𑁭. 𑀲𑀘𑁆𑀘𑀯𑀸𑀭𑁄

𑁩𑁬. ‘‘‘𑀬𑀸𑀯𑀢𑀸 𑀤𑀼𑀓𑁆𑀔𑀲𑁆𑀲 𑀤𑀼𑀓𑁆𑀔𑀝𑁆𑀞𑁄, 𑀜𑀸𑀢𑁄 𑀤𑀺𑀝𑁆𑀞𑁄 𑀯𑀺𑀤𑀺𑀢𑁄 𑀲𑀘𑁆𑀙𑀺𑀓𑀢𑁄 𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬. 𑀅𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬 𑀤𑀼𑀓𑁆𑀔𑀝𑁆𑀞𑁄 𑀦𑀢𑁆𑀣𑀻’𑀢𑀺 𑁋 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺, 𑀜𑀸𑀡𑀁 𑀉𑀤𑀧𑀸𑀤𑀺, 𑀧𑀜𑁆𑀜𑀸 𑀉𑀤𑀧𑀸𑀤𑀺, 𑀯𑀺𑀚𑁆𑀚𑀸 𑀉𑀤𑀧𑀸𑀤𑀺, 𑀆𑀮𑁄𑀓𑁄 𑀉𑀤𑀧𑀸𑀤𑀺’’. 𑀤𑀼𑀓𑁆𑀔𑀲𑁆𑀲 𑀤𑀼𑀓𑁆𑀔𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺 𑀅𑀢𑁆𑀣𑀸, 𑀧𑀜𑁆𑀜𑀸𑀲 𑀦𑀺𑀭𑀼𑀢𑁆𑀢𑀺𑀬𑁄, 𑀲𑀢𑀁 𑀜𑀸𑀡𑀸𑀦𑀺.

‘‘‘𑀬𑀸𑀯𑀢𑀸 𑀲𑀫𑀼𑀤𑀬𑀲𑁆𑀲 𑀲𑀫𑀼𑀤𑀬𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀦𑀺𑀭𑁄𑀥𑀲𑁆𑀲 𑀦𑀺𑀭𑁄𑀥𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀫𑀕𑁆𑀕𑀲𑁆𑀲 𑀫𑀕𑁆𑀕𑀝𑁆𑀞𑁄 𑀜𑀸𑀢𑁄 𑀤𑀺𑀝𑁆𑀞𑁄 𑀯𑀺𑀤𑀺𑀢𑁄 𑀲𑀘𑁆𑀙𑀺𑀓𑀢𑁄 𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬. 𑀅𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬 𑀫𑀕𑁆𑀕𑀝𑁆𑀞𑁄 𑀦𑀢𑁆𑀣𑀻’𑀢𑀺 𑁋 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺…𑀧𑁂… 𑀆𑀮𑁄𑀓𑁄 𑀉𑀤𑀧𑀸𑀤𑀺’’. 𑀫𑀕𑁆𑀕𑀲𑁆𑀲 𑀫𑀕𑁆𑀕𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺 𑀅𑀢𑁆𑀣𑀸, 𑀧𑀜𑁆𑀜𑀸𑀲 𑀦𑀺𑀭𑀼𑀢𑁆𑀢𑀺𑀬𑁄, 𑀲𑀢𑀁 𑀜𑀸𑀡𑀸𑀦𑀺.

𑀘𑀢𑀽𑀲𑀼 𑀅𑀭𑀺𑀬𑀲𑀘𑁆𑀘𑁂𑀲𑀼 𑀲𑀢𑀁 𑀥𑀫𑁆𑀫𑀸, 𑀲𑀢𑀁 𑀅𑀢𑁆𑀣𑀸, 𑀤𑁆𑀯𑁂 𑀦𑀺𑀭𑀼𑀢𑁆𑀢𑀺𑀲𑀢𑀸𑀦𑀺, 𑀘𑀢𑁆𑀢𑀸𑀭𑀺 𑀜𑀸𑀡𑀲𑀢𑀸𑀦𑀺.