𑁩𑁫𑁫. 𑀖𑀝𑀚𑀸𑀢𑀓𑀁 (𑁫-𑁧-𑁫)

𑁨𑁯. 𑀅𑀜𑁆𑀜𑁂 𑀲𑁄𑀘𑀦𑁆𑀢𑀺 𑀭𑁄𑀤𑀦𑁆𑀢𑀺, 𑀅𑀜𑁆𑀜𑁂 𑀅𑀲𑁆𑀲𑀼𑀫𑀼𑀔𑀸 𑀚𑀦𑀸;

𑀧𑀲𑀦𑁆𑀦𑀫𑀼𑀔𑀯𑀡𑁆𑀡𑁄𑀲𑀺, 𑀓𑀲𑁆𑀫𑀸 𑀖𑀝 [𑀖𑀢 (𑀲𑀻. 𑀧𑀻.)] 𑀦 𑀲𑁄𑀘𑀲𑀺.

𑁩𑁦. 𑀦𑀸𑀩𑁆𑀪𑀢𑀻𑀢𑀳𑀭𑁄 𑀲𑁄𑀓𑁄, 𑀦𑀸𑀦𑀸𑀕𑀢𑀲𑀼𑀔𑀸𑀯𑀳𑁄;

𑀢𑀲𑁆𑀫𑀸 𑀥𑀗𑁆𑀓 [𑀯𑀁𑀓 (𑀧𑀻.)] 𑀦 𑀲𑁄𑀘𑀸𑀫𑀺, 𑀦𑀢𑁆𑀣𑀺 𑀲𑁄𑀓𑁂 𑀤𑀼𑀢𑀻𑀬𑀢𑀸 [𑀲𑁄𑀓𑁄 𑀤𑀼𑀢𑀻𑀬𑀓𑀸 (𑀓.)].

𑁩𑁧. 𑀲𑁄𑀘𑀁 𑀧𑀡𑁆𑀟𑀼 𑀓𑀺𑀲𑁄 𑀳𑁄𑀢𑀺, 𑀪𑀢𑁆𑀢𑀜𑁆𑀘𑀲𑁆𑀲 𑀦 𑀭𑀼𑀘𑁆𑀘𑀢𑀺;

𑀅𑀫𑀺𑀢𑁆𑀢𑀸 𑀲𑀼𑀫𑀦𑀸 𑀳𑁄𑀦𑁆𑀢𑀺, 𑀲𑀮𑁆𑀮𑀯𑀺𑀤𑁆𑀥𑀲𑁆𑀲 𑀭𑀼𑀧𑁆𑀧𑀢𑁄.

𑁩𑁨. 𑀕𑀸𑀫𑁂 𑀯𑀸 𑀬𑀤𑀺 𑀯𑀸𑀭𑀜𑁆𑀜𑁂, 𑀦𑀺𑀦𑁆𑀦𑁂 𑀯𑀸 𑀬𑀤𑀺 𑀯𑀸 𑀣𑀮𑁂;

𑀞𑀺𑀢𑀁 𑀫𑀁 𑀦𑀸𑀕𑀫𑀺𑀲𑁆𑀲𑀢𑀺, 𑀏𑀯𑀁 𑀤𑀺𑀝𑁆𑀞𑀧𑀤𑁄 𑀅𑀳𑀁.

𑁩𑁩. 𑀬𑀲𑁆𑀲𑀢𑁆𑀢𑀸 𑀦𑀸𑀮𑀫𑁂𑀓𑁄𑀯, 𑀲𑀩𑁆𑀩𑀓𑀸𑀫𑀭𑀲𑀸𑀳𑀭𑁄;

𑀲𑀩𑁆𑀩𑀸𑀧𑀺 𑀧𑀣𑀯𑀻 𑀢𑀲𑁆𑀲, 𑀦 𑀲𑀼𑀔𑀁 𑀆𑀯𑀳𑀺𑀲𑁆𑀲𑀢𑀻𑀢𑀺.

𑀖𑀝𑀚𑀸𑀢𑀓𑀁 𑀧𑀜𑁆𑀘𑀫𑀁.