𑁩. 𑀲𑀬𑀦𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁦. ‘‘𑀧𑀤𑀼𑀫𑀼𑀢𑁆𑀢𑀭𑀩𑀼𑀤𑁆𑀥𑀲𑁆𑀲, 𑀲𑀩𑁆𑀩𑀮𑁄𑀓𑀸𑀦𑀼𑀓𑀫𑁆𑀧𑀺𑀦𑁄;

𑀲𑀬𑀦𑀁 𑀢𑀲𑁆𑀲 𑀧𑀸𑀤𑀸𑀲𑀺𑀁, 𑀯𑀺𑀧𑁆𑀧𑀲𑀦𑁆𑀦𑁂𑀦 𑀘𑁂𑀢𑀲𑀸.

𑁨𑁧. ‘‘𑀢𑁂𑀦 𑀲𑀬𑀦𑀤𑀸𑀦𑁂𑀦, 𑀲𑀼𑀔𑁂𑀢𑁆𑀢𑁂 𑀩𑀻𑀚𑀲𑀫𑁆𑀧𑀤𑀸;

𑀪𑁄𑀕𑀸 𑀦𑀺𑀩𑁆𑀩𑀢𑁆𑀢𑀭𑁂 𑀢𑀲𑁆𑀲, 𑀲𑀬𑀦𑀲𑁆𑀲 𑀇𑀤𑀁 𑀨𑀮𑀁.

𑁨𑁨. ‘‘𑀆𑀓𑀸𑀲𑁂 𑀲𑁂𑀬𑁆𑀬𑀁 𑀓𑀧𑁆𑀧𑁂𑀫𑀺, 𑀥𑀸𑀭𑁂𑀫𑀺 𑀧𑀣𑀯𑀺𑀁 𑀇𑀫𑀁;

𑀧𑀸𑀡𑁂𑀲𑀼 𑀫𑁂 𑀇𑀲𑁆𑀲𑀭𑀺𑀬𑀁, 𑀲𑀬𑀦𑀲𑁆𑀲 𑀇𑀤𑀁 𑀨𑀮𑀁.

𑁨𑁩. ‘‘𑀧𑀜𑁆𑀘𑀓𑀧𑁆𑀧𑀲𑀳𑀲𑁆𑀲𑀫𑁆𑀳𑀺, 𑀅𑀝𑁆𑀞 𑀆𑀲𑀼𑀁 𑀫𑀳𑀸𑀢𑁂𑀚𑀸 [𑀫𑀳𑀸𑀯𑀭𑀸 (𑀲𑀻.), 𑀫𑀳𑀸𑀯𑀻𑀭𑀸 (𑀲𑁆𑀬𑀸.)];

𑀘𑀢𑀼𑀢𑁆𑀢𑀺𑀁𑀲𑁂 𑀓𑀧𑁆𑀧𑀲𑀢𑁂, 𑀘𑀢𑀼𑀭𑁄 𑀘 𑀫𑀳𑀩𑁆𑀩𑀮𑀸.

𑁨𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀬𑀦𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀬𑀦𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.