𑁪. 𑀕𑀗𑁆𑀕𑀸𑀧𑁂𑀬𑁆𑀬𑀸𑀮𑀯𑀕𑁆𑀕𑁄

𑁧-𑁧𑁨. 𑀕𑀗𑁆𑀕𑀸𑀦𑀤𑀻𑀆𑀤𑀺𑀲𑀼𑀢𑁆𑀢𑀤𑁆𑀯𑀸𑀤𑀲𑀓𑀁

𑁮𑁪𑁫-𑁮𑁫𑁬. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀕𑀗𑁆𑀕𑀸 𑀦𑀤𑀻 𑀧𑀸𑀘𑀻𑀦𑀦𑀺𑀦𑁆𑀦𑀸 𑀧𑀸𑀘𑀻𑀦𑀧𑁄𑀡𑀸 𑀧𑀸𑀘𑀻𑀦𑀧𑀩𑁆𑀪𑀸𑀭𑀸; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑁂 𑀪𑀸𑀯𑁂𑀦𑁆𑀢𑁄 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑁂 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄. 𑀓𑀣𑀜𑁆𑀘, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑁂 𑀪𑀸𑀯𑁂𑀦𑁆𑀢𑁄 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑁂 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀙𑀦𑁆𑀤𑀲𑀫𑀸𑀥𑀺𑀧𑁆𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺, 𑀯𑀻𑀭𑀺𑀬𑀲𑀫𑀸𑀥𑀺…𑀧𑁂… 𑀘𑀺𑀢𑁆𑀢𑀲𑀫𑀸𑀥𑀺…𑀧𑁂… 𑀯𑀻𑀫𑀁𑀲𑀸𑀲𑀫𑀸𑀥𑀺𑀧𑁆𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺.

‘‘𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑁂 𑀪𑀸𑀯𑁂𑀦𑁆𑀢𑁄 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑁂 𑀩𑀳𑀼𑀮𑀻𑀓𑀭𑁄𑀦𑁆𑀢𑁄 𑀦𑀺𑀩𑁆𑀩𑀸𑀦𑀦𑀺𑀦𑁆𑀦𑁄 𑀳𑁄𑀢𑀺 𑀦𑀺𑀩𑁆𑀩𑀸𑀦𑀧𑁄𑀡𑁄 𑀦𑀺𑀩𑁆𑀩𑀸𑀦𑀧𑀩𑁆𑀪𑀸𑀭𑁄’’𑀢𑀺. 𑀤𑁆𑀯𑀸𑀤𑀲𑀫𑀁.

𑀕𑀗𑁆𑀕𑀸𑀧𑁂𑀬𑁆𑀬𑀸𑀮𑀯𑀕𑁆𑀕𑁄 𑀘𑀢𑀼𑀢𑁆𑀣𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀙 𑀧𑀸𑀘𑀻𑀦𑀢𑁄 𑀦𑀺𑀦𑁆𑀦𑀸, 𑀙 𑀦𑀺𑀦𑁆𑀦𑀸 𑀘 𑀲𑀫𑀼𑀤𑁆𑀤𑀢𑁄;

𑀤𑁆𑀯𑁂𑀢𑁂 𑀙 𑀤𑁆𑀯𑀸𑀤𑀲 𑀳𑁄𑀦𑁆𑀢𑀺, 𑀯𑀕𑁆𑀕𑁄 𑀢𑁂𑀦 𑀧𑀯𑀼𑀘𑁆𑀘𑀢𑀻𑀢𑀺.

𑀅𑀧𑁆𑀧𑀫𑀸𑀤𑀯𑀕𑁆𑀕𑁄 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀢𑀣𑀸𑀕𑀢𑀁 𑀧𑀤𑀁 𑀓𑀽𑀝𑀁, 𑀫𑀽𑀮𑀁 𑀲𑀸𑀭𑁄 𑀘 𑀯𑀲𑁆𑀲𑀺𑀓𑀁;

𑀭𑀸𑀚𑀸 𑀘𑀦𑁆𑀤𑀺𑀫𑀲𑀽𑀭𑀺𑀬𑀸, 𑀯𑀢𑁆𑀣𑁂𑀦 𑀤𑀲𑀫𑀁 𑀧𑀤𑀦𑁆𑀢𑀺.

𑀩𑀮𑀓𑀭𑀡𑀻𑀬𑀯𑀕𑁆𑀕𑁄 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀩𑀮𑀁 𑀩𑀻𑀚𑀜𑁆𑀘 𑀦𑀸𑀕𑁄 𑀘, 𑀭𑀼𑀓𑁆𑀔𑁄 𑀓𑀼𑀫𑁆𑀪𑁂𑀦 𑀲𑀽𑀓𑀺𑀬𑀸;

𑀆𑀓𑀸𑀲𑁂𑀦 𑀘 𑀤𑁆𑀯𑁂 𑀫𑁂𑀖𑀸, 𑀦𑀸𑀯𑀸 𑀆𑀕𑀦𑁆𑀢𑀼𑀓𑀸 𑀦𑀤𑀻𑀢𑀺.

𑀏𑀲𑀦𑀸𑀯𑀕𑁆𑀕𑁄 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀏𑀲𑀦𑀸 𑀯𑀺𑀥𑀸 𑀆𑀲𑀯𑁄, 𑀪𑀯𑁄 𑀘 𑀤𑀼𑀓𑁆𑀔𑀢𑀸 𑀢𑀺𑀲𑁆𑀲𑁄;

𑀔𑀺𑀮𑀁 𑀫𑀮𑀜𑁆𑀘 𑀦𑀻𑀖𑁄 𑀘, 𑀯𑁂𑀤𑀦𑀸 𑀢𑀡𑁆𑀳𑀸 𑀢𑀲𑀺𑀦𑀸 𑀘𑀸𑀢𑀺.