𑁯. 𑀲𑀦𑁆𑀥𑀺𑀢𑀢𑁆𑀣𑁂𑀭𑀕𑀸𑀣𑀸

𑁨𑁧𑁭. ‘‘𑀅𑀲𑁆𑀲𑀢𑁆𑀣𑁂 𑀳𑀭𑀺𑀢𑁄𑀪𑀸𑀲𑁂, 𑀲𑀁𑀯𑀺𑀭𑀽𑀴𑁆𑀳𑀫𑁆𑀳𑀺 𑀧𑀸𑀤𑀧𑁂;

𑀏𑀓𑀁 𑀩𑀼𑀤𑁆𑀥𑀕𑀢𑀁 𑀲𑀜𑁆𑀜𑀁, 𑀅𑀮𑀪𑀺𑀢𑁆𑀣𑀁 [𑀅𑀮𑀪𑀺𑀁 𑀳𑀁 (𑀓.)] 𑀧𑀢𑀺𑀲𑁆𑀲𑀢𑁄.

𑁨𑁧𑁮. ‘‘𑀏𑀓𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀲𑀜𑁆𑀜𑀫𑀮𑀪𑀺𑀁 𑀢𑀤𑀸;

𑀢𑀲𑁆𑀲𑀸 𑀲𑀜𑁆𑀜𑀸𑀬 𑀯𑀸𑀳𑀲𑀸, 𑀧𑀢𑁆𑀢𑁄 𑀫𑁂 𑀆𑀲𑀯𑀓𑁆𑀔𑀬𑁄’’𑀢𑀺.

… 𑀲𑀦𑁆𑀥𑀺𑀢𑁄 𑀣𑁂𑀭𑁄….

𑀯𑀕𑁆𑀕𑁄 𑀧𑀜𑁆𑀘𑀫𑁄 𑀦𑀺𑀝𑁆𑀞𑀺𑀢𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀓𑀼𑀫𑀸𑀭𑀓𑀲𑁆𑀲𑀧𑁄 𑀣𑁂𑀭𑁄, 𑀥𑀫𑁆𑀫𑀧𑀸𑀮𑁄 𑀘 𑀩𑁆𑀭𑀳𑁆𑀫𑀸𑀮𑀺;

𑀫𑁄𑀖𑀭𑀸𑀚𑀸 𑀯𑀺𑀲𑀸𑀔𑁄 𑀘, 𑀘𑀽𑀴𑀓𑁄 𑀘 𑀅𑀦𑀽𑀧𑀫𑁄;

𑀯𑀚𑁆𑀚𑀺𑀢𑁄 𑀲𑀦𑁆𑀥𑀺𑀢𑁄 𑀣𑁂𑀭𑁄, 𑀓𑀺𑀮𑁂𑀲𑀭𑀚𑀯𑀸𑀳𑀦𑁄𑀢𑀺.

𑀤𑀼𑀓𑀦𑀺𑀧𑀸𑀢𑁄 𑀦𑀺𑀝𑁆𑀞𑀺𑀢𑁄.