𑁨𑁯𑁭. 𑀓𑀸𑀫𑀯𑀺𑀮𑀸𑀧𑀚𑀸𑀢𑀓𑀁 (𑁩-𑁫-𑁭)

𑁧𑁩𑁯. 𑀉𑀘𑁆𑀘𑁂 𑀲𑀓𑀼𑀡 𑀟𑁂𑀫𑀸𑀦, 𑀧𑀢𑁆𑀢𑀬𑀸𑀦 𑀯𑀺𑀳𑀗𑁆𑀕𑀫;

𑀯𑀚𑁆𑀚𑀸𑀲𑀺 𑀔𑁄 𑀢𑁆𑀯𑀁 𑀯𑀸𑀫𑀽𑀭𑀼𑀁, 𑀘𑀺𑀭𑀁 𑀔𑁄 𑀲𑀸 𑀓𑀭𑀺𑀲𑁆𑀲𑀢𑀺 [𑀲𑀭𑀺𑀲𑁆𑀲𑀢𑀺 (𑀓.)].

𑁧𑁪𑁦. 𑀇𑀤𑀁 𑀔𑁄 𑀲𑀸 𑀦 𑀚𑀸𑀦𑀸𑀢𑀺, 𑀅𑀲𑀺𑀁 𑀲𑀢𑁆𑀢𑀺𑀜𑁆𑀘 𑀑𑀟𑁆𑀟𑀺𑀢𑀁;

𑀲𑀸 𑀘𑀡𑁆𑀟𑀻 𑀓𑀸𑀳𑀢𑀺 𑀓𑁄𑀥𑀁, 𑀢𑀁 𑀫𑁂 𑀢𑀧𑀢𑀺 𑀦𑁄 𑀇𑀤𑀁 [𑀦𑁄 𑀇𑀥 (𑀲𑀻. 𑀲𑁆𑀬𑀸. 𑀧𑀻.)].

𑁧𑁪𑁧. 𑀏𑀲 𑀉𑀧𑁆𑀧𑀮𑀲𑀦𑁆𑀦𑀸𑀳𑁄, 𑀦𑀺𑀓𑁆𑀔𑀜𑁆𑀘𑀼𑀲𑁆𑀲𑀻𑀲𑀓𑁄𑀳𑀺𑀢𑀁 [𑀦𑀺𑀓𑁆𑀔𑀫𑀼𑀲𑁆𑀲𑀻𑀲𑀓𑁂 𑀓𑀢𑀁 (𑀲𑀻. 𑀧𑀻.), 𑀦𑀺𑀓𑁆𑀔𑀜𑁆𑀘𑀼𑀲𑁆𑀲𑀻𑀲𑀓𑁂 𑀓𑀢𑀁 (𑀲𑁆𑀬𑀸.)];

𑀓𑀸𑀲𑀺𑀓𑀜𑁆𑀘 𑀫𑀼𑀤𑀼𑀁 𑀯𑀢𑁆𑀣𑀁, 𑀢𑀧𑁆𑀧𑁂𑀢𑀼 𑀥𑀦𑀺𑀓𑀸 𑀧𑀺𑀬𑀸𑀢𑀺 [𑀥𑀦𑀓𑀸𑀫𑀺𑀬𑀸𑀢𑀺 (𑀲𑁆𑀬𑀸. 𑀧𑀻.), 𑀥𑀦𑀓𑀸𑀫𑀺𑀓𑀸𑀢𑀺 (𑀲𑀻.)].

𑀓𑀸𑀫𑀯𑀺𑀮𑀸𑀧𑀚𑀸𑀢𑀓𑀁 𑀲𑀢𑁆𑀢𑀫𑀁.