𑁨𑁬𑁫. 𑀔𑀼𑀭𑀧𑁆𑀧𑀚𑀸𑀢𑀓𑀁 (𑁩-𑁨-𑁫)

𑁪𑁩. 𑀤𑀺𑀲𑁆𑀯𑀸 𑀔𑀼𑀭𑀧𑁆𑀧𑁂 𑀥𑀦𑀼𑀯𑁂𑀕𑀦𑀼𑀦𑁆𑀦𑁂, 𑀔𑀕𑁆𑀕𑁂 𑀕𑀳𑀻𑀢𑁂 𑀢𑀺𑀔𑀺𑀡𑁂 𑀢𑁂𑀮𑀥𑁄𑀢𑁂;

𑀢𑀲𑁆𑀫𑀺𑀁 𑀪𑀬𑀲𑁆𑀫𑀺𑀁 𑀫𑀭𑀡𑁂 𑀯𑀺𑀬𑀽𑀴𑁆𑀳𑁂, 𑀓𑀲𑁆𑀫𑀸 𑀦𑀼 𑀢𑁂 𑀦𑀸𑀳𑀼 𑀙𑀫𑁆𑀪𑀺𑀢𑀢𑁆𑀢𑀁.

𑁪𑁪. 𑀤𑀺𑀲𑁆𑀯𑀸 𑀔𑀼𑀭𑀧𑁆𑀧𑁂 𑀥𑀦𑀼𑀯𑁂𑀕𑀦𑀼𑀦𑁆𑀦𑁂, 𑀔𑀕𑁆𑀕𑁂 𑀕𑀳𑀻𑀢𑁂 𑀢𑀺𑀔𑀺𑀡𑁂 𑀢𑁂𑀮𑀥𑁄𑀢𑁂;

𑀢𑀲𑁆𑀫𑀺𑀁 𑀪𑀬𑀲𑁆𑀫𑀺𑀁 𑀫𑀭𑀡𑁂 𑀯𑀺𑀬𑀽𑀴𑁆𑀳𑁂, 𑀯𑁂𑀤𑀁 𑀅𑀮𑀢𑁆𑀣𑀁 𑀯𑀺𑀧𑀼𑀮𑀁 𑀉𑀴𑀸𑀭𑀁.

𑁪𑁫. 𑀲𑁄 𑀯𑁂𑀤𑀚𑀸𑀢𑁄 𑀅𑀚𑁆𑀛𑀪𑀯𑀺𑀁 𑀅𑀫𑀺𑀢𑁆𑀢𑁂, 𑀧𑀼𑀩𑁆𑀩𑁂𑀯 𑀫𑁂 𑀚𑀻𑀯𑀺𑀢𑀫𑀸𑀲𑀺 𑀘𑀢𑁆𑀢𑀁;

𑀦 𑀳𑀺 𑀚𑀻𑀯𑀺𑀢𑁂 𑀆𑀮𑀬𑀁 𑀓𑀼𑀩𑁆𑀩𑀫𑀸𑀦𑁄, 𑀲𑀽𑀭𑁄 𑀓𑀬𑀺𑀭𑀸 𑀲𑀽𑀭𑀓𑀺𑀘𑁆𑀘𑀁 𑀓𑀤𑀸𑀘𑀻𑀢𑀺.

𑀔𑀼𑀭𑀧𑁆𑀧𑀚𑀸𑀢𑀓𑀁 𑀧𑀜𑁆𑀘𑀫𑀁.