𑁨. 𑀲𑁂𑀮𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁦𑁮. ‘‘𑀦𑀕𑀭𑁂 𑀳𑀁𑀲𑀯𑀢𑀺𑀬𑀸, 𑀯𑀻𑀣𑀺𑀲𑀸𑀫𑀻 𑀅𑀳𑁄𑀲𑀳𑀁;

𑀫𑀫 𑀜𑀸𑀢𑀻 𑀲𑀫𑀸𑀦𑁂𑀢𑁆𑀯𑀸, 𑀇𑀤𑀁 𑀯𑀘𑀦𑀫𑀩𑁆𑀭𑀯𑀺𑀁.

𑁨𑁦𑁯. ‘‘‘𑀩𑀼𑀤𑁆𑀥𑁄 𑀮𑁄𑀓𑁂 𑀲𑀫𑀼𑀧𑁆𑀧𑀦𑁆𑀦𑁄, 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑁄 𑀅𑀦𑀼𑀢𑁆𑀢𑀭𑁄 [𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑀁 𑀅𑀦𑀼𑀢𑁆𑀢𑀭𑀁 (𑀲𑀻.)];

𑀆𑀲𑀺 𑀲𑁄 [𑀆𑀲𑀻𑀲𑁄 (𑀲𑀻.), 𑀆𑀥𑀸𑀭𑁄 (𑀧𑀻.)] 𑀲𑀩𑁆𑀩𑀮𑁄𑀓𑀲𑁆𑀲, 𑀆𑀳𑀼𑀢𑀻𑀦𑀁 𑀧𑀝𑀺𑀕𑁆𑀕𑀳𑁄.

𑁨𑁧𑁦. ‘‘‘𑀔𑀢𑁆𑀢𑀺𑀬𑀸 𑀦𑁂𑀕𑀫𑀸 𑀘𑁂𑀯, 𑀫𑀳𑀸𑀲𑀸𑀮𑀸 𑀘 𑀩𑁆𑀭𑀸𑀳𑁆𑀫𑀡𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁧. ‘‘‘𑀳𑀢𑁆𑀣𑀸𑀭𑁄𑀳𑀸 𑀅𑀦𑀻𑀓𑀝𑁆𑀞𑀸, 𑀭𑀣𑀺𑀓𑀸 𑀧𑀢𑁆𑀢𑀺𑀓𑀸𑀭𑀓𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁨. ‘‘‘𑀉𑀕𑁆𑀕𑀸 𑀘 𑀭𑀸𑀚𑀧𑀼𑀢𑁆𑀢𑀸 𑀘, 𑀯𑁂𑀲𑀺𑀬𑀸𑀦𑀸 𑀘 𑀩𑁆𑀭𑀸𑀳𑁆𑀫𑀡𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁩. ‘‘‘𑀆𑀴𑀸𑀭𑀺𑀓𑀸 𑀓𑀧𑁆𑀧𑀓𑀸 [𑀆𑀴𑀸𑀭𑀺𑀓𑀸 𑀘 𑀲𑀽𑀤𑀸 (𑀲𑁆𑀬𑀸.)] 𑀘, 𑀦𑁆𑀳𑀸𑀧𑀓𑀸 𑀫𑀸𑀮𑀓𑀸𑀭𑀓𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁪. ‘‘‘𑀭𑀚𑀓𑀸 𑀧𑁂𑀲𑀓𑀸𑀭𑀸 𑀘, 𑀘𑀫𑁆𑀫𑀓𑀸𑀭𑀸 𑀘 𑀦𑁆𑀳𑀸𑀧𑀺𑀢𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁫. ‘‘‘𑀉𑀲𑀼𑀓𑀸𑀭𑀸 𑀪𑀫𑀓𑀸𑀭𑀸, 𑀘𑀫𑁆𑀫𑀓𑀸𑀭𑀸 𑀘 𑀢𑀘𑁆𑀙𑀓𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁬. ‘‘‘𑀓𑀫𑁆𑀫𑀸𑀭𑀸 𑀲𑁄𑀡𑁆𑀡𑀓𑀸𑀭𑀸 𑀘, 𑀢𑀺𑀧𑀼𑀮𑁄𑀳𑀓𑀭𑀸 𑀢𑀣𑀸;

𑀧𑀲𑀦𑁆𑀦𑀘𑀺𑀢𑁆𑀢𑀸 𑀲𑀼𑀫𑀦𑀸, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁭. ‘‘‘𑀪𑀢𑀓𑀸 𑀘𑁂𑀝𑀓𑀸 𑀘𑁂𑀯, 𑀤𑀸𑀲𑀓𑀫𑁆𑀫𑀓𑀭𑀸 𑀩𑀳𑀽;

𑀬𑀣𑀸𑀲𑀓𑁂𑀦 𑀣𑀸𑀫𑁂𑀦, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁮. ‘‘‘𑀉𑀤𑀳𑀸𑀭𑀸 𑀓𑀝𑁆𑀞𑀳𑀸𑀭𑀸, 𑀓𑀲𑁆𑀲𑀓𑀸 𑀢𑀺𑀡𑀳𑀸𑀭𑀓𑀸;

𑀬𑀣𑀸𑀲𑀓𑁂𑀦 𑀣𑀸𑀫𑁂𑀦, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁧𑁯. ‘‘‘𑀧𑀼𑀧𑁆𑀨𑀺𑀓𑀸 𑀫𑀸𑀮𑀺𑀓𑀸 𑀘𑁂𑀯, 𑀧𑀡𑁆𑀡𑀺𑀓𑀸 𑀨𑀮𑀳𑀸𑀭𑀓𑀸;

𑀬𑀣𑀸𑀲𑀓𑁂𑀦 𑀣𑀸𑀫𑁂𑀦, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁨𑁦. ‘‘‘𑀕𑀡𑀺𑀓𑀸 𑀓𑀼𑀫𑁆𑀪𑀤𑀸𑀲𑀻 𑀘, 𑀧𑀽𑀯𑀺𑀓𑀸 [𑀲𑀽𑀧𑀺𑀓𑀸 (𑀓.)] 𑀫𑀘𑁆𑀙𑀺𑀓𑀸𑀧𑀺 𑀘;

𑀬𑀣𑀸𑀲𑀓𑁂𑀦 𑀣𑀸𑀫𑁂𑀦, 𑀧𑀽𑀕𑀥𑀫𑁆𑀫𑀁 𑀅𑀓𑀁𑀲𑀼 𑀢𑁂.

𑁨𑁨𑁧. ‘‘‘𑀏𑀣 𑀲𑀩𑁆𑀩𑁂 𑀲𑀫𑀸𑀕𑀦𑁆𑀢𑁆𑀯𑀸, 𑀕𑀡𑀁 𑀩𑀦𑁆𑀥𑀸𑀫 𑀏𑀓𑀢𑁄;

𑀅𑀥𑀺𑀓𑀸𑀭𑀁 𑀓𑀭𑀺𑀲𑁆𑀲𑀸𑀫, 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑁂 𑀅𑀦𑀼𑀢𑁆𑀢𑀭𑁂’.

𑁨𑁨𑁨. ‘‘𑀢𑁂 𑀫𑁂 𑀲𑀼𑀢𑁆𑀯𑀸𑀦 𑀯𑀘𑀦𑀁, 𑀕𑀡𑀁 𑀩𑀦𑁆𑀥𑀺𑀁𑀲𑀼 𑀢𑀸𑀯𑀤𑁂;

𑀉𑀧𑀝𑁆𑀞𑀸𑀦𑀲𑀸𑀮𑀁 𑀲𑀼𑀓𑀢𑀁, 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀓𑀸𑀭𑀬𑀼𑀁.

𑁨𑁨𑁩. ‘‘𑀦𑀺𑀝𑁆𑀞𑀸𑀧𑁂𑀢𑁆𑀯𑀸𑀦 𑀢𑀁 𑀲𑀸𑀮𑀁, 𑀉𑀤𑀕𑁆𑀕𑁄 𑀢𑀼𑀝𑁆𑀞𑀫𑀸𑀦𑀲𑁄;

𑀧𑀭𑁂𑀢𑁄 𑀢𑁂𑀳𑀺 𑀲𑀩𑁆𑀩𑁂𑀳𑀺, 𑀲𑀫𑁆𑀩𑀼𑀤𑁆𑀥𑀫𑀼𑀧𑀲𑀗𑁆𑀓𑀫𑀺𑀁.

𑁨𑁨𑁪. ‘‘𑀉𑀧𑀲𑀗𑁆𑀓𑀫𑁆𑀫 𑀲𑀫𑁆𑀩𑀼𑀤𑁆𑀥𑀁, 𑀮𑁄𑀓𑀦𑀸𑀣𑀁 𑀦𑀭𑀸𑀲𑀪𑀁;

𑀯𑀦𑁆𑀤𑀺𑀢𑁆𑀯𑀸 𑀲𑀢𑁆𑀣𑀼𑀦𑁄 𑀧𑀸𑀤𑁂, 𑀇𑀤𑀁 𑀯𑀘𑀦𑀫𑀩𑁆𑀭𑀯𑀺𑀁.

𑁨𑁨𑁫. ‘‘‘𑀇𑀫𑁂 𑀢𑀻𑀡𑀺 𑀲𑀢𑀸 𑀯𑀻𑀭, 𑀧𑀼𑀭𑀺𑀲𑀸 𑀏𑀓𑀢𑁄 𑀕𑀡𑀸;

𑀉𑀧𑀝𑁆𑀞𑀸𑀦𑀲𑀸𑀮𑀁 𑀲𑀼𑀓𑀢𑀁, 𑀦𑀺𑀬𑁆𑀬𑀸𑀤𑁂𑀦𑁆𑀢𑀺 [𑀦𑀺𑀬𑁆𑀬𑀸𑀢𑁂𑀦𑁆𑀢𑀺 (𑀲𑀻.)] 𑀢𑀼𑀯𑀁 [𑀢𑀯𑀁 (𑀲𑀻.), 𑀢𑀯 (𑀲𑁆𑀬𑀸.)] 𑀫𑀼𑀦𑀺’.

𑁨𑁨𑁬. ‘‘𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀧𑀼𑀭𑀢𑁄, 𑀲𑀫𑁆𑀧𑀝𑀺𑀘𑁆𑀙𑀢𑁆𑀯 𑀘𑀓𑁆𑀔𑀼𑀫𑀸;

𑀢𑀺𑀡𑁆𑀡𑀁 𑀲𑀢𑀸𑀦𑀁 𑀧𑀼𑀭𑀢𑁄, 𑀇𑀫𑀸 𑀕𑀸𑀣𑀸 𑀅𑀪𑀸𑀲𑀣.

𑁨𑁨𑁭. ‘‘‘𑀢𑀺𑀲𑀢𑀸𑀧𑀺 𑀘 𑀚𑁂𑀝𑁆𑀞𑁄 𑀘, 𑀅𑀦𑀼𑀯𑀢𑁆𑀢𑀺𑀁𑀲𑀼 𑀏𑀓𑀢𑁄;

𑀲𑀫𑁆𑀧𑀢𑁆𑀢𑀺𑀜𑁆𑀳𑀺 [𑀲𑀫𑁆𑀧𑀢𑁆𑀢𑀻𑀳𑀺 (𑀲𑁆𑀬𑀸. 𑀓.)] 𑀓𑀭𑀺𑀢𑁆𑀯𑀸𑀦, 𑀲𑀩𑁆𑀩𑁂 𑀅𑀦𑀼𑀪𑀯𑀺𑀲𑁆𑀲𑀣.

𑁨𑁨𑁮. ‘‘‘𑀧𑀘𑁆𑀙𑀺𑀫𑁂 𑀪𑀯𑁂 𑀲𑀫𑁆𑀧𑀢𑁆𑀢𑁂, 𑀲𑀻𑀢𑀺𑀪𑀸𑀯𑀫𑀦𑀼𑀢𑁆𑀢𑀭𑀁;

𑀅𑀚𑀭𑀁 𑀅𑀫𑀢𑀁 𑀲𑀦𑁆𑀢𑀁, 𑀦𑀺𑀩𑁆𑀩𑀸𑀦𑀁 𑀨𑀲𑁆𑀲𑀬𑀺𑀲𑁆𑀲𑀣’.

𑁨𑁨𑁯. ‘‘𑀏𑀯𑀁 𑀩𑀼𑀤𑁆𑀥𑁄 𑀯𑀺𑀬𑀸𑀓𑀸𑀲𑀺, 𑀲𑀩𑁆𑀩𑀜𑁆𑀜𑀽 𑀲𑀫𑀡𑀼𑀢𑁆𑀢𑀭𑁄;

𑀩𑀼𑀤𑁆𑀥𑀲𑁆𑀲 𑀯𑀘𑀦𑀁 𑀲𑀼𑀢𑁆𑀯𑀸, 𑀲𑁄𑀫𑀦𑀲𑁆𑀲𑀁 𑀧𑀯𑁂𑀤𑀬𑀺𑀁.

𑁨𑁩𑁦. ‘‘𑀢𑀺𑀁𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺, 𑀤𑁂𑀯𑀮𑁄𑀓𑁂 𑀭𑀫𑀺𑀁 𑀅𑀳𑀁;

𑀤𑁂𑀯𑀸𑀥𑀺𑀧𑁄 𑀧𑀜𑁆𑀘𑀲𑀢𑀁, 𑀤𑁂𑀯𑀭𑀚𑁆𑀚𑀫𑀓𑀸𑀭𑀬𑀺𑀁.

𑁨𑁩𑁧. ‘‘𑀲𑀳𑀲𑁆𑀲𑀓𑁆𑀔𑀢𑁆𑀢𑀼𑀁 𑀭𑀸𑀚𑀸 𑀘, 𑀘𑀓𑁆𑀓𑀯𑀢𑁆𑀢𑀻 𑀅𑀳𑁄𑀲𑀳𑀁;

𑀤𑁂𑀯𑀭𑀚𑁆𑀚𑀁 𑀓𑀭𑁄𑀦𑁆𑀢𑀲𑁆𑀲, 𑀫𑀳𑀸𑀤𑁂𑀯𑀸 𑀅𑀯𑀦𑁆𑀤𑀺𑀲𑀼𑀁.

𑁨𑁩𑁨. ‘‘𑀇𑀥 𑀫𑀸𑀦𑀼𑀲𑀓𑁂 𑀭𑀚𑁆𑀚𑀁 [𑀭𑀚𑁆𑀚𑁂 (𑀲𑀻.)], 𑀧𑀭𑀺𑀲𑀸 𑀳𑁄𑀦𑁆𑀢𑀺 𑀩𑀦𑁆𑀥𑀯𑀸;

𑀧𑀘𑁆𑀙𑀺𑀫𑁂 𑀪𑀯𑁂 𑀲𑀫𑁆𑀧𑀢𑁆𑀢𑁂, 𑀯𑀸𑀲𑁂𑀝𑁆𑀞𑁄 𑀦𑀸𑀫 𑀩𑁆𑀭𑀸𑀳𑁆𑀫𑀡𑁄.

𑁨𑁩𑁩. ‘‘𑀅𑀲𑀻𑀢𑀺𑀓𑁄𑀝𑀺 𑀦𑀺𑀘𑀬𑁄, 𑀢𑀲𑁆𑀲 𑀧𑀼𑀢𑁆𑀢𑁄 𑀅𑀳𑁄𑀲𑀳𑀁;

𑀲𑁂𑀮𑁄 𑀇𑀢𑀺 𑀫𑀫 𑀦𑀸𑀫𑀁, 𑀙𑀴𑀗𑁆𑀕𑁂 𑀧𑀸𑀭𑀫𑀺𑀁 𑀕𑀢𑁄.

𑁨𑁩𑁪. ‘‘𑀚𑀗𑁆𑀖𑀸𑀯𑀺𑀳𑀸𑀭𑀁 𑀯𑀺𑀘𑀭𑀁, 𑀲𑀲𑀺𑀲𑁆𑀲𑁂𑀳𑀺 𑀧𑀼𑀭𑀓𑁆𑀔𑀢𑁄;

𑀚𑀝𑀸𑀪𑀸𑀭𑀺𑀓𑀪𑀭𑀺𑀢𑀁, 𑀓𑁂𑀡𑀺𑀬𑀁 𑀦𑀸𑀫 𑀢𑀸𑀧𑀲𑀁.

𑁨𑁩𑁫. ‘‘𑀧𑀝𑀺𑀬𑀢𑁆𑀢𑀸𑀳𑀼𑀢𑀺𑀁 𑀤𑀺𑀲𑁆𑀯𑀸, 𑀇𑀤𑀁 𑀯𑀘𑀦𑀫𑀩𑁆𑀭𑀯𑀺𑀁;

‘𑀆𑀯𑀸𑀳𑁄 𑀯𑀸 𑀯𑀺𑀯𑀸𑀳𑁄 𑀯𑀸, 𑀭𑀸𑀚𑀸 𑀯𑀸 𑀢𑁂 𑀦𑀺𑀫𑀦𑁆𑀢𑀺𑀢𑁄’.

𑁨𑁩𑁬. ‘‘𑀆𑀳𑀼𑀢𑀺𑀁 [𑀦𑀸𑀳𑀼𑀢𑀺𑀁 (?)] 𑀬𑀺𑀝𑁆𑀞𑀼𑀓𑀸𑀫𑁄𑀳𑀁, 𑀩𑁆𑀭𑀸𑀳𑁆𑀫𑀡𑁂 𑀤𑁂𑀯𑀲𑀫𑁆𑀫𑀢𑁂;

𑀦 𑀦𑀺𑀫𑀦𑁆𑀢𑁂𑀫𑀺 𑀭𑀸𑀚𑀸𑀦𑀁, 𑀆𑀳𑀼𑀢𑀻 𑀫𑁂 𑀦 𑀯𑀺𑀚𑁆𑀚𑀢𑀺.

𑁨𑁩𑁭. ‘‘𑀦 𑀘𑀢𑁆𑀣𑀺 𑀫𑀬𑁆𑀳𑀫𑀸𑀯𑀸𑀳𑁄, 𑀯𑀺𑀯𑀸𑀳𑁄 𑀫𑁂 𑀦 𑀯𑀺𑀚𑁆𑀚𑀢𑀺;

𑀲𑀓𑁆𑀬𑀸𑀦𑀁 𑀦𑀦𑁆𑀤𑀺𑀚𑀦𑀦𑁄, 𑀲𑁂𑀝𑁆𑀞𑁄 𑀮𑁄𑀓𑁂 𑀲𑀤𑁂𑀯𑀓𑁂.

𑁨𑁩𑁮. ‘‘𑀲𑀩𑁆𑀩𑀮𑁄𑀓𑀳𑀺𑀢𑀢𑁆𑀣𑀸𑀬, 𑀲𑀩𑁆𑀩𑀲𑀢𑁆𑀢𑀲𑀼𑀔𑀸𑀯𑀳𑁄;

𑀲𑁄 𑀫𑁂 𑀦𑀺𑀫𑀦𑁆𑀢𑀺𑀢𑁄 𑀅𑀚𑁆𑀚, 𑀢𑀲𑁆𑀲𑁂𑀢𑀁 𑀧𑀝𑀺𑀬𑀸𑀤𑀦𑀁.

𑁨𑁩𑁯. ‘‘𑀢𑀺𑀫𑁆𑀩𑀭𑀽𑀲𑀓𑀯𑀡𑁆𑀡𑀸𑀪𑁄, 𑀅𑀧𑁆𑀧𑀫𑁂𑀬𑁆𑀬𑁄 𑀅𑀦𑀽𑀧𑀫𑁄;

𑀭𑀽𑀧𑁂𑀦𑀸𑀲𑀤𑀺𑀲𑁄 𑀩𑀼𑀤𑁆𑀥𑁄, 𑀲𑁆𑀯𑀸𑀢𑀦𑀸𑀬 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁦. ‘‘𑀉𑀓𑁆𑀓𑀸𑀫𑀼𑀔𑀧𑀳𑀝𑁆𑀞𑁄𑀯, 𑀔𑀤𑀺𑀭𑀗𑁆𑀕𑀸𑀭𑀲𑀦𑁆𑀦𑀺𑀪𑁄;

𑀯𑀺𑀚𑁆𑀚𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁧. ‘‘𑀧𑀩𑁆𑀩𑀢𑀕𑁆𑀕𑁂 𑀬𑀣𑀸 𑀅𑀘𑁆𑀘𑀺, 𑀧𑀼𑀡𑁆𑀡𑀫𑀸𑀬𑁂𑀯 𑀘𑀦𑁆𑀤𑀺𑀫𑀸;

𑀦𑀴𑀕𑁆𑀕𑀺𑀯𑀡𑁆𑀡𑀲𑀗𑁆𑀓𑀸𑀲𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁨. ‘‘𑀅𑀲𑀫𑁆𑀪𑀻𑀢𑁄 𑀪𑀬𑀸𑀢𑀻𑀢𑁄, 𑀪𑀯𑀦𑁆𑀢𑀓𑀭𑀡𑁄 𑀫𑀼𑀦𑀺;

𑀲𑀻𑀳𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁩. ‘‘𑀓𑀼𑀲𑀮𑁄 𑀩𑀼𑀤𑁆𑀥𑀥𑀫𑁆𑀫𑁂𑀳𑀺, 𑀅𑀧𑀲𑀬𑁆𑀳𑁄 𑀧𑀭𑁂𑀳𑀺 𑀲𑁄;

𑀦𑀸𑀕𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁪. ‘‘𑀲𑀤𑁆𑀥𑀫𑁆𑀫𑀸𑀘𑀸𑀭𑀓𑀼𑀲𑀮𑁄, 𑀩𑀼𑀤𑁆𑀥𑀦𑀸𑀕𑁄 𑀅𑀲𑀸𑀤𑀺𑀲𑁄;

𑀉𑀲𑀪𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁫. ‘‘𑀅𑀦𑀦𑁆𑀢𑀯𑀡𑁆𑀡𑁄 𑀅𑀫𑀺𑀢𑀬𑀲𑁄, 𑀯𑀺𑀘𑀺𑀢𑁆𑀢𑀲𑀩𑁆𑀩𑀮𑀓𑁆𑀔𑀡𑁄;

𑀲𑀓𑁆𑀓𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁬. ‘‘𑀯𑀲𑀻 𑀕𑀡𑀻 𑀧𑀢𑀸𑀧𑀻 𑀘, 𑀢𑁂𑀚𑀲𑁆𑀲𑀻 𑀘 𑀤𑀼𑀭𑀸𑀲𑀤𑁄;

𑀩𑁆𑀭𑀳𑁆𑀫𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁭. ‘‘𑀧𑀢𑁆𑀢𑀥𑀫𑁆𑀫𑁄 𑀤𑀲𑀩𑀮𑁄, 𑀩𑀮𑀸𑀢𑀺𑀩𑀮𑀧𑀸𑀭𑀕𑁄;

𑀥𑀭𑀡𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁮. ‘‘𑀲𑀻𑀮𑀯𑀻𑀘𑀺𑀲𑀫𑀸𑀓𑀺𑀡𑁆𑀡𑁄, 𑀥𑀫𑁆𑀫𑀯𑀺𑀜𑁆𑀜𑀸𑀡𑀔𑁄𑀪𑀺𑀢𑁄;

𑀉𑀤𑀥𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁪𑁯. ‘‘𑀤𑀼𑀭𑀸𑀲𑀤𑁄 𑀤𑀼𑀧𑁆𑀧𑀲𑀳𑁄, 𑀅𑀘𑀮𑁄 𑀉𑀕𑁆𑀕𑀢𑁄 𑀩𑁆𑀭𑀳𑀸;

𑀦𑁂𑀭𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁦. ‘‘𑀅𑀦𑀦𑁆𑀢𑀜𑀸𑀡𑁄 𑀅𑀲𑀫𑀲𑀫𑁄, 𑀅𑀢𑀼𑀮𑁄 𑀅𑀕𑁆𑀕𑀢𑀁 𑀕𑀢𑁄;

𑀕𑀕𑀦𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑀧𑀦𑁆𑀦𑀭𑀲𑀫𑀁 𑀪𑀸𑀡𑀯𑀸𑀭𑀁.

𑁨𑁫𑁧. ‘‘𑀧𑀢𑀺𑀝𑁆𑀞𑀸 𑀪𑀬𑀪𑀻𑀢𑀸𑀦𑀁, 𑀢𑀸𑀡𑁄 𑀲𑀭𑀡𑀕𑀸𑀫𑀺𑀦𑀁;

𑀅𑀲𑁆𑀲𑀸𑀲𑀓𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁨. ‘‘𑀆𑀲𑀬𑁄 𑀩𑀼𑀤𑁆𑀥𑀺𑀫𑀦𑁆𑀢𑀸𑀦𑀁, 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑀁 𑀲𑀼𑀔𑁂𑀲𑀺𑀦𑀁;

𑀭𑀢𑀦𑀸𑀓𑀭𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁩. ‘‘𑀅𑀲𑁆𑀲𑀸𑀲𑀓𑁄 𑀯𑁂𑀤𑀓𑀭𑁄, 𑀲𑀸𑀫𑀜𑁆𑀜𑀨𑀮𑀤𑀸𑀬𑀓𑁄;

𑀫𑁂𑀖𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁪. ‘‘𑀮𑁄𑀓𑀘𑀓𑁆𑀔𑀼 𑀫𑀳𑀸𑀢𑁂𑀚𑁄, 𑀲𑀩𑁆𑀩𑀢𑀫𑀯𑀺𑀦𑁄𑀤𑀦𑁄;

𑀲𑀽𑀭𑀺𑀬𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁫. ‘‘𑀆𑀭𑀫𑁆𑀫𑀡𑀯𑀺𑀫𑀼𑀢𑁆𑀢𑀻𑀲𑀼, 𑀲𑀪𑀸𑀯𑀤𑀲𑁆𑀲𑀦𑁄 𑀫𑀼𑀦𑀺;

𑀘𑀦𑁆𑀤𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁬. ‘‘𑀩𑀼𑀤𑁆𑀥𑁄 𑀲𑀫𑀼𑀲𑁆𑀲𑀺𑀢𑁄 𑀮𑁄𑀓𑁂, 𑀮𑀓𑁆𑀔𑀡𑁂𑀳𑀺 𑀅𑀮𑀗𑁆𑀓𑀢𑁄;

𑀅𑀧𑁆𑀧𑀫𑁂𑀬𑁆𑀬𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁭. ‘‘𑀬𑀲𑁆𑀲 𑀜𑀸𑀡𑀁 𑀅𑀧𑁆𑀧𑀫𑁂𑀬𑁆𑀬𑀁, 𑀲𑀻𑀮𑀁 𑀬𑀲𑁆𑀲 𑀅𑀦𑀽𑀧𑀫𑀁;

𑀯𑀺𑀫𑀼𑀢𑁆𑀢𑀺 𑀅𑀲𑀤𑀺𑀲𑀸 𑀬𑀲𑁆𑀲, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁮. ‘‘𑀬𑀲𑁆𑀲 𑀥𑀻𑀢𑀺 𑀅𑀲𑀤𑀺𑀲𑀸, 𑀣𑀸𑀫𑁄 𑀬𑀲𑁆𑀲 𑀅𑀘𑀺𑀦𑁆𑀢𑀺𑀬𑁄;

𑀬𑀲𑁆𑀲 𑀧𑀭𑀓𑁆𑀓𑀫𑁄 𑀚𑁂𑀝𑁆𑀞𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁫𑁯. ‘‘𑀭𑀸𑀕𑁄 𑀤𑁄𑀲𑁄 𑀘 𑀫𑁄𑀳𑁄 𑀘, 𑀯𑀺𑀲𑀸 𑀲𑀩𑁆𑀩𑁂 𑀲𑀫𑀽𑀳𑀢𑀸;

𑀅𑀕𑀤𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁬𑁦. ‘‘𑀓𑁆𑀮𑁂𑀲𑀩𑁆𑀬𑀸𑀥𑀺𑀩𑀳𑀼𑀤𑀼𑀓𑁆𑀔 𑀲𑀩𑁆𑀩𑀢𑀫𑀯𑀺𑀦𑁄𑀤𑀦𑁄 [𑀯𑀺𑀦𑁄𑀤𑀓𑁄 (𑀲𑀻. 𑀲𑁆𑀬𑀸.)];

𑀯𑁂𑀚𑁆𑀚𑀽𑀧𑀫𑁄 𑀫𑀳𑀸𑀯𑀻𑀭𑁄, 𑀲𑁄 𑀫𑁂 𑀩𑀼𑀤𑁆𑀥𑁄 𑀦𑀺𑀫𑀦𑁆𑀢𑀺𑀢𑁄.

𑁨𑁬𑁧. ‘‘𑀩𑀼𑀤𑁆𑀥𑁄𑀢𑀺 𑀪𑁄 𑀬𑀁 𑀯𑀤𑁂𑀲𑀺, 𑀖𑁄𑀲𑁄𑀧𑁂𑀲𑁄 𑀲𑀼𑀤𑀼𑀮𑁆𑀮𑀪𑁄;

𑀩𑀼𑀤𑁆𑀥𑁄 𑀩𑀼𑀤𑁆𑀥𑁄𑀢𑀺 𑀲𑀼𑀢𑁆𑀯𑀸𑀦, 𑀧𑀻𑀢𑀺 𑀫𑁂 𑀉𑀤𑀧𑀚𑁆𑀚𑀣.

𑁨𑁬𑁨. ‘‘𑀅𑀩𑁆𑀪𑀦𑁆𑀢𑀭𑀁 𑀅𑀕𑀡𑁆𑀳𑀦𑁆𑀢𑀁, 𑀧𑀻𑀢𑀺 𑀫𑁂 𑀩𑀳𑀺 𑀦𑀺𑀘𑁆𑀙𑀭𑁂;

𑀲𑁄𑀳𑀁 𑀧𑀻𑀢𑀺𑀫𑀦𑁄 𑀲𑀦𑁆𑀢𑁄, 𑀇𑀤𑀁 𑀯𑀘𑀦𑀫𑀩𑁆𑀭𑀯𑀺𑀁.

𑁨𑁬𑁩. ‘‘‘𑀓𑀳𑀁 𑀦𑀼 𑀔𑁄 𑀲𑁄 𑀪𑀕𑀯𑀸, 𑀮𑁄𑀓𑀚𑁂𑀝𑁆𑀞𑁄 𑀦𑀭𑀸𑀲𑀪𑁄;

𑀢𑀢𑁆𑀣 𑀕𑀦𑁆𑀢𑁆𑀯𑀸 𑀦𑀫𑀲𑁆𑀲𑀺𑀲𑁆𑀲𑀁, 𑀲𑀸𑀫𑀜𑁆𑀜𑀨𑀮𑀤𑀸𑀬𑀓𑀁’.

𑁨𑁬𑁪. ‘‘‘𑀧𑀕𑁆𑀕𑀬𑁆𑀳 𑀤𑀓𑁆𑀔𑀺𑀡𑀁 𑀩𑀸𑀳𑀼𑀁, 𑀯𑁂𑀤𑀚𑀸𑀢𑁄 𑀓𑀢𑀜𑁆𑀚𑀮𑀻;

𑀆𑀘𑀺𑀓𑁆𑀔𑀺 𑀫𑁂 𑀥𑀫𑁆𑀫𑀭𑀸𑀚𑀁, 𑀲𑁄𑀓𑀲𑀮𑁆𑀮𑀯𑀺𑀦𑁄𑀤𑀦𑀁.

𑁨𑁬𑁫. ‘‘‘𑀉𑀤𑁂𑀦𑁆𑀢𑀁𑀯 𑀫𑀳𑀸𑀫𑁂𑀖𑀁, 𑀦𑀻𑀮𑀁 𑀅𑀜𑁆𑀚𑀦𑀲𑀦𑁆𑀦𑀺𑀪𑀁;

𑀲𑀸𑀕𑀭𑀁 𑀯𑀺𑀬 𑀤𑀺𑀲𑁆𑀲𑀦𑁆𑀢𑀁, 𑀧𑀲𑁆𑀲𑀲𑁂𑀢𑀁 𑀫𑀳𑀸𑀯𑀦𑀁.

𑁨𑁬𑁬. ‘‘‘𑀏𑀢𑁆𑀣 𑀲𑁄 𑀯𑀲𑀢𑁂 𑀩𑀼𑀤𑁆𑀥𑁄, 𑀅𑀤𑀦𑁆𑀢𑀤𑀫𑀓𑁄 𑀫𑀼𑀦𑀺;

𑀯𑀺𑀦𑀬𑀦𑁆𑀢𑁄 𑀘 𑀯𑁂𑀦𑁂𑀬𑁆𑀬𑁂, 𑀩𑁄𑀥𑁂𑀦𑁆𑀢𑁄 𑀩𑁄𑀥𑀺𑀧𑀓𑁆𑀔𑀺𑀬𑁂.

𑁨𑁬𑁭. ‘‘‘𑀧𑀺𑀧𑀸𑀲𑀺𑀢𑁄𑀯 𑀉𑀤𑀓𑀁, 𑀪𑁄𑀚𑀦𑀁𑀯 𑀚𑀺𑀖𑀘𑁆𑀙𑀺𑀢𑁄;

𑀕𑀸𑀯𑀻 𑀬𑀣𑀸 𑀯𑀘𑁆𑀙𑀕𑀺𑀤𑁆𑀥𑀸, 𑀏𑀯𑀸𑀳𑀁 𑀯𑀺𑀘𑀺𑀦𑀺𑀁 𑀚𑀺𑀦𑀁.

𑁨𑁬𑁮. ‘‘‘𑀆𑀘𑀸𑀭𑀉𑀧𑀘𑀸𑀭𑀜𑁆𑀜𑀽, 𑀥𑀫𑁆𑀫𑀸𑀦𑀼𑀘𑁆𑀙𑀯𑀺𑀲𑀁𑀯𑀭𑀁;

𑀲𑀺𑀓𑁆𑀔𑀸𑀧𑁂𑀫𑀺 𑀲𑀓𑁂 𑀲𑀺𑀲𑁆𑀲𑁂, 𑀕𑀘𑁆𑀙𑀦𑁆𑀢𑁂 𑀚𑀺𑀦𑀲𑀦𑁆𑀢𑀺𑀓𑀁.

𑁨𑁬𑁯. ‘‘‘𑀤𑀼𑀭𑀸𑀲𑀤𑀸 𑀪𑀕𑀯𑀦𑁆𑀢𑁄, 𑀲𑀻𑀳𑀸𑀯 𑀏𑀓𑀘𑀸𑀭𑀺𑀦𑁄;

𑀧𑀤𑁂 𑀧𑀤𑀁 𑀦𑀺𑀓𑁆𑀔𑀺𑀧𑀦𑁆𑀢𑀸, 𑀆𑀕𑀘𑁆𑀙𑁂𑀬𑁆𑀬𑀸𑀣 𑀫𑀸𑀡𑀯𑀸.

𑁨𑁭𑁦. ‘‘‘𑀆𑀲𑀻𑀯𑀺𑀲𑁄 𑀬𑀣𑀸 𑀖𑁄𑀭𑁄, 𑀫𑀺𑀕𑀭𑀸𑀚𑀸𑀯 𑀓𑁂𑀲𑀭𑀻;

𑀫𑀢𑁆𑀢𑁄𑀯 𑀓𑀼𑀜𑁆𑀚𑀭𑁄 𑀤𑀦𑁆𑀢𑀻, 𑀏𑀯𑀁 𑀩𑀼𑀤𑁆𑀥𑀸 𑀤𑀼𑀭𑀸𑀲𑀤𑀸.

𑁨𑁭𑁧. ‘‘‘𑀉𑀓𑁆𑀓𑀸𑀲𑀺𑀢𑀜𑁆𑀘 𑀔𑀺𑀧𑀺𑀢𑀁, 𑀅𑀚𑁆𑀛𑀼𑀧𑁂𑀓𑁆𑀔𑀺𑀬 𑀫𑀸𑀡𑀯𑀸;

𑀧𑀤𑁂 𑀧𑀤𑀁 𑀦𑀺𑀓𑁆𑀔𑀺𑀧𑀦𑁆𑀢𑀸, 𑀉𑀧𑁂𑀣 𑀩𑀼𑀤𑁆𑀥𑀲𑀦𑁆𑀢𑀺𑀓𑀁.

𑁨𑁭𑁨. ‘‘‘𑀧𑀝𑀺𑀲𑀮𑁆𑀮𑀸𑀦𑀕𑀭𑀼𑀓𑀸, 𑀅𑀧𑁆𑀧𑀲𑀤𑁆𑀤𑀸 𑀤𑀼𑀭𑀸𑀲𑀤𑀸;

𑀤𑀼𑀭𑀽𑀧𑀲𑀗𑁆𑀓𑀫𑀸 𑀩𑀼𑀤𑁆𑀥𑀸, 𑀕𑀭𑀽 𑀳𑁄𑀦𑁆𑀢𑀺 𑀲𑀤𑁂𑀯𑀓𑁂.

𑁨𑁭𑁩. ‘‘‘𑀬𑀤𑀸𑀳𑀁 𑀧𑀜𑁆𑀳𑀁 𑀧𑀼𑀘𑁆𑀙𑀸𑀫𑀺, 𑀧𑀝𑀺𑀲𑀫𑁆𑀫𑁄𑀤𑀬𑀸𑀫𑀺 𑀯𑀸;

𑀅𑀧𑁆𑀧𑀲𑀤𑁆𑀤𑀸 𑀢𑀤𑀸 𑀳𑁄𑀣, 𑀫𑀼𑀦𑀺𑀪𑀽𑀢𑀸𑀯 𑀢𑀺𑀝𑁆𑀞𑀣.

𑁨𑁭𑁪. ‘‘‘𑀬𑀁 𑀲𑁄 𑀤𑁂𑀲𑁂𑀢𑀺 𑀲𑀫𑁆𑀩𑀼𑀤𑁆𑀥𑁄 [𑀲𑀤𑁆𑀥𑀫𑁆𑀫𑀁 (𑀲𑀻. 𑀲𑁆𑀬𑀸.)], 𑀔𑁂𑀫𑀁 𑀦𑀺𑀩𑁆𑀩𑀸𑀦𑀧𑀢𑁆𑀢𑀺𑀬𑀸;

𑀢𑀫𑁂𑀯𑀢𑁆𑀣𑀁 𑀦𑀺𑀲𑀸𑀫𑁂𑀣, 𑀲𑀤𑁆𑀥𑀫𑁆𑀫𑀲𑀯𑀦𑀁 𑀲𑀼𑀔𑀁’.

𑁨𑁭𑁫. ‘‘𑀉𑀧𑀲𑀗𑁆𑀓𑀫𑁆𑀫 𑀲𑀫𑁆𑀩𑀼𑀤𑁆𑀥𑀁, 𑀲𑀫𑁆𑀫𑁄𑀤𑀺𑀁 𑀫𑀼𑀦𑀺𑀦𑀸 𑀅𑀳𑀁;

𑀢𑀁 𑀓𑀣𑀁 𑀯𑀻𑀢𑀺𑀲𑀸𑀭𑁂𑀢𑁆𑀯𑀸, 𑀮𑀓𑁆𑀔𑀡𑁂 𑀉𑀧𑀥𑀸𑀭𑀬𑀺𑀁.

𑁨𑁭𑁬. ‘‘𑀮𑀓𑁆𑀔𑀡𑁂 𑀤𑁆𑀯𑁂 𑀘 𑀓𑀗𑁆𑀔𑀸𑀫𑀺, 𑀧𑀲𑁆𑀲𑀸𑀫𑀺 𑀢𑀺𑀁𑀲𑀮𑀓𑁆𑀔𑀡𑁂;

𑀓𑁄𑀲𑁄𑀳𑀺𑀢𑀯𑀢𑁆𑀣𑀕𑀼𑀬𑁆𑀳𑀁, 𑀇𑀤𑁆𑀥𑀺𑀬𑀸 𑀤𑀲𑁆𑀲𑀬𑀻 𑀫𑀼𑀦𑀺.

𑁨𑁭𑁭. ‘‘𑀚𑀺𑀯𑁆𑀳𑀁 𑀦𑀺𑀦𑁆𑀦𑀸𑀫𑀬𑀺𑀢𑁆𑀯𑀸𑀦, 𑀓𑀡𑁆𑀡𑀲𑁄𑀢𑁂 𑀘 𑀦𑀸𑀲𑀺𑀓𑁂;

𑀧𑀝𑀺𑀫𑀲𑀺 𑀦𑀮𑀸𑀝𑀦𑁆𑀢𑀁, 𑀓𑁂𑀯𑀮𑀁 𑀙𑀸𑀤𑀬𑀻 𑀚𑀺𑀦𑁄.

𑁨𑁭𑁮. ‘‘𑀢𑀲𑁆𑀲𑀸𑀳𑀁 𑀮𑀓𑁆𑀔𑀡𑁂 𑀤𑀺𑀲𑁆𑀯𑀸, 𑀧𑀭𑀺𑀧𑀼𑀡𑁆𑀡𑁂 𑀲𑀩𑁆𑀬𑀜𑁆𑀚𑀦𑁂;

𑀩𑀼𑀤𑁆𑀥𑁄𑀢𑀺 𑀦𑀺𑀝𑁆𑀞𑀁 𑀕𑀦𑁆𑀢𑁆𑀯𑀸𑀦, 𑀲𑀳 𑀲𑀺𑀲𑁆𑀲𑁂𑀳𑀺 𑀧𑀩𑁆𑀩𑀚𑀺𑀁.

𑁨𑁭𑁯. ‘‘𑀲𑀢𑁂𑀳𑀺 𑀢𑀻𑀳𑀺 𑀲𑀳𑀺𑀢𑁄, 𑀧𑀩𑁆𑀩𑀚𑀺𑀁 𑀅𑀦𑀕𑀸𑀭𑀺𑀬𑀁;

𑀅𑀤𑁆𑀥𑀫𑀸𑀲𑁂 𑀅𑀲𑀫𑁆𑀧𑀢𑁆𑀢𑁂, 𑀲𑀩𑁆𑀩𑁂 𑀧𑀢𑁆𑀢𑀸𑀫𑁆𑀳 𑀦𑀺𑀩𑁆𑀩𑀼𑀢𑀺𑀁.

𑁨𑁮𑁦. ‘‘𑀏𑀓𑀢𑁄 𑀓𑀫𑁆𑀫𑀁 𑀓𑀢𑁆𑀯𑀸𑀦, 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑁂 𑀅𑀦𑀼𑀢𑁆𑀢𑀭𑁂;

𑀏𑀓𑀢𑁄 𑀲𑀁𑀲𑀭𑀺𑀢𑁆𑀯𑀸𑀦, 𑀏𑀓𑀢𑁄 𑀯𑀺𑀦𑀺𑀯𑀢𑁆𑀢𑀬𑀼𑀁.

𑁨𑁮𑁧. ‘‘𑀕𑁄𑀧𑀸𑀦𑀲𑀺𑀬𑁄 𑀤𑀢𑁆𑀯𑀸𑀦, 𑀧𑀽𑀕𑀥𑀫𑁆𑀫𑁂 𑀯𑀲𑀺𑀁 𑀅𑀳𑀁;

𑀢𑁂𑀦 𑀓𑀫𑁆𑀫𑁂𑀦 𑀲𑀼𑀓𑀢𑁂𑀦, 𑀅𑀝𑁆𑀞 𑀳𑁂𑀢𑀽 𑀮𑀪𑀸𑀫𑀳𑀁.