𑁪. 𑀉𑀤𑀓𑀭𑀳𑀤𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁪. 𑀘𑀢𑀼𑀢𑁆𑀣𑁂 𑀉𑀤𑀓𑀭𑀳𑀤𑁄 𑀚𑀡𑁆𑀡𑀼𑀓𑀫𑀢𑁆𑀢𑁂𑀧𑀺 𑀉𑀤𑀓𑁂 𑀲𑀢𑀺 𑀧𑀡𑁆𑀡𑀭𑀲𑀲𑀫𑁆𑀪𑀺𑀦𑁆𑀦𑀯𑀡𑁆𑀡𑀢𑁆𑀢𑀸 𑀯𑀸 𑀩𑀳𑀮𑀢𑁆𑀢𑀸 𑀯𑀸 𑀉𑀤𑀓𑀲𑁆𑀲 𑀅𑀧𑀜𑁆𑀜𑀸𑀬𑀫𑀸𑀦𑀢𑀮𑁄 𑀉𑀢𑁆𑀢𑀸𑀦𑁄 𑀕𑀫𑁆𑀪𑀻𑀭𑁄𑀪𑀸𑀲𑁄 𑀦𑀸𑀫 𑀳𑁄𑀢𑀻𑀢𑀺 𑀆𑀳 ‘‘𑀧𑀼𑀭𑀸𑀡𑀧𑀡𑁆𑀡𑀭𑀲…𑀧𑁂… 𑀕𑀫𑁆𑀪𑀻𑀭𑁄𑀪𑀸𑀲𑁄 𑀦𑀸𑀫𑀸’’𑀢𑀺. 𑀢𑀺𑀧𑁄𑀭𑀺𑀲𑀘𑀢𑀼𑀧𑁄𑀭𑀺𑀲𑁂 𑀧𑀦 𑀉𑀤𑀓𑁂 𑀲𑀢𑀺 𑀅𑀘𑁆𑀙𑀢𑁆𑀢𑀸 𑀉𑀤𑀓𑀲𑁆𑀲 𑀧𑀜𑁆𑀜𑀸𑀬𑀫𑀸𑀦𑀢𑀮𑁄 𑀕𑀫𑁆𑀪𑀻𑀭𑁄 𑀉𑀢𑁆𑀢𑀸𑀦𑁄𑀪𑀸𑀲𑁄 𑀦𑀸𑀫 𑀳𑁄𑀢𑀻𑀢𑀺 𑀆𑀳 ‘‘𑀅𑀘𑁆𑀙𑀯𑀺𑀧𑁆𑀧𑀲𑀦𑁆𑀦𑀫𑀡𑀺𑀯𑀡𑁆𑀡𑀉𑀤𑀓𑁄 𑀉𑀢𑁆𑀢𑀸𑀦𑁄𑀪𑀸𑀲𑁄 𑀦𑀸𑀫𑀸’’𑀢𑀺. 𑀉𑀪𑀬𑀓𑀸𑀭𑀡𑀲𑀫𑁆𑀪𑀯𑀢𑁄 𑀧𑀦 𑀇𑀢𑀭𑁂 𑀤𑁆𑀯𑁂 𑀯𑁂𑀤𑀺𑀢𑀩𑁆𑀩𑀸. 𑀧𑀼𑀕𑁆𑀕𑀮𑁂𑀧𑀺 𑀓𑀺𑀮𑁂𑀲𑀼𑀲𑁆𑀲𑀤𑀪𑀸𑀯𑀢𑁄 𑀕𑀼𑀡𑀕𑀫𑁆𑀪𑀻𑀭𑀢𑀸𑀬 𑀘 𑀅𑀪𑀸𑀯𑀢𑁄 𑀕𑀼𑀡𑀕𑀫𑁆𑀪𑀻𑀭𑀸𑀦𑀁 𑀲𑀤𑀺𑀲𑁂𑀳𑀺 𑀅𑀪𑀺𑀓𑁆𑀓𑀫𑀦𑀸𑀤𑀻𑀳𑀺 𑀬𑀼𑀢𑁆𑀢𑁄 𑀉𑀢𑁆𑀢𑀸𑀦𑁄 𑀕𑀫𑁆𑀪𑀻𑀭𑁄𑀪𑀸𑀲𑁄 𑀦𑀸𑀫. 𑀇𑀫𑀺𑀦𑀸 𑀦𑀬𑁂𑀦 𑀲𑁂𑀲𑀸 𑀯𑁂𑀤𑀺𑀢𑀩𑁆𑀩𑀸.

𑀉𑀤𑀓𑀭𑀳𑀤𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.