𑀚𑀸𑀢𑀺𑀬𑀸 𑀮𑁄𑀓𑀼𑀢𑁆𑀢𑀭𑀲𑀤𑁆𑀥𑀸𑀤𑀻𑀦𑀁 𑀅𑀦𑀼𑀧𑁆𑀧𑀢𑁆𑀢𑀺𑀁 𑀲𑀦𑁆𑀥𑀸𑀬 𑀓𑀢𑀁 𑀅𑀯𑀥𑀸𑀭𑀡𑀁 𑀲𑀁𑀲𑀸𑀭𑀔𑀸𑀡𑀼𑀓𑀪𑀸𑀯𑀁 𑀲𑀦𑁆𑀥𑀸𑀬 𑀓𑀢𑀦𑁆𑀢𑀺 𑀫𑀜𑁆𑀜𑀫𑀸𑀦𑁄 𑀧𑀼𑀣𑀼𑀚𑁆𑀚𑀦𑀲𑁆𑀲𑀸𑀬𑀁 𑀅𑀘𑁆𑀘𑀦𑁆𑀢𑀦𑀺𑀬𑀸𑀫𑀢𑀸, 𑀬𑀸𑀬𑀁 𑀦𑀺𑀬𑀢𑀫𑀺𑀘𑁆𑀙𑀸𑀤𑀺𑀝𑁆𑀞𑀻𑀢𑀺 ‘‘𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀘𑁆𑀘𑀦𑁆𑀢𑀦𑀺𑀬𑀸𑀫𑀢𑀸’’𑀢𑀺 𑀯𑀤𑀢𑀺. 𑀯𑀺𑀘𑀺𑀓𑀺𑀘𑁆𑀙𑀼𑀧𑁆𑀧𑀢𑁆𑀢𑀺 𑀦𑀺𑀬𑀸𑀫𑀦𑁆𑀢𑀭𑀼𑀧𑁆𑀧𑀢𑁆𑀢𑀺 𑀘 𑀅𑀘𑁆𑀘𑀦𑁆𑀢𑀦𑀺𑀬𑀸𑀫𑀦𑀺𑀯𑀢𑁆𑀢𑀓𑀸 𑀯𑀺𑀘𑀸𑀭𑁂𑀢𑁆𑀯𑀸 𑀕𑀳𑁂𑀢𑀩𑁆𑀩𑀸.

𑀅𑀘𑁆𑀘𑀦𑁆𑀢𑀦𑀺𑀬𑀸𑀫𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.