𑁨. 𑀧𑀭𑀺𑀲𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁩𑁫. 𑀤𑀼𑀢𑀺𑀬𑁂 𑀅𑀧𑁆𑀧𑀝𑀺𑀧𑀼𑀘𑁆𑀙𑀺𑀢𑁆𑀯𑀸 𑀯𑀺𑀦𑀻𑀢𑀸𑀢𑀺 ‘‘𑀢𑀁 𑀓𑀺𑀁 𑀫𑀜𑁆𑀜𑀣, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀦𑀺𑀘𑁆𑀘𑀁 𑀯𑀸 𑀅𑀦𑀺𑀘𑁆𑀘𑀁 𑀯𑀸’’𑀢𑀺𑀆𑀤𑀺𑀦𑀸 𑀅𑀧𑁆𑀧𑀝𑀺𑀧𑀼𑀘𑁆𑀙𑀺𑀢𑁆𑀯𑀸 𑀓𑁂𑀯𑀮𑀁 𑀥𑀫𑁆𑀫𑀤𑁂𑀲𑀦𑀸𑀯𑀲𑁂𑀦𑁂𑀯 𑀯𑀺𑀦𑀻𑀢𑀧𑀭𑀺𑀲𑀸. 𑀤𑀼𑀩𑁆𑀩𑀺𑀦𑀻𑀢𑀧𑀭𑀺𑀲𑀸𑀢𑀺 𑀤𑀼𑀓𑁆𑀔𑁂𑀦 𑀯𑀺𑀦𑀻𑀢𑀧𑀭𑀺𑀲𑀸. 𑀧𑀼𑀘𑁆𑀙𑀺𑀢𑁆𑀯𑀸 𑀯𑀺𑀦𑀻𑀢𑀸𑀢𑀺 ‘‘𑀢𑀁 𑀓𑀺𑀁 𑀫𑀜𑁆𑀜𑀣, 𑀪𑀺𑀓𑁆𑀔𑀯𑁂’’𑀢𑀺𑀆𑀤𑀺𑀦𑀸 𑀧𑀼𑀘𑁆𑀙𑀺𑀢𑁆𑀯𑀸 𑀅𑀦𑀼𑀫𑀢𑀺𑀕𑁆𑀕𑀳𑀡𑀯𑀲𑁂𑀦 𑀯𑀺𑀦𑀻𑀢𑀸. 𑀲𑀼𑀯𑀺𑀦𑀻𑀢𑀧𑀭𑀺𑀲𑀸𑀢𑀺 𑀲𑀼𑀔𑁂𑀦 𑀯𑀺𑀦𑀻𑀢𑀧𑀭𑀺𑀲𑀸. 𑀅𑀦𑀼𑀫𑀢𑀺𑀕𑁆𑀕𑀳𑀡𑀯𑀲𑁂𑀦 𑀯𑀺𑀦𑀬𑀦𑀜𑁆𑀳𑀺 𑀦 𑀤𑀼𑀓𑁆𑀓𑀭𑀁 𑀳𑁄𑀢𑀺.

𑀧𑀭𑀺𑀲𑀸𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.