𑁭. 𑀲𑀫𑁆𑀪𑀽𑀢𑀢𑁆𑀣𑁂𑀭𑀕𑀸𑀣𑀸

𑁨𑁯𑁧. ‘‘𑀬𑁄 𑀤𑀦𑁆𑀥𑀓𑀸𑀮𑁂 𑀢𑀭𑀢𑀺, 𑀢𑀭𑀡𑀻𑀬𑁂 𑀘 𑀤𑀦𑁆𑀥𑀬𑁂;

𑀅𑀬𑁄𑀦𑀺 [𑀅𑀬𑁄𑀦𑀺𑀲𑁄 (𑀲𑁆𑀬𑀸.)] 𑀲𑀁𑀯𑀺𑀥𑀸𑀦𑁂𑀦, 𑀩𑀸𑀮𑁄 𑀤𑀼𑀓𑁆𑀔𑀁 𑀦𑀺𑀕𑀘𑁆𑀙𑀢𑀺.

𑁨𑁯𑁨. ‘‘𑀢𑀲𑁆𑀲𑀢𑁆𑀣𑀸 𑀧𑀭𑀺𑀳𑀸𑀬𑀦𑁆𑀢𑀺, 𑀓𑀸𑀴𑀧𑀓𑁆𑀔𑁂𑀯 𑀘𑀦𑁆𑀤𑀺𑀫𑀸;

𑀆𑀬𑀲𑀓𑁆𑀬𑀜𑁆𑀘 [𑀆𑀬𑀲𑀲𑁆𑀬𑀜𑁆𑀘 (𑀲𑀻.)] 𑀧𑀧𑁆𑀧𑁄𑀢𑀺, 𑀫𑀺𑀢𑁆𑀢𑁂𑀳𑀺 𑀘 𑀯𑀺𑀭𑀼𑀚𑁆𑀛𑀢𑀺.

𑁨𑁯𑁩. ‘‘𑀬𑁄 𑀤𑀦𑁆𑀥𑀓𑀸𑀮𑁂 𑀤𑀦𑁆𑀥𑁂𑀢𑀺, 𑀢𑀭𑀡𑀻𑀬𑁂 𑀘 𑀢𑀸𑀭𑀬𑁂;

𑀬𑁄𑀦𑀺𑀲𑁄 𑀲𑀁𑀯𑀺𑀥𑀸𑀦𑁂𑀦, 𑀲𑀼𑀔𑀁 𑀧𑀧𑁆𑀧𑁄𑀢𑀺 𑀧𑀡𑁆𑀟𑀺𑀢𑁄.

𑁨𑁯𑁪. ‘‘𑀢𑀲𑁆𑀲𑀢𑁆𑀣𑀸 𑀧𑀭𑀺𑀧𑀽𑀭𑁂𑀦𑁆𑀢𑀺, 𑀲𑀼𑀓𑁆𑀓𑀧𑀓𑁆𑀔𑁂𑀯 𑀘𑀦𑁆𑀤𑀺𑀫𑀸;

𑀬𑀲𑁄 𑀓𑀺𑀢𑁆𑀢𑀺𑀜𑁆𑀘 𑀧𑀧𑁆𑀧𑁄𑀢𑀺, 𑀫𑀺𑀢𑁆𑀢𑁂𑀳𑀺 𑀦 𑀯𑀺𑀭𑀼𑀚𑁆𑀛𑀢𑀻’’𑀢𑀺.

… 𑀲𑀫𑁆𑀪𑀽𑀢𑁄 𑀣𑁂𑀭𑁄….