𑁧𑁦. 𑀲𑀺𑀭𑀺𑀫𑀢𑁆𑀣𑁂𑀭𑀕𑀸𑀣𑀸

𑁧𑁫𑁯. ‘‘𑀧𑀭𑁂 𑀘 𑀦𑀁 𑀧𑀲𑀁𑀲𑀦𑁆𑀢𑀺, 𑀅𑀢𑁆𑀢𑀸 𑀘𑁂 𑀅𑀲𑀫𑀸𑀳𑀺𑀢𑁄;

𑀫𑁄𑀖𑀁 𑀧𑀭𑁂 𑀧𑀲𑀁𑀲𑀦𑁆𑀢𑀺, 𑀅𑀢𑁆𑀢𑀸 𑀳𑀺 𑀅𑀲𑀫𑀸𑀳𑀺𑀢𑁄.

𑁧𑁬𑁦. ‘‘𑀧𑀭𑁂 𑀘 𑀦𑀁 𑀕𑀭𑀳𑀦𑁆𑀢𑀺, 𑀅𑀢𑁆𑀢𑀸 𑀘𑁂 𑀲𑀼𑀲𑀫𑀸𑀳𑀺𑀢𑁄;

𑀫𑁄𑀖𑀁 𑀧𑀭𑁂 𑀕𑀭𑀳𑀦𑁆𑀢𑀺, 𑀅𑀢𑁆𑀢𑀸 𑀳𑀺 𑀲𑀼𑀲𑀫𑀸𑀳𑀺𑀢𑁄’’𑀢𑀺.

… 𑀲𑀺𑀭𑀺𑀫𑀸 𑀣𑁂𑀭𑁄….

𑀯𑀕𑁆𑀕𑁄 𑀤𑀼𑀢𑀺𑀬𑁄 𑀦𑀺𑀝𑁆𑀞𑀺𑀢𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀘𑀼𑀦𑁆𑀤𑁄 𑀘 𑀚𑁄𑀢𑀺𑀤𑀸𑀲𑁄 𑀘, 𑀣𑁂𑀭𑁄 𑀳𑁂𑀭𑀜𑁆𑀜𑀓𑀸𑀦𑀺 𑀘;

𑀲𑁄𑀫𑀫𑀺𑀢𑁆𑀢𑁄 𑀲𑀩𑁆𑀩𑀫𑀺𑀢𑁆𑀢𑁄, 𑀓𑀸𑀮𑁄 𑀢𑀺𑀲𑁆𑀲𑁄 𑀘 𑀓𑀺𑀫𑀺𑀮𑁄 [𑀓𑀺𑀫𑁆𑀩𑀺𑀮𑁄 (𑀲𑀻. 𑀲𑁆𑀬𑀸. 𑀧𑀻.), 𑀙𑀦𑁆𑀤𑀮𑀓𑁆𑀔𑀡𑀸𑀦𑀼𑀮𑁄𑀫𑀁];

𑀦𑀦𑁆𑀤𑁄 𑀘 𑀲𑀺𑀭𑀺𑀫𑀸 𑀘𑁂𑀯, 𑀤𑀲 𑀣𑁂𑀭𑀸 𑀫𑀳𑀺𑀤𑁆𑀥𑀺𑀓𑀸𑀢𑀺.