𑁩𑁩𑁮. 𑀣𑀼𑀲𑀚𑀸𑀢𑀓𑀁 (𑁪-𑁪-𑁮)

𑁧𑁪𑁯. 𑀯𑀺𑀤𑀺𑀢𑀁 𑀣𑀼𑀲𑀁 𑀉𑀦𑁆𑀤𑀼𑀭𑀸𑀦𑀁 [𑀉𑀦𑁆𑀤𑀽𑀭𑀸𑀦𑀁 (𑀓.)], 𑀯𑀺𑀤𑀺𑀢𑀁 𑀧𑀦 𑀢𑀡𑁆𑀟𑀼𑀮𑀁;

𑀣𑀼𑀲𑀁 𑀣𑀼𑀲𑀁 [𑀣𑀼𑀲𑀁 𑀣𑀽𑀮𑀁 (𑀲𑀻.)] 𑀯𑀺𑀯𑀚𑁆𑀚𑁂𑀢𑁆𑀯𑀸, 𑀢𑀡𑁆𑀟𑀼𑀮𑀁 𑀧𑀦 𑀔𑀸𑀤𑀭𑁂.

𑁧𑁫𑁦. 𑀬𑀸 𑀫𑀦𑁆𑀢𑀦𑀸 𑀅𑀭𑀜𑁆𑀜𑀲𑁆𑀫𑀺𑀁, 𑀬𑀸 𑀘 𑀕𑀸𑀫𑁂 𑀦𑀺𑀓𑀡𑁆𑀡𑀺𑀓𑀸;

𑀬𑀜𑁆𑀘𑁂𑀢𑀁 𑀇𑀢𑀺 𑀘𑀻𑀢𑀺 𑀘, 𑀏𑀢𑀫𑁆𑀧𑀺 𑀯𑀺𑀤𑀺𑀢𑀁 𑀫𑀬𑀸.

𑁧𑁫𑁧. 𑀥𑀫𑁆𑀫𑁂𑀦 𑀓𑀺𑀭 𑀚𑀸𑀢𑀲𑁆𑀲, 𑀧𑀺𑀢𑀸 𑀧𑀼𑀢𑁆𑀢𑀲𑁆𑀲 𑀫𑀓𑁆𑀓𑀝𑁄;

𑀤𑀳𑀭𑀲𑁆𑀲𑁂𑀯 𑀲𑀦𑁆𑀢𑀲𑁆𑀲, 𑀤𑀦𑁆𑀢𑁂𑀳𑀺 𑀨𑀮𑀫𑀘𑁆𑀙𑀺𑀤𑀸.

𑁧𑁫𑁨. 𑀬𑀫𑁂𑀢𑀁 𑀧𑀭𑀺𑀲𑀧𑁆𑀧𑀲𑀺 [𑀧𑀭𑀺𑀲𑀩𑁆𑀩𑁂𑀲𑀺 (𑀓.)], 𑀅𑀚𑀓𑀸𑀡𑁄𑀯 𑀲𑀸𑀲𑀧𑁂;

𑀬𑁄𑀧𑀸𑀬𑀁 𑀳𑁂𑀝𑁆𑀞𑀢𑁄 𑀲𑁂𑀢𑀺 [𑀲𑁂𑀲𑀺 (𑀲𑀻.)], 𑀏𑀢𑀫𑁆𑀧𑀺 𑀯𑀺𑀤𑀺𑀢𑀁 𑀫𑀬𑀸𑀢𑀺.

𑀣𑀼𑀲𑀚𑀸𑀢𑀓𑀁 𑀅𑀝𑁆𑀞𑀫𑀁.