𑁧𑁫. 𑀓𑀓𑀡𑁆𑀝𑀓𑀯𑀕𑁆𑀕𑁄

𑁧𑁪𑁧. 𑀕𑁄𑀥𑀚𑀸𑀢𑀓𑀁

𑁧𑁪𑁧. 𑀦 𑀧𑀸𑀧𑀚𑀦𑀲𑀁𑀲𑁂𑀯𑀻, 𑀅𑀘𑁆𑀘𑀦𑁆𑀢𑀲𑀼𑀔𑀫𑁂𑀥𑀢𑀺;

𑀕𑁄𑀥𑀸𑀓𑀼𑀮𑀁 [𑀕𑁄𑀥𑀓𑁆𑀓𑀼𑀮𑀁 (𑀓.)] 𑀓𑀓𑀡𑁆𑀝𑀸𑀯 [𑀓𑀓𑀡𑁆𑀝𑀓𑀸 (𑀓.)], 𑀓𑀮𑀺𑀁 𑀧𑀸𑀧𑁂𑀢𑀺 𑀅𑀢𑁆𑀢𑀦𑀦𑁆𑀢𑀺.

𑀕𑁄𑀥𑀚𑀸𑀢𑀓𑀁 𑀧𑀞𑀫𑀁.

𑁧𑁪𑁨. 𑀲𑀺𑀗𑁆𑀕𑀸𑀮𑀚𑀸𑀢𑀓𑀁

𑁧𑁪𑁨. 𑀏𑀢𑀜𑁆𑀳𑀺 𑀢𑁂 𑀤𑀼𑀭𑀸𑀚𑀸𑀦𑀁, 𑀬𑀁 𑀲𑁂𑀲𑀺 𑀫𑀢𑀲𑀸𑀬𑀺𑀓𑀁;

𑀬𑀲𑁆𑀲 𑀢𑁂 𑀓𑀟𑁆𑀠𑀫𑀸𑀦𑀲𑁆𑀲, 𑀳𑀢𑁆𑀣𑀸 𑀤𑀡𑁆𑀟𑁄 𑀦 𑀫𑀼𑀘𑁆𑀘𑀢𑀻𑀢𑀺.

𑀲𑀺𑀗𑁆𑀕𑀸𑀮𑀚𑀸𑀢𑀓𑀁 𑀤𑀼𑀢𑀺𑀬𑀁.

𑁧𑁪𑁩. 𑀯𑀺𑀭𑁄𑀘𑀚𑀸𑀢𑀓𑀁

𑁧𑁪𑁩. 𑀮𑀲𑀻 𑀘 𑀢𑁂 𑀦𑀺𑀧𑁆𑀨𑀮𑀺𑀢𑀸, 𑀫𑀢𑁆𑀣𑀓𑁄 𑀘 𑀧𑀤𑀸𑀮𑀺𑀢𑁄 [𑀯𑀺𑀤𑀸𑀮𑀺𑀢𑁄 (𑀲𑀻. 𑀧𑀻.)];

𑀲𑀩𑁆𑀩𑀸 𑀢𑁂 𑀨𑀸𑀲𑀼𑀓𑀸 𑀪𑀕𑁆𑀕𑀸, 𑀅𑀚𑁆𑀚 𑀔𑁄 𑀢𑁆𑀯𑀁 𑀯𑀺𑀭𑁄𑀘𑀲𑀻𑀢𑀺.

𑀯𑀺𑀭𑁄𑀘𑀚𑀸𑀢𑀓𑀁 𑀢𑀢𑀺𑀬𑀁.

𑁧𑁪𑁪. 𑀦𑀗𑁆𑀕𑀼𑀝𑁆𑀞𑀚𑀸𑀢𑀓𑀁

𑁧𑁪𑁪. 𑀩𑀳𑀼𑀫𑁆𑀧𑁂𑀢𑀁 𑀅𑀲𑀩𑁆𑀪𑀺 [𑀩𑀳𑀼𑀧𑁂𑀢𑀫𑀲𑀩𑁆𑀪𑀺 (𑀓.)] 𑀚𑀸𑀢𑀯𑁂𑀤, 𑀬𑀁 𑀢𑀁 𑀯𑀸𑀮𑀥𑀺𑀦𑀸𑀪𑀺𑀧𑀽𑀚𑀬𑀸𑀫;

𑀫𑀁𑀲𑀸𑀭𑀳𑀲𑁆𑀲 𑀦𑀢𑁆𑀣𑀚𑁆𑀚 𑀫𑀁𑀲𑀁, 𑀦𑀗𑁆𑀕𑀼𑀝𑁆𑀞𑀫𑁆𑀧𑀺 𑀪𑀯𑀁 𑀧𑀝𑀺𑀕𑁆𑀕𑀳𑀸𑀢𑀽𑀢𑀺.

𑀦𑀗𑁆𑀕𑀼𑀝𑁆𑀞𑀚𑀸𑀢𑀓𑀁 𑀘𑀢𑀼𑀢𑁆𑀣𑀁.

𑁧𑁪𑁫. 𑀭𑀸𑀥𑀚𑀸𑀢𑀓𑀁

𑁧𑁪𑁫. 𑀦 𑀢𑁆𑀯𑀁 𑀭𑀸𑀥 𑀯𑀺𑀚𑀸𑀦𑀸𑀲𑀺, 𑀅𑀟𑁆𑀠𑀭𑀢𑁆𑀢𑁂 𑀅𑀦𑀸𑀕𑀢𑁂;

𑀅𑀩𑁆𑀬𑀬𑀢𑀁 [𑀅𑀩𑁆𑀬𑀸𑀬𑀢𑀁 (𑀲𑀻. 𑀲𑁆𑀬𑀸. 𑀧𑀻.), 𑀅𑀩𑁆𑀬𑀢𑁆𑀢𑀢𑀁 (?)] 𑀯𑀺𑀮𑀧𑀲𑀺, 𑀯𑀺𑀭𑀢𑁆𑀢𑀸 𑀓𑁄𑀲𑀺𑀬𑀸𑀬𑀦𑁂𑀢𑀺.

𑀭𑀸𑀥𑀚𑀸𑀢𑀓𑀁 𑀧𑀜𑁆𑀘𑀫𑀁.

𑁧𑁪𑁬. 𑀲𑀫𑀼𑀤𑁆𑀤𑀓𑀸𑀓𑀚𑀸𑀢𑀓𑀁

𑁧𑁪𑁬. 𑀅𑀧𑀺 𑀦𑀼 𑀳𑀦𑀼𑀓𑀸 𑀲𑀦𑁆𑀢𑀸, 𑀫𑀼𑀔𑀜𑁆𑀘 𑀧𑀭𑀺𑀲𑀼𑀲𑁆𑀲𑀢𑀺;

𑀑𑀭𑀫𑀸𑀫 𑀦 𑀧𑀸𑀭𑁂𑀫, 𑀧𑀽𑀭𑀢𑁂𑀯 𑀫𑀳𑁄𑀤𑀥𑀻𑀢𑀺.

𑀲𑀫𑀼𑀤𑁆𑀤𑀓𑀸𑀓𑀚𑀸𑀢𑀓𑀁 𑀙𑀝𑁆𑀞𑀁.

𑁧𑁪𑁭. 𑀧𑀼𑀧𑁆𑀨𑀭𑀢𑁆𑀢𑀚𑀸𑀢𑀓𑀁

𑁧𑁪𑁭. 𑀦𑀬𑀺𑀤𑀁 𑀤𑀼𑀓𑁆𑀔𑀁 𑀅𑀤𑀼𑀁 𑀤𑀼𑀓𑁆𑀔𑀁, 𑀬𑀁 𑀫𑀁 𑀢𑀼𑀤𑀢𑀺 𑀯𑀸𑀬𑀲𑁄;

𑀬𑀁 𑀲𑀸𑀫𑀸 𑀧𑀼𑀧𑁆𑀨𑀭𑀢𑁆𑀢𑁂𑀦, 𑀓𑀢𑁆𑀢𑀺𑀓𑀁 𑀦𑀸𑀦𑀼𑀪𑁄𑀲𑁆𑀲𑀢𑀻𑀢𑀺.

𑀧𑀼𑀧𑁆𑀨𑀭𑀢𑁆𑀢𑀚𑀸𑀢𑀓𑀁 𑀲𑀢𑁆𑀢𑀫𑀁.

𑁧𑁪𑁮. 𑀲𑀺𑀗𑁆𑀕𑀸𑀮𑀚𑀸𑀢𑀓𑀁

𑁧𑁪𑁮. 𑀦𑀸𑀳𑀁 𑀧𑀼𑀦𑀁 𑀦 𑀘 𑀧𑀼𑀦𑀁, 𑀦 𑀘𑀸𑀧𑀺 𑀅𑀧𑀼𑀦𑀧𑁆𑀧𑀼𑀦𑀁;

𑀳𑀢𑁆𑀣𑀺𑀩𑁄𑀦𑁆𑀤𑀺𑀁 𑀧𑀯𑁂𑀓𑁆𑀔𑀸𑀫𑀺, 𑀢𑀣𑀸 𑀳𑀺 𑀪𑀬𑀢𑀚𑁆𑀚𑀺𑀢𑁄𑀢𑀺.

𑀲𑀺𑀗𑁆𑀕𑀸𑀮𑀚𑀸𑀢𑀓𑀁 𑀅𑀝𑁆𑀞𑀫𑀁.

𑁧𑁪𑁯. 𑀏𑀓𑀧𑀡𑁆𑀡𑀚𑀸𑀢𑀓𑀁

𑁧𑁪𑁯. 𑀏𑀓𑀧𑀡𑁆𑀡𑁄 𑀅𑀬𑀁 𑀭𑀼𑀓𑁆𑀔𑁄, 𑀦 𑀪𑀽𑀫𑁆𑀬𑀸 𑀘𑀢𑀼𑀭𑀗𑁆𑀕𑀼𑀮𑁄;

𑀨𑀮𑁂𑀦 𑀯𑀺𑀲𑀓𑀧𑁆𑀧𑁂𑀦, 𑀫𑀳𑀸𑀬𑀁 𑀓𑀺𑀁 𑀪𑀯𑀺𑀲𑁆𑀲𑀢𑀻𑀢𑀺.

𑀏𑀓𑀧𑀡𑁆𑀡𑀚𑀸𑀢𑀓𑀁 𑀦𑀯𑀫𑀁.

𑁧𑁫𑁦. 𑀲𑀜𑁆𑀚𑀻𑀯𑀚𑀸𑀢𑀓𑀁

𑁧𑁫𑁦. 𑀅𑀲𑀦𑁆𑀢𑀁 𑀬𑁄 𑀧𑀕𑁆𑀕𑀡𑁆𑀳𑀸𑀢𑀺, 𑀅𑀲𑀦𑁆𑀢𑀁 𑀘𑀽𑀧𑀲𑁂𑀯𑀢𑀺;

𑀢𑀫𑁂𑀯 𑀖𑀸𑀲𑀁 𑀓𑀼𑀭𑀼𑀢𑁂, 𑀩𑁆𑀬𑀕𑁆𑀖𑁄 𑀲𑀜𑁆𑀚𑀻𑀯𑀓𑁄 𑀬𑀣𑀸𑀢𑀺.

𑀲𑀜𑁆𑀚𑀻𑀯𑀚𑀸𑀢𑀓𑀁 𑀤𑀲𑀫𑀁.

𑀓𑀓𑀡𑁆𑀝𑀓 [𑀧𑀸𑀧𑀲𑁂𑀯𑀦 (𑀓.)] 𑀯𑀕𑁆𑀕𑁄 𑀧𑀦𑁆𑀦𑀭𑀲𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀲𑀼𑀔𑀫𑁂𑀥𑀢𑀺 𑀤𑀡𑁆𑀟𑀯𑀭𑁄 𑀘 𑀧𑀼𑀦, 𑀮𑀲𑀺 𑀯𑀸𑀮𑀥𑀺 𑀧𑀜𑁆𑀘𑀫𑀭𑀸𑀥𑀯𑀭𑁄;

𑀲𑀫𑀳𑁄𑀤𑀥𑀺 𑀓𑀢𑁆𑀢𑀺𑀓 𑀩𑁄𑀦𑁆𑀤𑀺 𑀧𑀼𑀦, 𑀘𑀢𑀼𑀭𑀗𑁆𑀕𑀼𑀮𑀩𑁆𑀬𑀕𑁆𑀖𑀯𑀭𑁂𑀦 𑀤𑀲𑀸𑀢𑀺.

(𑀉𑀧𑀭𑀺𑀫𑁄 𑀧𑀡𑁆𑀡𑀸𑀲𑀓𑁄.) [( ) 𑀲𑀻𑀳𑀴𑀧𑁄𑀢𑁆𑀣𑀓𑁂𑀬𑁂𑀯 𑀤𑀺𑀲𑁆𑀲𑀢𑀺]

𑀅𑀣 𑀯𑀕𑁆𑀕𑀼𑀤𑁆𑀤𑀸𑀦𑀁 𑁋

𑀅𑀧𑀡𑁆𑀡𑀓𑀁 𑀲𑀻𑀮𑀯𑀕𑁆𑀕𑀓𑀼𑀭𑀼𑀗𑁆𑀕, 𑀓𑀼𑀮𑀸𑀯𑀓𑀁 𑀅𑀢𑁆𑀣𑀓𑀸𑀫𑁂𑀦 𑀧𑀜𑁆𑀘𑀫𑀁;

𑀆𑀲𑀻𑀲𑁄 𑀇𑀢𑁆𑀣𑀺𑀯𑀭𑀼𑀡𑀁 𑀅𑀧𑀸𑀬𑀺, 𑀮𑀺𑀢𑁆𑀢𑀯𑀕𑁆𑀕𑁂𑀦 𑀢𑁂 𑀤𑀲;

𑀧𑀭𑁄𑀲𑀢𑀁 𑀳𑀁𑀘𑀺 𑀓𑀼𑀲𑀦𑀸𑀴𑀺 [𑀳𑀁𑀲𑀺 𑀲𑀭𑀺𑀓𑁆𑀔𑀁 (𑀲𑀩𑁆𑀩𑀢𑁆𑀣)], 𑀅𑀲𑀫𑁆𑀧𑀤𑀁 𑀓𑀓𑀡𑁆𑀝𑀓𑀯𑀕𑁆𑀕𑁄.

𑀏𑀓𑀦𑀺𑀧𑀸𑀢𑀫𑁆𑀳𑀺𑀮𑀗𑁆𑀓𑀢𑀦𑁆𑀢𑀺.

𑀏𑀓𑀓𑀦𑀺𑀧𑀸𑀢𑀁 𑀦𑀺𑀝𑁆𑀞𑀺𑀢𑀁.