𑁮. 𑀑𑀖𑀯𑀕𑁆𑀕𑁄

𑁧-𑁧𑁦. 𑀑𑀖𑀸𑀤𑀺𑀲𑀼𑀢𑁆𑀢𑀤𑀲𑀓𑀁

𑁮𑁮𑁯-𑁮𑁯𑁮. ‘‘𑀧𑀜𑁆𑀘𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀉𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘? 𑀭𑀽𑀧𑀭𑀸𑀕𑁄, 𑀅𑀭𑀽𑀧𑀭𑀸𑀕𑁄, 𑀫𑀸𑀦𑁄, 𑀉𑀤𑁆𑀥𑀘𑁆𑀘𑀁, 𑀅𑀯𑀺𑀚𑁆𑀚𑀸 𑁋 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀦𑁆𑀦𑀁 𑀉𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀁 𑀲𑀁𑀬𑁄𑀚𑀦𑀸𑀦𑀁 𑀅𑀪𑀺𑀜𑁆𑀜𑀸𑀬 𑀧𑀭𑀺𑀜𑁆𑀜𑀸𑀬 𑀧𑀭𑀺𑀓𑁆𑀔𑀬𑀸𑀬 𑀧𑀳𑀸𑀦𑀸𑀬 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑁂𑀢𑀩𑁆𑀩𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀙𑀦𑁆𑀤𑀲𑀫𑀸𑀥𑀺𑀧𑁆𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺, 𑀯𑀻𑀭𑀺𑀬𑀲𑀫𑀸𑀥𑀺…𑀧𑁂… 𑀘𑀺𑀢𑁆𑀢𑀲𑀫𑀸𑀥𑀺 …𑀧𑁂… 𑀯𑀻𑀫𑀁𑀲𑀸𑀲𑀫𑀸𑀥𑀺𑀧𑁆𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀦𑁆𑀦𑀁 𑀉𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀁 𑀲𑀁𑀬𑁄𑀚𑀦𑀸𑀦𑀁 𑀅𑀪𑀺𑀜𑁆𑀜𑀸𑀬 𑀧𑀭𑀺𑀜𑁆𑀜𑀸𑀬 𑀧𑀭𑀺𑀓𑁆𑀔𑀬𑀸𑀬 𑀧𑀳𑀸𑀦𑀸𑀬 𑀇𑀫𑁂 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑁂𑀢𑀩𑁆𑀩𑀸’’𑀢𑀺.

(𑀬𑀣𑀸 𑀫𑀕𑁆𑀕𑀲𑀁𑀬𑀼𑀢𑁆𑀢𑀁 𑀢𑀣𑀸 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁).

𑀑𑀖𑀯𑀕𑁆𑀕𑁄 𑀅𑀝𑁆𑀞𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀑𑀖𑁄 𑀬𑁄𑀕𑁄 𑀉𑀧𑀸𑀤𑀸𑀦𑀁, 𑀕𑀦𑁆𑀣𑀸 𑀅𑀦𑀼𑀲𑀬𑁂𑀦 𑀘;

𑀓𑀸𑀫𑀕𑀼𑀡𑀸 𑀦𑀻𑀯𑀭𑀡𑀸, 𑀔𑀦𑁆𑀥𑀸 𑀑𑀭𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀢𑀺.

𑀇𑀤𑁆𑀥𑀺𑀧𑀸𑀤𑀲𑀁𑀬𑀼𑀢𑁆𑀢𑀁 𑀲𑀢𑁆𑀢𑀫𑀁.