𑁯. 𑀭𑀽𑀧𑀁𑀭𑀽𑀧𑀸𑀯𑀘𑀭𑀸𑀭𑀽𑀧𑀸𑀯𑀘𑀭𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸

𑁭𑁬𑁮-𑁭𑁭𑁦. 𑀭𑀽𑀧𑀁𑀭𑀽𑀧𑀸𑀯𑀘𑀭𑀸𑀭𑀽𑀧𑀸𑀯𑀘𑀭𑀦𑁆𑀢𑀺𑀓𑀣𑀸𑀬𑀁 𑀳𑁂𑀝𑁆𑀞𑀸𑀢𑀺 𑀘𑀼𑀤𑁆𑀤𑀲𑀫𑀯𑀕𑁆𑀕𑁂 𑀆𑀕𑀢𑀧𑀭𑀺𑀬𑀸𑀧𑀦𑁆𑀦𑀓𑀣𑀸𑀬𑀁 (𑀓𑀣𑀸. 𑀅𑀝𑁆𑀞. 𑁭𑁦𑁩-𑁭𑁦𑁫). ‘‘𑀲𑀫𑀸𑀧𑀢𑁆𑀢𑁂𑀲𑀺𑀬’’𑀦𑁆𑀢𑀺𑀆𑀤𑀺 𑀯𑀼𑀢𑁆𑀢𑀦𑀬𑀫𑁂𑀯. 𑀬𑀜𑁆𑀘𑁂𑀢𑁆𑀣 ‘‘𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑀸𑀯𑀘𑀭’’𑀦𑁆𑀢𑀺 𑀅𑀭𑀽𑀧𑀸𑀯𑀘𑀭𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑀭𑀽𑀧𑀁 𑀯𑀼𑀢𑁆𑀢𑀁, 𑀢𑀢𑁆𑀣 𑀘 𑀬𑀁 𑀯𑀢𑁆𑀢𑀩𑁆𑀩𑀁, 𑀢𑀁 𑀅𑀝𑁆𑀞𑀫𑀯𑀕𑁆𑀕𑁂 𑀅𑀭𑀽𑀧𑁂𑀭𑀽𑀧𑀓𑀣𑀸𑀬𑀁 (𑀓𑀣𑀸. 𑀅𑀝𑁆𑀞. 𑁫𑁨𑁪-𑁫𑁨𑁬) 𑀯𑀼𑀢𑁆𑀢𑀦𑀬𑀫𑁂𑀯𑀸𑀢𑀺.

𑀭𑀽𑀧𑀁𑀭𑀽𑀧𑀸𑀯𑀘𑀭𑀸𑀭𑀽𑀧𑀸𑀯𑀘𑀭𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑁄𑀴𑀲𑀫𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.