𑁨𑁫𑁬. 𑀚𑀭𑀽𑀤𑀧𑀸𑀦𑀚𑀸𑀢𑀓𑀁 (𑁩-𑁧-𑁬)

𑁧𑁬. 𑀚𑀭𑀽𑀤𑀧𑀸𑀦𑀁 𑀔𑀡𑀫𑀸𑀦𑀸, 𑀯𑀸𑀡𑀺𑀚𑀸 𑀉𑀤𑀓𑀢𑁆𑀣𑀺𑀓𑀸;

𑀅𑀚𑁆𑀛𑀕𑀫𑀼𑀁 𑀅𑀬𑀲𑀁 𑀮𑁄𑀳𑀁 [𑀅𑀚𑁆𑀛𑀕𑀁𑀲𑀼 𑀅𑀬𑁄𑀮𑁄𑀳𑀁 (𑀲𑀻. 𑀲𑁆𑀬𑀸. 𑀧𑀻.)], 𑀢𑀺𑀧𑀼𑀲𑀻𑀲𑀜𑁆𑀘 𑀯𑀸𑀡𑀺𑀚𑀸;

𑀭𑀚𑀢𑀁 𑀚𑀸𑀢𑀭𑀽𑀧𑀜𑁆𑀘, 𑀫𑀼𑀢𑁆𑀢𑀸 𑀯𑁂𑀴𑀽𑀭𑀺𑀬𑀸 𑀩𑀳𑀽.

𑁧𑁭. 𑀢𑁂 𑀘 𑀢𑁂𑀦 𑀅𑀲𑀦𑁆𑀢𑀼𑀝𑁆𑀞𑀸, 𑀪𑀺𑀬𑁆𑀬𑁄 𑀪𑀺𑀬𑁆𑀬𑁄 𑀅𑀔𑀸𑀡𑀺𑀲𑀼𑀁;

𑀢𑁂 𑀢𑀢𑁆𑀣𑀸𑀲𑀻𑀯𑀺𑀲𑁄 [𑀢𑀢𑁆𑀣 𑀆𑀲𑀻𑀯𑀺𑀲𑁄 (𑀓.), 𑀢𑀢𑁆𑀣𑀧𑀸𑀲𑀻𑀯𑀺𑀲𑁄 (𑀲𑁆𑀬𑀸.)] 𑀖𑁄𑀭𑁄, 𑀢𑁂𑀚𑀲𑁆𑀲𑀻 𑀢𑁂𑀚𑀲𑀸 𑀳𑀦𑀺.

𑁧𑁮. 𑀢𑀲𑁆𑀫𑀸 𑀔𑀡𑁂 𑀦𑀸𑀢𑀺𑀔𑀡𑁂, 𑀅𑀢𑀺𑀔𑀸𑀢𑀁 [𑀅𑀢𑀺𑀔𑀡𑀁 (𑀓.)] 𑀳𑀺 𑀧𑀸𑀧𑀓𑀁;

𑀔𑀸𑀢𑁂𑀦 𑀘 [𑀔𑀡𑁂𑀦 𑀘 (𑀓.), 𑀔𑀡𑀦𑁂𑀦 (𑀲𑁆𑀬𑀸.)] 𑀥𑀦𑀁 𑀮𑀤𑁆𑀥𑀁, 𑀅𑀢𑀺𑀔𑀸𑀢𑁂𑀦 [𑀅𑀢𑀺𑀔𑀡𑁂𑀦 (𑀓.)] 𑀦𑀸𑀲𑀺𑀢𑀦𑁆𑀢𑀺.

𑀚𑀭𑀽𑀤𑀧𑀸𑀦𑀚𑀸𑀢𑀓𑀁 𑀙𑀝𑁆𑀞𑀁.