𑁧𑁦. 𑀧𑀜𑁆𑀜𑀢𑁆𑀢𑀸𑀦𑀼𑀬𑁄𑀕𑀯𑀡𑁆𑀡𑀦𑀸

𑁬𑁧-𑁬𑁬. 𑀭𑀽𑀧𑀓𑀸𑀬𑀸𑀯𑀺𑀭𑀳𑀁 𑀲𑀦𑁆𑀥𑀸𑀬 ‘‘𑀭𑀽𑀧𑀓𑀸𑀬𑀲𑀩𑁆𑀪𑀸𑀯𑀢𑁄’’𑀢𑀺 𑀆𑀳. ‘‘𑀭𑀽𑀧𑀺𑀦𑁄 𑀯𑀸 𑀅𑀭𑀽𑀧𑀺𑀦𑁄 𑀯𑀸’’𑀢𑀺 (𑀇𑀢𑀺𑀯𑀼. 𑁯𑁦) 𑀲𑀼𑀢𑁆𑀢𑁂 𑀆𑀕𑀢𑀧𑀜𑁆𑀜𑀢𑁆𑀢𑀺𑀁 𑀲𑀦𑁆𑀥𑀸𑀬 ‘‘𑀢𑀣𑀸𑀭𑀽𑀧𑀸𑀬 𑀘 𑀧𑀜𑁆𑀜𑀢𑁆𑀢𑀺𑀬𑀸 𑀅𑀢𑁆𑀣𑀺𑀢𑀸𑀬𑀸’’𑀢𑀺. 𑀯𑀻𑀢𑀭𑀸𑀕𑀲𑀩𑁆𑀪𑀸𑀯𑀢𑁄𑀢𑀺 𑀓𑀸𑀫𑀻𑀪𑀸𑀯𑀲𑁆𑀲 𑀅𑀦𑁂𑀓𑀦𑁆𑀢𑀺𑀓𑀢𑁆𑀢𑀸 𑀓𑀸𑀫𑀥𑀸𑀢𑀼𑀬𑀸 𑀆𑀬𑀢𑁆𑀢𑀢𑁆𑀢𑀸𑀪𑀸𑀯𑀢𑁄 𑀘 ‘‘𑀓𑀸𑀫𑀻’’𑀢𑀺 𑀦 𑀯𑀢𑁆𑀢𑀩𑁆𑀩𑁄𑀢𑀺 𑀧𑀝𑀺𑀓𑁆𑀔𑀺𑀧𑀢𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑁬𑁭. 𑀓𑀸𑀬𑀸𑀦𑀼𑀧𑀲𑁆𑀲𑀦𑀸𑀬𑀸𑀢𑀺 𑀓𑀸𑀭𑀡𑀯𑀘𑀦𑀫𑁂𑀢𑀁, 𑀓𑀸𑀬𑀸𑀦𑀼𑀧𑀲𑁆𑀲𑀦𑀸𑀬 𑀓𑀸𑀭𑀡𑀪𑀽𑀢𑀸𑀬 𑀏𑀯𑀁𑀮𑀤𑁆𑀥𑀺𑀓𑀢𑁆𑀢𑀸𑀢𑀺 𑀅𑀢𑁆𑀣𑁄. 𑀆𑀳𑀘𑁆𑀘 𑀪𑀸𑀲𑀺𑀢𑀦𑁆𑀢𑀺 ‘‘𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺 𑀅𑀩𑁆𑀬𑀸𑀓𑀢𑀫𑁂𑀢𑀁 𑀫𑀬𑀸’’𑀢𑀺 (𑀫. 𑀦𑀺. 𑁨.𑁧𑁨𑁮) 𑀆𑀳𑀘𑁆𑀘 𑀪𑀸𑀲𑀺𑀢𑀁.

𑀧𑀜𑁆𑀜𑀢𑁆𑀢𑀸𑀦𑀼𑀬𑁄𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.