𑁧𑁧. 𑀘𑀻𑀭𑀸𑀲𑀼𑀢𑁆𑀢𑀁

𑁨𑁪𑁫. 𑀏𑀯𑀁 𑀫𑁂 𑀲𑀼𑀢𑀁 𑁋 𑀏𑀓𑀁 𑀲𑀫𑀬𑀁 𑀪𑀕𑀯𑀸 𑀭𑀸𑀚𑀕𑀳𑁂 𑀯𑀺𑀳𑀭𑀢𑀺 𑀯𑁂𑀴𑀼𑀯𑀦𑁂 𑀓𑀮𑀦𑁆𑀤𑀓𑀦𑀺𑀯𑀸𑀧𑁂. 𑀢𑁂𑀦 𑀔𑁄 𑀧𑀦 𑀲𑀫𑀬𑁂𑀦 𑀅𑀜𑁆𑀜𑀢𑀭𑁄 𑀉𑀧𑀸𑀲𑀓𑁄 𑀘𑀻𑀭𑀸𑀬 [𑀘𑀺𑀭𑀸𑀬 (𑀓.)] 𑀪𑀺𑀓𑁆𑀔𑀼𑀦𑀺𑀬𑀸 𑀘𑀻𑀯𑀭𑀁 𑀅𑀤𑀸𑀲𑀺. 𑀅𑀣 𑀔𑁄 𑀘𑀻𑀭𑀸𑀬 𑀪𑀺𑀓𑁆𑀔𑀼𑀦𑀺𑀬𑀸 𑀅𑀪𑀺𑀧𑁆𑀧𑀲𑀦𑁆𑀦𑁄 𑀬𑀓𑁆𑀔𑁄 𑀭𑀸𑀚𑀕𑀳𑁂 𑀭𑀣𑀺𑀓𑀸𑀬 𑀭𑀣𑀺𑀓𑀁 𑀲𑀺𑀗𑁆𑀖𑀸𑀝𑀓𑁂𑀦 𑀲𑀺𑀗𑁆𑀖𑀸𑀝𑀓𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀢𑀸𑀬𑀁 𑀯𑁂𑀮𑀸𑀬𑀁 𑀇𑀫𑀁 𑀕𑀸𑀣𑀁 𑀅𑀪𑀸𑀲𑀺 𑁋

‘‘𑀧𑀼𑀜𑁆𑀜𑀁 𑀯𑀢 𑀧𑀲𑀯𑀺 𑀩𑀳𑀼𑀁, 𑀲𑀧𑁆𑀧𑀜𑁆𑀜𑁄 𑀯𑀢𑀸𑀬𑀁 𑀉𑀧𑀸𑀲𑀓𑁄;

𑀬𑁄 𑀘𑀻𑀭𑀸𑀬 𑀅𑀤𑀸𑀲𑀺 𑀘𑀻𑀯𑀭𑀁, 𑀲𑀩𑁆𑀩𑀬𑁄𑀕𑁂𑀳𑀺 𑀯𑀺𑀧𑁆𑀧𑀫𑀼𑀢𑁆𑀢𑀺𑀬𑀸’’𑀢𑀺 [𑀯𑀺𑀧𑁆𑀧𑀫𑀼𑀢𑁆𑀢𑀸𑀬𑀸𑀢𑀺 (𑀲𑁆𑀬𑀸. 𑀓𑀁.)].