𑁮. 𑀧𑀝𑀺𑀲𑀫𑁆𑀪𑀺𑀤𑀸𑀯𑀸𑀭𑁄

𑁩𑁭. ‘‘‘𑀬𑀸𑀯𑀢𑀸 𑀅𑀢𑁆𑀣𑀧𑀝𑀺𑀲𑀫𑁆𑀪𑀺𑀤𑀸𑀬 𑀅𑀢𑁆𑀣𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁄, 𑀜𑀸𑀢𑁄 𑀤𑀺𑀝𑁆𑀞𑁄 𑀯𑀺𑀤𑀺𑀢𑁄 𑀲𑀘𑁆𑀙𑀺𑀓𑀢𑁄 𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬. 𑀅𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬 𑀅𑀢𑁆𑀣𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁄 𑀦𑀢𑁆𑀣𑀻’𑀢𑀺 𑁋 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺…𑀧𑁂… 𑀆𑀮𑁄𑀓𑁄 𑀉𑀤𑀧𑀸𑀤𑀺’’. 𑀅𑀢𑁆𑀣𑀧𑀝𑀺𑀲𑀫𑁆𑀪𑀺𑀤𑀸𑀬 𑀅𑀢𑁆𑀣𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺 𑀅𑀢𑁆𑀣𑀸, 𑀧𑀜𑁆𑀜𑀸𑀲 𑀦𑀺𑀭𑀼𑀢𑁆𑀢𑀺𑀬𑁄, 𑀲𑀢𑀁 𑀜𑀸𑀡𑀸𑀦𑀺.

‘‘‘𑀬𑀸𑀯𑀢𑀸 𑀥𑀫𑁆𑀫𑀧𑀝𑀺𑀲𑀫𑁆𑀪𑀺𑀤𑀸𑀬 𑀥𑀫𑁆𑀫𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀦𑀺𑀭𑀼𑀢𑁆𑀢𑀺𑀧𑀝𑀺𑀲𑀫𑁆𑀪𑀺𑀤𑀸𑀬 𑀦𑀺𑀭𑀼𑀢𑁆𑀢𑀺𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀧𑀝𑀺𑀪𑀸𑀦𑀧𑀝𑀺𑀲𑀫𑁆𑀪𑀺𑀤𑀸𑀬 𑀧𑀝𑀺𑀪𑀸𑀦𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁄, 𑀜𑀸𑀢𑁄 𑀤𑀺𑀝𑁆𑀞𑁄 𑀯𑀺𑀤𑀺𑀢𑁄 𑀲𑀘𑁆𑀙𑀺𑀓𑀢𑁄 𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬. 𑀅𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬 𑀧𑀝𑀺𑀪𑀸𑀦𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁄 𑀦𑀢𑁆𑀣𑀻’𑀢𑀺 𑁋 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 …𑀧𑁂… 𑀆𑀮𑁄𑀓𑁄 𑀉𑀤𑀧𑀸𑀤𑀺’’. 𑀧𑀝𑀺𑀪𑀸𑀦𑀧𑀝𑀺𑀲𑀫𑁆𑀪𑀺𑀤𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺 𑀅𑀢𑁆𑀣𑀸, 𑀧𑀜𑁆𑀜𑀸𑀲 𑀦𑀺𑀭𑀼𑀢𑁆𑀢𑀺𑀬𑁄, 𑀲𑀢𑀁 𑀜𑀸𑀡𑀸𑀦𑀺.

𑀘𑀢𑀽𑀲𑀼 𑀧𑀝𑀺𑀲𑀫𑁆𑀪𑀺𑀤𑀸𑀲𑀼 𑀲𑀢𑀁 𑀥𑀫𑁆𑀫𑀸, 𑀲𑀢𑀁 𑀅𑀢𑁆𑀣𑀸, 𑀤𑁆𑀯𑁂 𑀦𑀺𑀭𑀼𑀢𑁆𑀢𑀺𑀲𑀢𑀸𑀦𑀺, 𑀘𑀢𑁆𑀢𑀸𑀭𑀺 𑀜𑀸𑀡𑀲𑀢𑀸𑀦𑀺.