𑁧𑁦. 𑀓𑀼𑀫𑀼𑀤𑀫𑀸𑀮𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁫𑁪. ‘‘𑀉𑀲𑀪𑀁 𑀧𑀯𑀭𑀁 𑀯𑀻𑀭𑀁, 𑀫𑀳𑁂𑀲𑀺𑀁 𑀯𑀺𑀚𑀺𑀢𑀸𑀯𑀺𑀦𑀁;

𑀯𑀺𑀧𑀲𑁆𑀲𑀺𑀦𑀁 𑀫𑀳𑀸𑀯𑀻𑀭𑀁, 𑀅𑀪𑀺𑀚𑀸𑀢𑀁𑀯 𑀓𑁂𑀲𑀭𑀺𑀁.

𑁫𑁫. ‘‘𑀭𑀣𑀺𑀬𑀁 𑀧𑀝𑀺𑀧𑀚𑁆𑀚𑀦𑁆𑀢𑀁, 𑀆𑀳𑀼𑀢𑀻𑀦𑀁 𑀧𑀝𑀺𑀕𑁆𑀕𑀳𑀁;

𑀕𑀳𑁂𑀢𑁆𑀯𑀸 𑀓𑀼𑀫𑀼𑀤𑀁 𑀫𑀸𑀮𑀁, 𑀩𑀼𑀤𑁆𑀥𑀲𑁂𑀝𑁆𑀞𑀁 𑀲𑀫𑁄𑀓𑀺𑀭𑀺𑀁.

𑁫𑁬. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁫𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀓𑀼𑀫𑀼𑀤𑀫𑀸𑀮𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀓𑀼𑀫𑀼𑀤𑀫𑀸𑀮𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀆𑀭𑀓𑁆𑀔𑀤𑀸𑀬𑀓𑀯𑀕𑁆𑀕𑁄 𑀩𑀸𑀢𑁆𑀢𑀺𑀁𑀲𑀢𑀺𑀫𑁄 [𑀩𑀢𑁆𑀢𑀺𑀁𑀲𑀢𑀺𑀫𑁄 (𑀲𑀻. 𑀲𑁆𑀬𑀸.)].