𑁮. 𑀭𑀸𑀳𑀼𑀮𑀢𑁆𑀣𑁂𑀭𑀕𑀸𑀣𑀸

𑁨𑁯𑁫. ‘‘𑀉𑀪𑀬𑁂𑀦𑁂𑀯 𑀲𑀫𑁆𑀧𑀦𑁆𑀦𑁄, 𑀭𑀸𑀳𑀼𑀮𑀪𑀤𑁆𑀤𑁄𑀢𑀺 𑀫𑀁 𑀯𑀺𑀤𑀽;

𑀬𑀜𑁆𑀘𑀫𑁆𑀳𑀺 𑀧𑀼𑀢𑁆𑀢𑁄 𑀩𑀼𑀤𑁆𑀥𑀲𑁆𑀲, 𑀬𑀜𑁆𑀘 𑀥𑀫𑁆𑀫𑁂𑀲𑀼 𑀘𑀓𑁆𑀔𑀼𑀫𑀸.

𑁨𑁯𑁬. ‘‘𑀬𑀜𑁆𑀘 𑀫𑁂 𑀆𑀲𑀯𑀸 𑀔𑀻𑀡𑀸, 𑀬𑀜𑁆𑀘 𑀦𑀢𑁆𑀣𑀺 𑀧𑀼𑀦𑀩𑁆𑀪𑀯𑁄;

𑀅𑀭𑀳𑀸 𑀤𑀓𑁆𑀔𑀺𑀡𑁂𑀬𑁆𑀬𑁄𑀫𑁆𑀳𑀺, 𑀢𑁂𑀯𑀺𑀚𑁆𑀚𑁄 𑀅𑀫𑀢𑀤𑁆𑀤𑀲𑁄.

𑁨𑁯𑁭. ‘‘𑀓𑀸𑀫𑀦𑁆𑀥𑀸 𑀚𑀸𑀮𑀧𑀘𑁆𑀙𑀦𑁆𑀦𑀸, 𑀢𑀡𑁆𑀳𑀸𑀙𑀸𑀤𑀦𑀙𑀸𑀤𑀺𑀢𑀸;

𑀧𑀫𑀢𑁆𑀢𑀩𑀦𑁆𑀥𑀼𑀦𑀸 𑀩𑀤𑁆𑀥𑀸, 𑀫𑀘𑁆𑀙𑀸𑀯 𑀓𑀼𑀫𑀺𑀦𑀸𑀫𑀼𑀔𑁂.

𑁨𑁯𑁮. ‘‘𑀢𑀁 𑀓𑀸𑀫𑀁 𑀅𑀳𑀫𑀼𑀚𑁆𑀛𑀺𑀢𑁆𑀯𑀸, 𑀙𑁂𑀢𑁆𑀯𑀸 𑀫𑀸𑀭𑀲𑁆𑀲 𑀩𑀦𑁆𑀥𑀦𑀁;

𑀲𑀫𑀽𑀮𑀁 𑀢𑀡𑁆𑀳𑀫𑀩𑁆𑀩𑀼𑀬𑁆𑀳, 𑀲𑀻𑀢𑀺𑀪𑀽𑀢𑁄𑀲𑁆𑀫𑀺 𑀦𑀺𑀩𑁆𑀩𑀼𑀢𑁄’’𑀢𑀺.

… 𑀭𑀸𑀳𑀼𑀮𑁄 𑀣𑁂𑀭𑁄….