𑁭. 𑀲𑀤𑁆𑀤𑀲𑀜𑁆𑀜𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁪. ‘‘𑀲𑀼𑀤𑀲𑁆𑀲𑀦𑁄 𑀫𑀳𑀸𑀯𑀻𑀭𑁄, 𑀤𑁂𑀲𑁂𑀢𑀺 𑀅𑀫𑀢𑀁 𑀧𑀤𑀁;

𑀧𑀭𑀺𑀯𑀼𑀢𑁄 𑀲𑀸𑀯𑀓𑁂𑀳𑀺, 𑀯𑀲𑀢𑀺 𑀖𑀭𑀫𑀼𑀢𑁆𑀢𑀫𑁂.

𑁩𑁫. ‘‘𑀢𑀸𑀬 𑀯𑀸𑀘𑀸𑀬 𑀫𑀥𑀼𑀭𑀸𑀬, 𑀲𑀗𑁆𑀕𑀡𑁆𑀳𑀸𑀢𑀺 [𑀲𑀗𑁆𑀕𑀡𑁆𑀳𑀦𑁆𑀢𑁂 (𑀲𑀻.)] 𑀫𑀳𑀸𑀚𑀦𑀁;

𑀖𑁄𑀲𑁄 𑀘 𑀯𑀺𑀧𑀼𑀮𑁄 𑀆𑀲𑀺, 𑀆𑀲𑀻𑀲𑁄 [𑀆𑀲𑀁𑀲𑁄 (𑀲𑀻.)] 𑀤𑁂𑀯𑀫𑀸𑀦𑀼𑀲𑁂.

𑁩𑁬. ‘‘𑀦𑀺𑀕𑁆𑀖𑁄𑀲𑀲𑀤𑁆𑀤𑀁 𑀲𑀼𑀢𑁆𑀯𑀸𑀦, 𑀲𑀺𑀤𑁆𑀥𑀢𑁆𑀣𑀲𑁆𑀲 𑀫𑀳𑁂𑀲𑀺𑀦𑁄;

𑀲𑀤𑁆𑀤𑁂 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸, 𑀅𑀯𑀦𑁆𑀤𑀺𑀁 𑀮𑁄𑀓𑀦𑀸𑀬𑀓𑀁.

𑁩𑁭. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀲𑀜𑁆𑀜𑀫𑀮𑀪𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀲𑀜𑁆𑀜𑀸𑀬𑀺𑀤𑀁 𑀨𑀮𑀁.

𑁩𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀤𑁆𑀤𑀲𑀜𑁆𑀜𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀤𑁆𑀤𑀲𑀜𑁆𑀜𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀲𑀢𑁆𑀢𑀫𑀁.