𑁬. 𑀑𑀧𑀫𑁆𑀫𑀲𑀁𑀲𑀦𑁆𑀤𑀦𑀯𑀡𑁆𑀡𑀦𑀸

𑁨𑁮-𑁩𑁬. 𑀉𑀧𑀮𑀤𑁆𑀥𑀺𑀲𑀸𑀫𑀜𑁆𑀜𑁂𑀦 𑀅𑀜𑁆𑀜𑀢𑁆𑀢𑀧𑀼𑀘𑁆𑀙𑀸 𑀘𑀸𑀢𑀺 𑀇𑀤𑀜𑁆𑀘 𑀤𑁆𑀯𑀺𑀦𑁆𑀦𑀁 𑀲𑀫𑀸𑀦𑀢𑀸 𑀦𑁄 𑀅𑀜𑁆𑀜𑀢𑁆𑀢𑀲𑁆𑀲 𑀓𑀸𑀭𑀡𑀁 𑀬𑀼𑀢𑁆𑀢𑀁, 𑀅𑀣 𑀔𑁄 𑀯𑀺𑀲𑀼𑀁 𑀅𑀢𑁆𑀢𑀦𑁄 𑀲𑀪𑀸𑀯𑁂𑀦 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 𑀉𑀧𑀮𑀩𑁆𑀪𑀦𑀻𑀬𑀢𑀸𑀢𑀺 𑀯𑀺𑀘𑀸𑀭𑁂𑀢𑀩𑁆𑀩𑀁. ‘‘𑀏𑀓𑀯𑀻𑀲𑀸𑀥𑀺𑀓𑀸𑀦𑀻’’𑀢𑀺 𑀧𑀼𑀭𑀺𑀫𑀧𑀸𑀞𑁄, 𑀯𑀻𑀲𑀸𑀥𑀺𑀓𑀸𑀦𑀻𑀢𑀺 𑀧𑀦 𑀧𑀞𑀺𑀢𑀩𑁆𑀩𑀁.

𑁩𑁭-𑁪𑁫. ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄’’𑀢𑀺 𑀲𑀼𑀢𑁆𑀢𑀁 𑀅𑀦𑀼𑀚𑀸𑀦𑀸𑀧𑁂𑀦𑁆𑀢𑁂𑀦 𑀉𑀧𑀮𑀤𑁆𑀥𑀺 𑀅𑀦𑀼𑀚𑀸𑀦𑀺𑀢𑀸 𑀳𑁄𑀢𑀻𑀢𑀺 𑀫𑀜𑁆𑀜𑀫𑀸𑀦𑁄 𑀆𑀳 ‘‘𑀉𑀧𑀮𑀤𑁆𑀥𑀺𑀲𑀸𑀫𑀜𑁆𑀜𑀁 𑀆𑀭𑁄𑀧𑁂𑀢𑁆𑀯𑀸’’𑀢𑀺. 𑀯𑀻𑀲𑀸𑀥𑀺𑀓𑀸𑀦𑀺 𑀦𑀯 𑀧𑀝𑀺𑀓𑀫𑁆𑀫𑀧𑀜𑁆𑀘𑀓𑀲𑀢𑀸𑀦𑀺 𑀤𑀲𑁆𑀲𑀺𑀢𑀸𑀦𑀻𑀢𑀺 𑀏𑀢𑁂𑀦 𑀲𑀼𑀤𑁆𑀥𑀺𑀓𑀲𑀁𑀲𑀦𑁆𑀤𑀦𑁂𑀧𑀺 ‘‘𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫’’𑀫𑀺𑀘𑁆𑀘𑁂𑀯 𑀧𑀸𑀞𑁄𑀢𑀺 𑀯𑀺𑀜𑁆𑀜𑀸𑀬𑀢𑀺. 𑀬𑀜𑁆𑀘 𑀯𑀸𑀤𑀫𑀼𑀔𑁂𑀲𑀼 𑀲𑀼𑀤𑁆𑀥𑀺𑀓𑀲𑀘𑁆𑀘𑀺𑀓𑀝𑁆𑀞𑁂 ‘‘𑀧𑀝𑀺𑀓𑀫𑁆𑀫𑀘𑀢𑀼𑀓𑁆𑀓’’𑀦𑁆𑀢𑀺 𑀯𑀼𑀢𑁆𑀢𑀁, 𑀢𑀫𑁆𑀧𑀺 ‘‘𑀧𑀝𑀺𑀓𑀫𑁆𑀫𑀧𑀜𑁆𑀘𑀓’’𑀦𑁆𑀢𑀺.

𑀑𑀧𑀫𑁆𑀫𑀲𑀁𑀲𑀦𑁆𑀤𑀦𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.