𑁧𑁫𑁯. 𑀫𑁄𑀭𑀚𑀸𑀢𑀓𑀁 (𑁨-𑁧-𑁯)

𑁧𑁭. 𑀉𑀤𑁂𑀢𑀬𑀁 𑀘𑀓𑁆𑀔𑀼𑀫𑀸 𑀏𑀓𑀭𑀸𑀚𑀸, 𑀳𑀭𑀺𑀲𑁆𑀲𑀯𑀡𑁆𑀡𑁄 𑀧𑀣𑀯𑀺𑀧𑁆𑀧𑀪𑀸𑀲𑁄 [𑀧𑀞𑀯𑀺𑀧𑁆𑀧𑀪𑀸𑀲𑁄 (𑀲𑀻. 𑀲𑁆𑀬𑀸. 𑀧𑀻.)];

𑀢𑀁 𑀢𑀁 𑀦𑀫𑀲𑁆𑀲𑀸𑀫𑀺 𑀳𑀭𑀺𑀲𑁆𑀲𑀯𑀡𑁆𑀡𑀁 𑀧𑀣𑀯𑀺𑀧𑁆𑀧𑀪𑀸𑀲𑀁, 𑀢𑀬𑀸𑀚𑁆𑀚 𑀕𑀼𑀢𑁆𑀢𑀸 𑀯𑀺𑀳𑀭𑁂𑀫𑀼 𑀤𑀺𑀯𑀲𑀁.

𑀬𑁂 𑀩𑁆𑀭𑀸𑀳𑁆𑀫𑀡𑀸 𑀯𑁂𑀤𑀕𑀽 𑀲𑀩𑁆𑀩𑀥𑀫𑁆𑀫𑁂, 𑀢𑁂 𑀫𑁂 𑀦𑀫𑁄 𑀢𑁂 𑀘 𑀫𑀁 𑀧𑀸𑀮𑀬𑀦𑁆𑀢𑀼;

𑀦𑀫𑀢𑁆𑀣𑀼 𑀩𑀼𑀤𑁆𑀥𑀸𑀦𑀁 [𑀩𑀼𑀤𑁆𑀥𑀸𑀦 (?)] 𑀦𑀫𑀢𑁆𑀣𑀼 𑀩𑁄𑀥𑀺𑀬𑀸, 𑀦𑀫𑁄 𑀯𑀺𑀫𑀼𑀢𑁆𑀢𑀸𑀦𑀁 [𑀯𑀺𑀫𑀼𑀢𑁆𑀢𑀸𑀦 (?)] 𑀦𑀫𑁄 𑀯𑀺𑀫𑀼𑀢𑁆𑀢𑀺𑀬𑀸;

𑀇𑀫𑀁 𑀲𑁄 𑀧𑀭𑀺𑀢𑁆𑀢𑀁 𑀓𑀢𑁆𑀯𑀸, 𑀫𑁄𑀭𑁄 𑀘𑀭𑀢𑀺 𑀏𑀲𑀦𑀸.

𑁧𑁮. 𑀅𑀧𑁂𑀢𑀬𑀁 𑀘𑀓𑁆𑀔𑀼𑀫𑀸 𑀏𑀓𑀭𑀸𑀚𑀸, 𑀳𑀭𑀺𑀲𑁆𑀲𑀯𑀡𑁆𑀡𑁄 𑀧𑀣𑀯𑀺𑀧𑁆𑀧𑀪𑀸𑀲𑁄;

𑀢𑀁 𑀢𑀁 𑀦𑀫𑁆𑀫𑀲𑁆𑀲𑀸𑀫𑀺 𑀳𑀭𑀺𑀲𑁆𑀲𑀯𑀡𑁆𑀡𑀁 𑀧𑀣𑀯𑀺𑀧𑁆𑀧𑀪𑀸𑀲𑀁, 𑀢𑀬𑀸𑀚𑁆𑀚 𑀕𑀼𑀢𑁆𑀢𑀸 𑀯𑀺𑀳𑀭𑁂𑀫𑀼 𑀭𑀢𑁆𑀢𑀺𑀁.

𑀬𑁂 𑀩𑁆𑀭𑀸𑀳𑁆𑀫𑀡𑀸 𑀯𑁂𑀤𑀕𑀽 𑀲𑀩𑁆𑀩𑀥𑀫𑁆𑀫𑁂, 𑀢𑁂 𑀫𑁂 𑀦𑀫𑁄 𑀢𑁂 𑀘 𑀫𑀁 𑀧𑀸𑀮𑀬𑀦𑁆𑀢𑀼;

𑀦𑀫𑀢𑁆𑀣𑀼 𑀩𑀼𑀤𑁆𑀥𑀸𑀦𑀁 𑀦𑀫𑀢𑁆𑀣𑀼 𑀩𑁄𑀥𑀺𑀬𑀸, 𑀦𑀫𑁄 𑀯𑀺𑀫𑀼𑀢𑁆𑀢𑀸𑀦𑀁 𑀦𑀫𑁄 𑀯𑀺𑀫𑀼𑀢𑁆𑀢𑀺𑀬𑀸;

𑀇𑀫𑀁 𑀲𑁄 𑀧𑀭𑀺𑀢𑁆𑀢𑀁 𑀓𑀢𑁆𑀯𑀸, 𑀫𑁄𑀭𑁄 𑀯𑀸𑀲𑀫𑀓𑀧𑁆𑀧𑀬𑀻𑀢𑀺.

𑀫𑁄𑀭𑀚𑀸𑀢𑀓𑀁 𑀦𑀯𑀫𑀁.