𑁩𑁧𑁪. 𑀮𑁄𑀳𑀓𑀼𑀫𑁆𑀪𑀺𑀚𑀸𑀢𑀓𑀁 (𑁪-𑁨-𑁪)

𑁫𑁩. 𑀤𑀼𑀚𑁆𑀚𑀻𑀯𑀺𑀢𑀫𑀚𑀻𑀯𑀺𑀫𑁆𑀳, 𑀬𑁂 𑀲𑀦𑁆𑀢𑁂 [𑀬𑁂𑀲𑀁 𑀦𑁄 (𑀲𑁆𑀬𑀸. 𑀓.)] 𑀦 𑀤𑀤𑀫𑁆𑀳𑀲𑁂;

𑀯𑀺𑀚𑁆𑀚𑀫𑀸𑀦𑁂𑀲𑀼 𑀪𑁄𑀕𑁂𑀲𑀼, 𑀤𑀻𑀧𑀁 𑀦𑀸𑀓𑀫𑁆𑀳 𑀅𑀢𑁆𑀢𑀦𑁄.

𑁫𑁪. 𑀲𑀝𑁆𑀞𑀺 [𑀲𑀝𑁆𑀞𑀺𑀁 (𑀲𑁆𑀬𑀸.)] 𑀯𑀲𑁆𑀲𑀲𑀳𑀲𑁆𑀲𑀸𑀦𑀺, 𑀧𑀭𑀺𑀧𑀼𑀡𑁆𑀡𑀸𑀦𑀺 𑀲𑀩𑁆𑀩𑀲𑁄;

𑀦𑀺𑀭𑀬𑁂 𑀧𑀘𑁆𑀘𑀫𑀸𑀦𑀸𑀦𑀁, 𑀓𑀤𑀸 𑀅𑀦𑁆𑀢𑁄 𑀪𑀯𑀺𑀲𑁆𑀲𑀢𑀺.

𑁫𑁫. 𑀦𑀢𑁆𑀣𑀺 𑀅𑀦𑁆𑀢𑁄 𑀓𑀼𑀢𑁄 𑀅𑀦𑁆𑀢𑁄, 𑀦 𑀅𑀦𑁆𑀢𑁄 𑀧𑀝𑀺𑀤𑀺𑀲𑁆𑀲𑀢𑀺;

𑀢𑀤𑀸 𑀳𑀺 𑀧𑀓𑀢𑀁 𑀧𑀸𑀧𑀁, 𑀫𑀫 𑀢𑀼𑀬𑁆𑀳𑀜𑁆𑀘 𑀫𑀸𑀭𑀺𑀲𑀸 [𑀫𑀸𑀭𑀺𑀲 (𑀲𑀻. 𑀲𑁆𑀬𑀸. 𑀧𑀻.)].

𑁫𑁬. 𑀲𑁄𑀳𑀁 𑀦𑀽𑀦 𑀇𑀢𑁄 𑀕𑀦𑁆𑀢𑁆𑀯𑀸, 𑀬𑁄𑀦𑀺𑀁 𑀮𑀤𑁆𑀥𑀸𑀦 𑀫𑀸𑀦𑀼𑀲𑀺𑀁;

𑀯𑀤𑀜𑁆𑀜𑀽 𑀲𑀻𑀮𑀲𑀫𑁆𑀧𑀦𑁆𑀦𑁄, 𑀓𑀸𑀳𑀸𑀫𑀺 𑀓𑀼𑀲𑀮𑀁 𑀩𑀳𑀼𑀦𑁆𑀢𑀺.

𑀮𑁄𑀳𑀓𑀼𑀫𑁆𑀪𑀺𑀚𑀸𑀢𑀓𑀁 𑀘𑀢𑀼𑀢𑁆𑀣𑀁.