𑁬. 𑀔𑀦𑁆𑀥𑀸𑀤𑀺𑀯𑀸𑀭𑁄

𑁩𑁫. ‘‘‘𑀬𑀸𑀯𑀢𑀸 𑀔𑀦𑁆𑀥𑀸𑀦𑀁 𑀔𑀦𑁆𑀥𑀝𑁆𑀞𑁄, 𑀜𑀸𑀢𑁄 𑀤𑀺𑀝𑁆𑀞𑁄 𑀯𑀺𑀤𑀺𑀢𑁄 𑀲𑀘𑁆𑀙𑀺𑀓𑀢𑁄 𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬. 𑀅𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬 𑀔𑀦𑁆𑀥𑀝𑁆𑀞𑁄 𑀦𑀢𑁆𑀣𑀻’𑀢𑀺 𑁋 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺, 𑀜𑀸𑀡𑀁 𑀉𑀤𑀧𑀸𑀤𑀺, 𑀧𑀜𑁆𑀜𑀸 𑀉𑀤𑀧𑀸𑀤𑀺, 𑀯𑀺𑀚𑁆𑀚𑀸 𑀉𑀤𑀧𑀸𑀤𑀺, 𑀆𑀮𑁄𑀓𑁄 𑀉𑀤𑀧𑀸𑀤𑀺’’. 𑀔𑀦𑁆𑀥𑀸𑀦𑀁 𑀔𑀦𑁆𑀥𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺 𑀅𑀢𑁆𑀣𑀸, 𑀧𑀜𑁆𑀜𑀸𑀲 𑀦𑀺𑀭𑀼𑀢𑁆𑀢𑀺𑀬𑁄, 𑀲𑀢𑀁 𑀜𑀸𑀡𑀸𑀦𑀺.

‘‘‘𑀬𑀸𑀯𑀢𑀸 𑀥𑀸𑀢𑀽𑀦𑀁 𑀥𑀸𑀢𑀼𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀆𑀬𑀢𑀦𑀸𑀦𑀁 𑀆𑀬𑀢𑀦𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀲𑀗𑁆𑀔𑀢𑀸𑀦𑀁 𑀲𑀗𑁆𑀔𑀢𑀝𑁆𑀞𑁄…𑀧𑁂… 𑀬𑀸𑀯𑀢𑀸 𑀅𑀲𑀗𑁆𑀔𑀢𑀲𑁆𑀲 𑀅𑀲𑀗𑁆𑀔𑀢𑀝𑁆𑀞𑁄 𑀜𑀸𑀢𑁄 𑀤𑀺𑀝𑁆𑀞𑁄 𑀯𑀺𑀤𑀺𑀢𑁄 𑀲𑀘𑁆𑀙𑀺𑀓𑀢𑁄 𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬. 𑀅𑀨𑀲𑁆𑀲𑀺𑀢𑁄 𑀧𑀜𑁆𑀜𑀸𑀬 𑀅𑀲𑀗𑁆𑀔𑀢𑀝𑁆𑀞𑁄 𑀦𑀢𑁆𑀣𑀻’𑀢𑀺 𑁋 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺…𑀧𑁂… 𑀆𑀮𑁄𑀓𑁄 𑀉𑀤𑀧𑀸𑀤𑀺’’. 𑀅𑀲𑀗𑁆𑀔𑀢𑀲𑁆𑀲 𑀅𑀲𑀗𑁆𑀔𑀢𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺 𑀅𑀢𑁆𑀣𑀸, 𑀧𑀜𑁆𑀜𑀸𑀲 𑀦𑀺𑀭𑀼𑀢𑁆𑀢𑀺𑀬𑁄, 𑀲𑀢𑀁 𑀜𑀸𑀡𑀸𑀦𑀺.

𑀔𑀦𑁆𑀥𑀸𑀦𑀁 𑀔𑀦𑁆𑀥𑀝𑁆𑀞𑁂, 𑀥𑀸𑀢𑀽𑀦𑀁 𑀥𑀸𑀢𑀼𑀝𑁆𑀞𑁂, 𑀆𑀬𑀢𑀦𑀸𑀦𑀁 𑀆𑀬𑀢𑀦𑀝𑁆𑀞𑁂 𑀲𑀗𑁆𑀔𑀢𑀸𑀦𑀁 𑀲𑀗𑁆𑀔𑀢𑀝𑁆𑀞𑁂, 𑀅𑀲𑀗𑁆𑀔𑀢𑀲𑁆𑀲 𑀅𑀲𑀗𑁆𑀔𑀢𑀝𑁆𑀞𑁂 𑀧𑀜𑁆𑀘𑀯𑀻𑀲𑀢𑀺𑀲𑀢𑀁 𑀥𑀫𑁆𑀫𑀸, 𑀧𑀜𑁆𑀘𑀯𑀻𑀲𑀢𑀺𑀲𑀢𑀁 𑀅𑀢𑁆𑀣𑀸, 𑀅𑀟𑁆𑀠𑀢𑁂𑀬𑁆𑀬𑀸𑀦𑀺 𑀦𑀺𑀭𑀼𑀢𑁆𑀢𑀺𑀲𑀢𑀸𑀦𑀺, 𑀧𑀜𑁆𑀘 𑀜𑀸𑀡𑀲𑀢𑀸𑀦𑀺.