𑁫𑁭. 𑀯𑀲𑁆𑀲𑀯𑀮𑀸𑀳𑀓𑀲𑀼𑀢𑁆𑀢𑀁

𑁬𑁦𑁬. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. 𑀏𑀓𑀫𑀦𑁆𑀢𑀁 𑀦𑀺𑀲𑀺𑀦𑁆𑀦𑁄 𑀔𑁄 𑀲𑁄 𑀪𑀺𑀓𑁆𑀔𑀼 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 𑁋 ‘‘𑀓𑁄 𑀦𑀼 𑀔𑁄, 𑀪𑀦𑁆𑀢𑁂, 𑀳𑁂𑀢𑀼, 𑀓𑁄 𑀧𑀘𑁆𑀘𑀬𑁄, 𑀬𑁂𑀦𑁂𑀓𑀤𑀸 𑀤𑁂𑀯𑁄 𑀯𑀲𑁆𑀲𑀢𑀻’’𑀢𑀺? ‘‘𑀲𑀦𑁆𑀢𑀺, 𑀪𑀺𑀓𑁆𑀔𑀼, 𑀯𑀲𑁆𑀲𑀯𑀮𑀸𑀳𑀓𑀸 𑀦𑀸𑀫 𑀤𑁂𑀯𑀸. 𑀢𑁂𑀲𑀁 𑀬𑀤𑀸 𑀏𑀯𑀁 𑀳𑁄𑀢𑀺 𑁋 ‘𑀬𑀁𑀦𑀽𑀦 𑀫𑀬𑀁 𑀲𑀓𑀸𑀬 𑀭𑀢𑀺𑀬𑀸 𑀯𑀲𑁂𑀬𑁆𑀬𑀸𑀫𑀸’𑀢𑀺, 𑀢𑁂𑀲𑀁 𑀢𑀁 𑀘𑁂𑀢𑁄𑀧𑀡𑀺𑀥𑀺𑀫𑀦𑁆𑀯𑀸𑀬 𑀤𑁂𑀯𑁄 𑀯𑀲𑁆𑀲𑀢𑀺. 𑀅𑀬𑀁 𑀔𑁄, 𑀪𑀺𑀓𑁆𑀔𑀼, 𑀳𑁂𑀢𑀼, 𑀅𑀬𑀁 𑀧𑀘𑁆𑀘𑀬𑁄, 𑀬𑁂𑀦𑁂𑀓𑀤𑀸 𑀤𑁂𑀯𑁄 𑀯𑀲𑁆𑀲𑀢𑀻’’𑀢𑀺. 𑀲𑀢𑁆𑀢𑀧𑀜𑁆𑀜𑀸𑀲𑀫𑀁.

𑀲𑀢𑁆𑀢𑀧𑀜𑁆𑀜𑀸𑀲𑀲𑀼𑀢𑁆𑀢𑀦𑁆𑀢𑀁 𑀦𑀺𑀝𑁆𑀞𑀺𑀢𑀁.

𑀯𑀮𑀸𑀳𑀓𑀲𑀁𑀬𑀼𑀢𑁆𑀢𑀁 𑀲𑀫𑀢𑁆𑀢𑀁.