𑁩-𑁪. 𑀫𑀳𑀸𑀓𑁄𑀝𑁆𑀞𑀺𑀓𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁭𑁩-𑁪. 𑀢𑀢𑀺𑀬𑁂 𑀨𑀲𑁆𑀲𑀸𑀬𑀢𑀦𑀸𑀦𑀦𑁆𑀢𑀺 𑀏𑀢𑁆𑀣 𑀆𑀓𑀭𑀝𑁆𑀞𑁄 𑀆𑀬𑀢𑀦𑀲𑀤𑁆𑀤𑁄𑀢𑀺 𑀆𑀳 ‘‘𑀨𑀲𑁆𑀲𑀸𑀓𑀭𑀸𑀦’’𑀦𑁆𑀢𑀺𑀆𑀤𑀺. ‘‘𑀲𑀼𑀯𑀡𑁆𑀡𑀸𑀬𑀢𑀦𑀁, 𑀭𑀚𑀢𑀸𑀬𑀢𑀦’’𑀦𑁆𑀢𑀺𑀆𑀤𑀻𑀲𑀼 𑀆𑀓𑀭𑁄𑀧𑀺 ‘‘𑀆𑀬𑀢𑀦’’𑀦𑁆𑀢𑀺 𑀯𑀼𑀢𑁆𑀢𑁄, 𑀲𑀜𑁆𑀚𑀸𑀢𑀺𑀲𑀫𑁄𑀲𑀭𑀡𑀸𑀤𑀺𑀯𑀲𑁂𑀦𑀧𑀺 𑀆𑀬𑀢𑀦𑀝𑁆𑀞𑁄 𑀮𑀩𑁆𑀪𑀢𑀺𑀬𑁂𑀯. 𑀫𑀸-𑀇𑀢𑀺 𑀧𑀝𑀺𑀲𑁂𑀥𑁂 𑀦𑀺𑀧𑀸𑀢𑁄. 𑀲𑁆𑀯𑀸𑀬𑀁 𑀙𑀦𑁆𑀦𑀁 𑀨𑀲𑁆𑀲𑀸𑀬𑀢𑀦𑀸𑀦𑀁 𑀅𑀲𑁂𑀲𑀁 𑀯𑀺𑀭𑀸𑀕𑀦𑀺𑀭𑁄𑀥𑀸 𑀅𑀢𑁆𑀣𑀜𑁆𑀜𑀁 𑀯𑀘𑀦𑀁 𑀓𑀺𑀜𑁆𑀘𑀻𑀢𑀺 𑀲𑀦𑁆𑀥𑀸𑀬𑀸𑀳𑀸𑀢𑀺 𑀆𑀳 ‘‘𑀫𑀸 𑀪𑀡𑀻𑀢𑀺 𑀅𑀢𑁆𑀣𑁄’’𑀢𑀺. 𑀧𑀜𑁆𑀘𑀨𑀲𑁆𑀲𑀸𑀬𑀢𑀦𑀸𑀦𑀺 𑀦𑀺𑀭𑀼𑀤𑁆𑀥𑀸𑀦𑀻𑀢𑀺 𑀘𑀓𑁆𑀔𑀸𑀤𑀻𑀦𑀜𑁆𑀘 𑀢𑀢𑁆𑀣 𑀅𑀪𑀸𑀯𑀁 𑀲𑀦𑁆𑀥𑀸𑀬 𑀯𑀤𑀢𑀺. 𑀙𑀝𑁆𑀞𑀲𑁆𑀲𑀸𑀢𑀺 𑀫𑀦𑀸𑀬𑀢𑀦𑀲𑁆𑀲. 𑀘𑀢𑀼𑀢𑁆𑀣𑁂 𑀦𑀢𑁆𑀣𑀺 𑀯𑀢𑁆𑀢𑀩𑁆𑀩𑀁.

𑀫𑀳𑀸𑀓𑁄𑀝𑁆𑀞𑀺𑀓𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.